اعتقد اني اكتسبت عادة غذائية غلط و مش عارفه ازاي اتخلص منها ، انا حتى مش عارفة اذا كنت صح ولا غلط ، ببساطة انا في طول اليوم باكل ، مش بشكل شره ولا بكميات كبيرة ، بالعكس انا مش باكل وجبات اساسية بشكل كامل ، لكن باكل كميات قليلة على مدار اليوم ، و بشرب ميه كتير فلما بيجي وقت الواجبات الاساسية من اقل كمية اكل بحس بامتلاء رغم كدا بكمل اكل لاني لسه عندي رغبة في الاكل .
و على المنوال دا يومي ، يعني لو لقيت اكتر من نوع اكل عجبني مش باكل دفعة واحدة من حاجه واحدة لا باكل مقدار من كل حاجه
كمان مش عارفه اذا في حد بيفكر زي كدا ولا انا بس ، لم بكون واكلة و حد بيعزم عليا باكل بيبقى عندي رغبة اني اكل معاه تاني ، لكن للأدب برفض ، بحس اني من اول ما بصحى بفكر هاكل ايه على الفطار و بعد الفطار و طول الوقت بفكر في الاكل
للمعلوم
انا بكون بالشكل الي ذكرته لما بكون فاضية اصلا طول اليوم بتاعي مفهوش اي حاجه تذكر خصوصا بعد ما خلصت دراستي و معنديش شغل
لكن لم بتشغل بحاجه ممكن أقعد طول اليوم مفكرش في الاكل ولا اجوع عادي
اخيرا انا عمرى 20 و طولي 160 و وزني
65
السلام عليكم، طالما ذكرتِ إن الموضوع مرتبط معك بالفراغ فده الحل بالنسبة لك، الدراسة والشغل مش كل حاجة في الحياة فمش معنى إنها خلصت ومشتغلتيش إن مفيش حاجات تانية ممكن تعمليها في حياتك ويبقى وقت مشغول ومثمر. ابدئي ادرسي حياتك وشوفي إيه اللي عاوز يتحسن أو شايفة فيه مشكلة في جوانب حياتك المختلفة أو إيه عاوز يتطور في حياتك وشخصيتك، إيه هوايات كان نفسك تمارسيها أو مهارات كنتِ بتفكري تتعلميها أيام الدراسة ومكنش في وقت لها. ابدئي حطي أهداف وقسمي وقتك واشتغلي على الأهداف دي ووقت فراغك هيقل ومعه هيقل إحساسك بالجوع وتفكيرك في الأكل، هيبقى بالك مشغول في حاجات أهم وراكِ. ** كمان حاجة، جربي الصيام المتقطع، لما بتمشي عليه كم يوم هتلاقيكِ بتلتزمي بالساعات اللي مش فيها أكل ومش بتحسي بالجوع طول اليوم وده عن تجربة. ومارسي رياضة ولو عشر دقائق يوميا هتحسن مزاجك ونفسيتك وتظبط جسمك. *** تابعي قنوات للتغذية الصحية والرياضة وظبطي روتينك اليومي بما فيه الغذاء ودخلي الأطعمة اللي بتساعد على الشبع بسرعة. https://www.sayidaty.net/صحة-ورشاقة/رشاقة-وتغذية/1836030-أطعمة-تزيد-الشبع-وتقلل-الجوع ** ** https://www.webteb.com/articles/اغذية-تدوم-طويلا-في-المعدة_19192 ومهم، تعاملي مع الموضوع عادي وبلاش تحسي بالذنب أو تحوليه لعقدة عشان تعرفي تحليه لأن طول ما حاسة بضيق منه وبتحاولي تقاوميه طول ما هتلاقيه متمسك بك أكتر فخدي الأمور واحدة واحدة وإن شاء الله الدنيا تتظبط معك. بالتوفيق.💚💚
تم النشر الخميس، ١٥ أكتوبر ٢٠٢٦
أولاً، أريد أن أطمئنكِ أن ما تصفينه شائع جداً بين الشابات في عمرك، خاصة عندما يقل الروتين اليومي بعد انتهاء الدراسة. الشعور بالرغبة المستمرة في الأكل رغم الشبع ليس بالضرورة "شراهة"، بل غالباً ما يكون مرتبطاً بالملل أو الفراغ العاطفي أو حتى عادة ذهنية تكونت مع الوقت. أنتِ لستِ وحدكِ في هذا، وهذا لا يعني أن هناك خطأ في شخصيتكِ، بل مجرد نمط يمكن تعديله بخطوات عملية. للتخلص من هذه العادة، ابدئي بإعادة هيكلة يومكِ حول وجبات منتظمة بدلاً من الأكل المتقطع. حددي ثلاث وجبات رئيسية (فطور، غداء، عشاء) مع وجبة خفيفة واحدة إذا لزم الأمر، واجعلي كل وجبة تحتوي على كمية كافية من البروتين والخضروات حتى تشعري بالشبع لفترة أطول. عندما تشعرين بالرغبة في الأكل بين الوجبات، جربي تأجيلها لعشر دقائق مع شرب كوب ماء أو شاي، ثم اسألي نفسكِ: هل أنا جائعة حقاً أم أبحث عن شيء يملأ الوقت؟ هذا التمييز يساعد كثيراً في كسر الدورة. بما أنكِ ذكرتِ أن الانشغال يجعلكِ تنسين الأكل تماماً، فهذا مفتاح الحل: املئي أوقات الفراغ بأنشطة بسيطة ومفيدة مثل تعلم مهارة جديدة عبر الإنترنت، قراءة كتب، أو حتى أعمال منزلية خفيفة أو رياضة خفيفة في المنزل. تذكري أن الإسلام يحث على الاعتدال في كل شيء، بما في ذلك الطعام، فالأكل ليس مجرد إشباع للرغبة بل نعمة يجب التعامل معها بوعي. مع الوقت والاستمرار، ستقل هذه الأفكار تدريجياً، وستشعرين بسيطرة أكبر على يومكِ. يمكنكِ البحث عن أسئلة مشابهة على فدني للحصول على تجارب أخرى تدعمكِ. أنتِ قادرة على التغيير، وخطوتكِ الأولى بالاعتراف بالمشكلة هي خطوة قوية بالفعل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١٤ أكتوبر ٢٠٢٦
الوزن مناسب للطول حاليًا، ولكن وارد مع السعي الحالي المستمر وراء الأكل يزيد بشكل وحش، ودي مجرد عادة تتعدل بالتدريب والتدريج والانضباط
تم النشر الخميس، ١٥ أكتوبر ٢٠٢٦
وقت الفراغ بيحصل فيه كده فعلاً.....طول ما احنا بنحس بجوع ناكل عادي بس ميكونش اكل مضر.....بس اهم حاجه بلاش معجنات بلاش معجنات بلاش معجنات....مش مع نظام الطيبات ١٠٠٪ لكن معظمه صح والصيام الكتير مفيد جدا
تم النشر الأربعاء، ١٤ أكتوبر ٢٠٢٦
لعرض السؤال في فدني اضغط هنا