السلام عليكم ورحمة الله وبركاته
انا خلصت ثانويه عامه ونص الكتب مش حلاها وكان نفسي اجيب مجموع عالي عشان محدش يكلمني بس انا والله كنت بذاكر وبحاول وكدا بس الي حصل حصل
المهم دلوقتي ابن خالتي هييجي ياخد مني الكتب لو كلمني كلمه اقول اي😭
مع العلم مجموعي الى حد ما مش وحش هو 88.5٪ ادعولي الحق الكليه الي عايزاها بس 😭
وعليكم السلام ورحمة الله وبركاته، عزيزتي، أولاً أود أقول لكِ: ألف مبروك على مجهودك وعلى مجموعك الجميل 88.5%! هذا إنجاز يستحق الفرح والفخر، وهو بعيد كل البعد عن الضعف. أنا أفهم تمامًا شعورك، لما تحسي إنك بذلتِ مجهود كبير وكان هدفك أعلى، ويجي حد يتكلم معك بطريقة ممكن تضايقك بعد التعب ده. لما ابن خالتك ييجي ياخد الكتب ويحاول يكلملك، ممكن تردي بطريقة هادئة وبسيطة، مثل: "الحمد لله على اللي حصل، والنصيب من عند ربنا." "أنا شغلي جالي كدا، وربنا مقدر اللي حصل." "أنا راضية باللي ربنا كتبهلي، وربنا دايمًا معايا إن شاء الله." حاولي تبتعدي عن الدخول في نقاشات طويلة، خاصة لو حسيتِ إن الكلام ممكن يزيد توترك. والردود البسيطة دي بتحافظ على كرامتك وفي نفس الوقت بتوصلك رسالة إنك راضية بما حصل. أما بالنسبة للكليات، بالنظر لمجموعك 88.5%، فأنتِ في موقع جيد ويتيح لكِ كثير من الخيارات الجيدة إن شاء الله. لا تفقدي الأمل وثقي أن الله يفتح لكِ الأبواب التي تناسبك وتحقق لكِ ما تتمنيه. الدعاء مهم جدًا، اسألي الله بصدق أن ييسر لكِ الطريق، واعملي دائمًا على تطوير نفسك ومهاراتك سواء في الدراسة أو خارجها. لو حابة، يمكنكِ البحث في موقع فدني عن تجارب نصائح من بنات أخريات مروا بنفس الموقف، أو حتى طرح سؤال جديد عن اختيار الكلية المناسبة حسب مجموعك واهتماماتك. أنا هنا دائمًا لدعمك، وإذا احتجتي لأي نصيحة أو مساعدة، لا تترددي في التواصل معي يا عزيزتي. أسأل الله أن يوفقك ويسعد قلبك ويرزقك الخير كله. ذكية ❤️
تم النشر الخميس، ٢٤ يوليو ٢٠٢٥
السلام عليكم لو سألك قوليله غيرت طريقة مذاكرتى والحمدلله ربنا يقدرك انت كمان وتخلص الكتب دى واكتر منها
تم النشر الجمعة، ٢٥ يوليو ٢٠٢٥
أولا مجموعك جميل جدا انا كنت ثانوية أزهرية فمعرفش مجموعك عندك ممكن يدخل ايه بس عامة المجموع ده جميل جدا وخليكي واثقة ومتأكدة إن رب الخير لا يأت الا بالخير وبإذن الله الكلية اللي تدخليها تحسي فعلا ان ده مكانك وتبدعي فيها ومجموعة ده يتقال بكل فخر ثانيا متهتميش بكلام الناس انت اللي ذاكرت ووقعت وزعلت وقمت انت اللي عديت بكل مراحل حياتك بكل ما فيها والله اعلم ده اثر على السنه دي ولا لا لا فالشاهد ان انت اللي عشت وقاومت كل ده محدش تاني مجموعك جميل ومجهودك جميل ووالله بجد طالما مجهودك انت متبصيش لاي حاجة تاني
تم النشر الخميس، ٢٤ يوليو ٢٠٢٥
بصراحة سؤالك غريب حبتين! ولكن على العموم، مفيش حاجة هتتغير مادام مجموعك أصبح أمر حصل وقوعه. وبالنسبة للدعاء فهو متعلق بالمذاكرة والاجتهاد، مش للالتحاق باللي نفسك فيه. يعني واحد عايز يدخل طب ومجتهد في المذاكرة جداً جداً جداً، فبندعيله إن ربنا يوفقه وينجحه؛ لأنه مازال بيجتهد وبيشتغل على نفسه، فبنتمناله التوفيق والنجاح لكي يصل إلى حلمه. لكن أنتِ خلاص خلصتي وعرفتي نتيجتك؛ مفيش قدامك غير اللي متاح لمجموعك حالياً. وعلى العموم بدعيلك من كل قلبي أن الله يوفقك لكل خير.
تم النشر الخميس، ٢٤ يوليو ٢٠٢٥
مجموعك حلو اوي على فكره ده انى كنت جايبه 53% و كنت فرحانه
تم النشر الثلاثاء، ٢٩ يوليو ٢٠٢٥
قيمة الشخص مش في مجموعه ولا جماله ولا وظيفته ولا منصبه ولا ثروته .. ولو حد كلمك مش شرط يكون بينتقد يمكن مجرد سؤال عفوي .. وعلى الولد اللي هياخد الكتب فهو محتاج اسئلة فاضية عشان يكتب فيها !
تم النشر الجمعة، ٢٥ يوليو ٢٠٢٥
انتي ما شاء الله مجموعك حلووو جدا قولي الحمد لله غيرك كان بيتمني يجيب زيك وثانويه عامه مش نهاية الحياه ف اللي بيتخرج من طب ومش عارف يشتغل اصلا كله بيشتغل حاجه غير تخصصه الشاطر اللي يعرف يجيب فلوس بس مش بالكلية ولا بالمجموع ربنا يوفقك وتحققي اللي بتتمنيه
تم النشر الجمعة، ٢٥ يوليو ٢٠٢٥
اولا مش شرط علشان أبقى ناجح اخلص الكتب كلها في ناس كتير خلصت الكتب وما نجحتش. ثانيا النتيجة بتاعتك رائعة وجميلة جدا ودة بيدل على ذكائك فأنت خليك فخورة بنفسك وخليك واثقة انك هاتجيبي اللي انت عاوزاه
تم النشر الخميس، ٢٤ يوليو ٢٠٢٥
يا حبيبتي ارفعي راسك فوق .. انتي مجموعك نص مصر تحلم بيه 😂
تم النشر الخميس، ٢٤ يوليو ٢٠٢٥
لعرض السؤال في فدني اضغط هنا