mahmoud eldeep

رأيي هو ممكن يكون سبب المشاكل دي هي الاصطناع في المعاملة مع زمايلك او اي حد جديد بتتعرفي عليه ف انتي بتحاولي تكوني حلوة اوي في التعامل عشان الناس تحبك ودا عمره ما هيحصل ابدا ابدا!! 👌👌 لان الناس دلوقتي مبتحبش الغلبان اللي بيحاول يرضي الكل عشان حد يصاحبه وبتكرفه فأنا بصراحة شايف ان الحل المناسب هو ا-ك لو بتصطنعي.. لازم توقفي الإصطناع.. وأسالي نفسك سؤال كدا!! هو أنا بصطنع عشان مين؟ عشان الناس 😏😏 هههه دول بشر انتي زيك زيهم ولا أي حد منهم افضل منك ولا ليه الحق أنو يعدل عليكي طالما انتي ماشية صح زي ما بتقولي وانا بقوللك اتعاملي بطبيعتك الخيرة ومتتصنعيش ابدا ع تعجبي الناس وصدقيني هتلاقي الشخص اللي هيعوضك عن دا كله طالما انتي نيتك صافية.. والرد بتاعي دا بناء عن تجارب كتيييير جدا جدا من النوع دا وكنت بحاول اصطنع وأول ما بدأت اتعامل بطبيعتي بعد فترة كدا لاقيت نفسي بدات اتعامل مع ناس كتير وناس عمري ما كنت اتخيل اني اصاحبهم اصلا وتقدري برده تبادري انتي الأول.. يعني انتي اللي تقولي لصحابك وتخلليكي انتي صاحبة الفكرة وتحاولي تثبتي نفسك قدامهم ولو حاسة ان ثقتك ف نفسك ضعيفة ومعندكيش اي حاجة تثبتي بيها نفسك قدامهم انتي ممكن تبدأي تتعلمي حاجات جديدة... لغة جديدة تلعبي رياضة.... إلخ. المهم هو انك تغيري المود بتاع صحابك دول لو الموضوع مجابش نتيجة وكدا كدا بإذن الله لازم لازم هتلاقي اللي يفهمك ويقدرك . وانا آسف ع الإطالة. شكرا

دا مش برنامج تعليمي، دا لاي حد عنده مشكلة شخصية مثلا او اي حاجة خاصة بيه يقدر يناقشها هنا واللي عارف يساعده. يتفضل،،،، بنساعد بعض م اكتر

العفو + وربنا يصلحلك حالك وحالنا جميعا

تمم.. خلليكي انتي الاحسن وابداي معاهم مرة واتنين ولو ملقتيش حد بيسال عليكي برده يخبط دماغه ف الحيط و متزعليش نفسك خالص لان معظم الصحاب دلوقتي كدا.. والحل انك تطنشهم بس... (طنش اكتر، ترتاح أكتر) بس دا مع الناس اللي زي دول طبعا م مع الناس المحترمة

دول اصحاب مصالح والموضوع باين جدا...والحل واضح... ملكيش دعوة بيهم ولما يحتاجولك اعملي نفسك مشغولة وخلليكي تقيلة..

ولو في حد عيب علي معاملتك غيرهم او فيه ناس كتير قالتلك انك مبتعرفيش تتعاملي كويس مثلا.. يبقا المشكلة حلها ف ايدك انتي ... انتي اللي لازم تحاولي تغيري معاملتك..... ولو مفيش حد قالك كدا يبقا زي ما قولتلك ملكيش دغوة بيهم خالص.

كونك انك بتعامليهم بنفس معاملتهم ويزعلوا منك يبقا دول مش صحاب أصلا وشوفيلك ناس تانية محترمة وتقدر معني الصحبة اللي بجد.. وع فكرة صحابك دول هما سبب اساسي ف انعدام ثقتك بالناس. فلازم تبعدي عنهم وتكوني صحبة جديدة ومتخافيش من حد واتعاملي بطبيعتك