بهنيك أولا علي خطواتك دي بجد مش كتير بيعملها يعني اللي بيتجهوا لطريق المخدرات دول بيكون صعب عليهم يبطلوه بس بجد بهنيك والله ، بص في قاعدة بتقول " اللي فات مات " الماضي وذكريات الماضي لا هتجيب ولا هتودي ، هتقولي صعب اتخطاها هقولك ايوا صعب مقلناش سهل بس بما انك قدرت تتجاوز المخدرات ف بإذن الله روحك المعنوية هتساعدك في تجاوز الماضي ، بداية تجاوز الماضي بتيجي ازاي بقا ؟ بص أولا هي عدم التفكير في الماضي ونركز علي الوضع الحالي والمستقبل ، خد عهد علي نفسك بإنك هتبدأ مسيرة حياة جديدة طاهرة في طاعة الله وعمر اللي كان قريب من ربنا ربنا بيتخلي عنه " والذين جاهدوا فينا لنهدينهم سبلنا " ، كل ما تلاقي عقلك هيفكر في الماضي جاهد وامنعه وقوم اشغله سواء بالتخطيط لبناء حياتك وشغلك ، لإن العقل دا لو انت مشغلتهوش في حاجة هو هيشغل نفسه بالتفكير المفرط فاحنا نمنع الحتة دي بإننا نشغله احنا منستناش لما هو يشغل نفسه بنفسه ، ثاني حاجة مهما امك وابوك يعملوا هيفضلوا أمك وأبوك اللي ربنا وصَّاك بطاعتهم ، بيعاملوك وحش عاملهم بما يرضي الله حلو " ولا تقل لهما أفٍ ولا تنهرهما وقل لهما قولا كريما " اصبر على أذاهم لوجه الله ، انت مش هتستحملهم العمر كله هما فترة وهيسيبوك وانت فترة وهتتجوز وتعيش مع عيالك ومراتك وكلنا في الآخر هنموت ، في الآخر أهم حاجة بنصحك بيها ألا وهي الصحبة اللي انت بتمشي معاها ، اختار الناس اللي تاخدك لطريق ربنا وابعد عن اللي بيرجعوك للمخدرات والمعاصي ، و ابني علاقة قلبية مع ربنا وليس علاقة جسدية فقط .
تب إلى الله توبة نصوحه وتقرب لله أكثر واحضر جلسات العلم الصحيح لاهل السنه والجماعه وصادق صحبه صالحه تعينك على الخير ادخل نفسك في بيئه تساعدط زتعافى بالله ولله اهنئك على خطوتك بترك المخدرات وبالنسبه للسجائر بدلها بأي شئ حتى لو مصاصه او ملبس كلما تشتهي السجائر ضع المصاصه او الملبس بفمك وان كان مضطر جدا اشرب قهوه ولا تعتد عليها ايضا
تم النشر السبت، ٢٢ أغسطس ٢٠٢٦
لعرض الإجابة في فدني اضغط هنا