دعاء محمد

بصي أولا انا هقولك ان العيب مش منك في عوامل كتيييير تاني مثلا شخصيات مختلفة وهقولك حاجة صغننه كده إن كل شخص ليه أسلوب في التعبير عن حبه فانت حاولي توصلي للي قدامك انت بتحبي ايه ومش بتحبي ايه وممكن ملاقتيش الشخص اللي فعلا يتفاهم مع شخصيتك بصي مثلا هقولك مثال علي انا مثلا معنديش اصدقاء كتير خالص ممكن هي صديقه واحده اللي اققدر أققول عليها صديقه بجد علاقتنا ازاي بقى حرفيا لو حد شافها من بعيد دي مش صداقه اصلا مش بنتكلم كتير حتى واتس لو حد زعلان ممكن نبعت ماسدج عشان كلانا مش بنحكي ومش بنعرف نحكي بصي علاقتنا مش قريبة أوي بس انا اهو اللي بجد بحس ان محدش بيفهمني ابدا ومش برتاح لحد نهائيا حبيت الصديقه دي بس عشان حسيتها بتديني مساحتي عمرها ما بتضغط علي ابدا ولا تعاتبني في شيء بتراعيني دائما وبتديني ألف عذر وانا فعلا كنت محتاجه ده بس الفكره اننا لما نرجع نشوف بعض كأننا كنا لسه سوا فياصديقتي هتلاقي اللي يفهمك وممكن اصدقائك دول يكونوا بيحبوك جدا بس في اللي مبيعرفش يعبر او يتكلم كده

أولا مجموعك جميل جدا انا كنت ثانوية أزهرية فمعرفش مجموعك عندك ممكن يدخل ايه بس عامة المجموع ده جميل جدا وخليكي واثقة ومتأكدة إن رب الخير لا يأت الا بالخير وبإذن الله الكلية اللي تدخليها تحسي فعلا ان ده مكانك وتبدعي فيها ومجموعة ده يتقال بكل فخر ثانيا متهتميش بكلام الناس انت اللي ذاكرت ووقعت وزعلت وقمت انت اللي عديت بكل مراحل حياتك بكل ما فيها والله اعلم ده اثر على السنه دي ولا لا لا فالشاهد ان انت اللي عشت وقاومت كل ده محدش تاني مجموعك جميل ومجهودك جميل ووالله بجد طالما مجهودك انت متبصيش لاي حاجة تاني

طب وصلت c1ازاي فدني 🫩اختك في الله متشحططة فيه في لغات بعيد عنك 🫠 ومعلش ما جوبتش على سؤالك عشان معنديش فكره لاني ازاهر فمعرفش الفرق اوي

ومعلش انا عاوزه اسألك سؤال ايه المشكله في ان نص الكتب مش محلوله🫠 مش مقياس علفكرة انا في الغالب مكنتش بحل كتير وكان في كتب عندي كتير مش خاله فيها انا مثلا بفضل اذاكر وارجع اكتر واحل في اخر السنه امتحانات سابقه فعادي مش مقياس وعلفكرة انا مجموعي كان حلو جدا وكان في في كتبي مش محلول بجد انا عاوزه اقولك كلام كتيييير جدا بس ملخصه متزعليش لو هتسعي لرضا الناس مش هتجني اي حاجة الناس الجميلة السوية هيقدروا مجهودك وتعبك ايا كان انت جميلة كأنت مش بدرجاتك مش نجاحك انت نفسك اللي تستحقي كل الحب والتقدير والاحترام مش درجاتك معلش طولت عليكي حاجة أخيرة هقولهالك أرجوك اهتمي بصحتك عشان في ناس جابت مجاميع حلوة جدا بس بعد كده مبقاش قادرين يعملوا حاجة تاني استنذفوا كل طاقتهم في السنه دي