ليه ديما بنسامح نفسنا علي اخطائنا و لو غيرنا عملها بتبقى جريمة ممكن انت عملت نفس الغلط ليه تسامح نفسك و تعايرني و تجرحني انا بيه ديما كلنا بنغلط و بنتعلم المفروض نساعد بعض مش نجرح بعض و نفضل فاكرين لبعض الوحش الحياة صعبة لوحدها و احنا بنحاول نكون احسن نسخه من نفسنا بنحاول نبقى احسن ليه تهدمو حياتنا بغلطات عملناها زمان وانتو ملكوش دخل بيها
دي تقصدي مين علشان ما تتوهيش في دايرة شك من الكل و نفور من المجتمع ، اللي بيعمل كده بيكونوا ناس هي دي حياتهم و هي دي تجربتهم و دي افكارهم ، لا اكتر ولا اقل ، هو فاكرلي الوحش علشان بيركز على الوحش و مش معناه ان انا وحش ، هو احنا ما ينفعش اصلا نحدد احنا شايين نفسنا ازاي من ان الناس شايفانا ازاي ، نظرتك لنفسك و مسامحتك ليها لا تتغير ولا تتقهقر ولا تتزحزح قيد انملة ولو كل البشر حاولوا يجرحوكي بكلامهم ، اخرهم يحدفوا كلام و انتي وشطارتك ، يا تتفاديه يا يخبطك ، و في الحالتين القرار قرارك لوحدك و بإيدك ، وبالتوفيق 😊
تم النشر الجمعة، ٢٧ مارس ٢٠٢٦
بصي ده معناه إنك بتتعاملي مع حد بيحاسبك بميزان مش عادل خالص يعني يسامح نفسه على الغلط ويشوف غلطك إنتي جريمة وده في حد ذاته وجع كبير ملوش غير حل واحد إنك تصدقي إنك مش محتاجة تبرري مفيش حد فينا مش بيغلط والجميل فينا هو اللي بيتعلم ويحاول يبقى أحسن الشخص اللي يمسك ليكي الماضي أو يعايرك بحاجة إنتي ندمتي عليها وبطلتيها ده شخص عايز يكسرك مش يبني معاكي حياة واللي بيحب بجد بيبقى ستر وسند مش قاضي وجلاد فنصيحتي ليكي متسمحيش لكلامه يهز ثقتك في نفسك ولا يخليكي تحسي إنك أقل منه لمجرد إنه قرر يفتكر ليكي الوحش وينسى إننا بشر وبنغلط وخليكي فاكرة إن اللي بيحبك بجد هو اللي هيشوف النسخة الحلوة اللي إنتي عليها دلوقتي ويحترم محاولتك إنك تكوني أحسن مش اللي يهد حياك بذنب قديم ملوش دخل بيه أصلاً إنتي غالية ومحاولتك للتغيير دي لوحدها بطولة تستاهل تتقدر مش تتهاجم ربنا يسعدك
تم النشر الخميس، ٢٦ مارس ٢٠٢٦
يا حبيبتي، أول حاجة أقولها: أنا معاكِ قلباً وقالباً ، كلامك ده يلمس القلب فعلاً. الحياة صعبة، وكلنا بنغلط ونتعلم، واللي بيعايركِ بغلطة قديمة ده مش بيساعد حد، ولا هو بريء من الغلطات. زي ما قلتِ، المفروض نساعد بعض نكون أحسن، مش نهدم بعض. ربنا سبحانه قال: "وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ" (آل عمران:134)، فالغفران والتجاوز ده صفة عالية. كيف تتخطى كلام الآخرين؟ هنا خطوات عملية وبسيطة: اعرفي قيمتكِ بنفسكِ : كلام الناس ده مرآة لمشاكلهم، مش ليكِ. اسألي نفسك: "ده هيغير حياتي إزاي؟" ركزي على إنجازاتكِ وجهودكِ للتحسن – اكتبي 3 حاجات فخورة بيها كل يوم. حددي حدودكِ : قولي "شكراً على رأيكِ، بس أنا مركزة في تحسني دلوقتي"، وابعدي عن اللي بيسموا سم. مش لازم تردي كل مرة، الصمت أحياناً أقوى رد. اغفري وتجاوزي : سامحي نفسكِ أولاً (زي ما بتعملي)، وسامحيهم عشان ربنا، مش عشان يستاهلوا. صلي ركعتين وادعي: "رب اشرح لي صدري ويسر لي أمري". ابني دائرتكِ الإيجابية : دوري في Fedni على أسئلة مشابهة زي "التعامل مع النقد السلبي" هتلاقي إجابات كتيرة مفيدة. ولو عايزة دعم أعمق، شوفي الخبراء هنا: https://www.fedni.net/experts – فيه مدربين حياة ونفسيين هيساعدوكِ تبني ثقتكِ. أنتِ قوية وبتحاولي تبقي أحسن، ده كفاية! استمري، واللي جاي أحلى. لو عايزة تتكلمي أكتر، أنا هنا 💕 (وتخيلي لو كل واحد يركز في غلطاته، الحياة هتبقى مهرجان أخطاء مضحك مش دراما!)
تم النشر الخميس، ٢٦ مارس ٢٠٢٦
اللهم آمين
تم النشر الأحد، ٢٩ مارس ٢٠٢٦
العفو 🤍 ربنا يهدى الشخص دا ويهدى اى بنى آدم ممكن يؤذى غيره نفسيا قبل جسديا والله االلهم آمين
تم النشر الأحد، ٢٩ مارس ٢٠٢٦
@أحمد سعيد فاهماك و شكرا ليك بجد
تم النشر السبت، ٢٨ مارس ٢٠٢٦
انا بعمل كدا بس ابعد ازاي لما يكون الشخص ده حد من اهلي
تم النشر الجمعة، ٢٧ مارس ٢٠٢٦
مم
تم النشر الجمعة، ٢٧ مارس ٢٠٢٦
تجاهليه تماما أيا كان مين خلى التعامل فى حدود الاحتياج مثلا أخوكى أو أختك ولو أبوكى وأمك اسكتى خالص واستحملى وحاولى تقللى كلامك تماما بحيث ان انتى لما يقعد يعايرك بالحاجة دية وبتظهر منك ردة فعلا هيفضل مستمر فى إنة يقولهالك لكن لما تتجاهلى دا وميبقاش فية أى ردة فعل كأنك مسمعتيش حاجة هيزهق مع الوقت فاهمانى
تم النشر الجمعة، ٢٧ مارس ٢٠٢٦
طالما عملتى خطأ أو ذنب معين مثلا زمان وتوبتى منه توبة صادقة وتعافيتى من آثاره انتى كدا تمام طب واللى بيذلنى دا وكل شوية يفكرنى حلك الوحيد التجاهل تماما لأن دا بيبقى طبيعة شخصية مش هتتغير أيا كان لازم التجاهل وتحاولى تبعدى عن أى حد ممكن يعملك كدا لأن دا بيأذيكى نفسيا ولازم تثقى أكتر وتعرفى مش فارقة معاكى العباد أنا فارقة معايا رب العباد فاهمانى تجاهلي الناس دية وابعدى عنهم تماما
تم النشر الجمعة، ٢٧ مارس ٢٠٢٦
لعرض السؤال في فدني اضغط هنا