أنا في تالته ثانوي وكنت عاملا روم واتس للدراسه وكده وكنت بعمل تبادل وكده فدخلت لشخص أنا معرفش هو ولد ولا بنت طلبت منه ينزل الروم بتاعي في الروم بتاعه فلقيته باعتالي ريكورد وهو بيقرأ قرآن وكده وكان صوته جميل قولتله ماشاء الله اللهم بارك وكده فقولتله ممكن تنزل الروم بتاعي عندك قالي تمام وقعد بقى يتكلم وكده
وأنا كنت بقفل بس هو يفتح مواضيع ويتكلم وكده لحد ما عرف اسمي وعرفني وأنا عارفه وكده ومر أيام وأيام بالحال دا لحد ما في يوم لقيته بيقولي أنا عايز أقولك حاجه لما قلت له يقول كان يتوه في الكلام وكل مره نتكلم فيها في وسط الكلام يقول عايز أقولك حاجه ولما أقوله يقول يتوه في الكلام لحد ما قولتلو والله لا تقول فقالي أنا بحبك ومعجب بكي وطريقتك وبأسلوبك
قولتلو أنتا مشوفتينيش وش لوش ولا تعرفني أصلا غير اسمي ومن أين وخلاص وإحنا في سنه وآحده قالي والله ما أعرف أنا قعدت أقول لنفسي كده لحد ما اقتنعت إني معجب بيكي وبحبك أنا عايز أتقدملك قولتلو إحنا في تالته والسنه دي مهما ولازم نعمل اللي علينا والكلام التاني جا بعد ما نخلص
وقولتلو أنا عمري ما أعرف أتكلم تاني بعد ما قلت لي كده علشان منكونش فتنه وكده لما نخلص السنه نبقا نتكلم وعدا شهر اتهيألي ولقيته مش عارفه رقمه ظهر عندي تاني على ما إني كنت مسحته مش عارفه اتهيألي غير حاجه في الإعدادات بتاعت الواتس بيني وبينه فيظهر الرقم فلقيته لسه مسجلني فمش عارفه أعمل اه واللي أنا عملته دا صح
السلام عليكم، سبحان الله، حتى الدين والقرآن عادي يستخدموه في جر رجل البنات. (على افتراض إنه كان عارف إنك بنت عشان مكنش ظلمته، بس للأسف فيه منهم بيعمل كده) ما علينا، اللي عملتِه هو الصح ولا تشكي في كده. مش عارفة بيقول يتقدم لك إزاي وأنتم لسه في ثالثة ثانوي، وحتى لو كان ناوي بعدها فأنتم مش محتاجين تتكلموا ولا تبدأوا علاقة غير رسمية تكون حرام ومش معروف نهايتها لفين. أنتِ عملتِ الصح وافضلي قافلة معه ولو بعت مترديش واعملي بلوك. لو كان معجب فعلا ومتمسك بك بعد الثانوية والجامعة هيعرف يوصل لأهلك ويطلبك غير كده كله لعب عيال. واتعلمي من اللي حصل ومتفتحيش كلام مع أولاد تاني لأن هيوصل لنفس النتيجة. ركزي في دراستك وربنا يوفقك فيها إن شاء الله.💚💚
تم النشر الاثنين، ٧ سبتمبر ٢٠٢٦
صح اللي عملتيه يا بنتي، وكان قرار ناضج ومسؤول في الظروف دي. أنتِ في سنة مصيرية زي تالتة ثانوي، والضغط النفسي والدراسي فيها كبير، فكان من الحكمة إنك توقفي الكلام فوراً لما حسيتِ إن الموضوع ممكن يتحول لفتنة. قولك له "نأجل الكلام لحد ما نخلص السنة" كان رد فعل سليم، لأنه بيحافظ على تركيزك ويبعد عن أي تشتت أو مشاعر ممكن تؤثر على مذاكرتك. كمان إنك ما استمريتش في الحديث بعد الاعتراف ده يدل على وعيك بأهمية الحدود الشرعية، وده شيء يُحسب لك. بالنسبة لرقمه اللي ظهر تاني، ده غالباً بسبب إعدادات الواتساب زي "إظهار الرقم" أو إنه لسه محفوظ عندك في مكان تاني، مش بالضرورة إنه عمل حاجة. لو مش عايزة تتواصلي معاه دلوقتي، أفضل حاجة تعمليها إنك تمسحي الشات كله وتحذفي الرقم من كل مكان، وتتجاهلي أي محاولة للتواصل. ركزي دلوقتي على امتحاناتك 100%، لأن السنة دي بتحتاج تركيز كامل. لو بعد الامتحانات حسيتِ إن فيه نية جدية من ناحيته، ممكن تفكري في إشراك أهلك في الموضوع بشكل رسمي، لأن الطريق الصحيح في الإسلام هو التقدم الرسمي. أنتِ عملتِ اللي عليكِ دلوقتي، وده كفاية. ربنا يوفقك في دراستك ويبعد عنك أي فتنة. لو عايزة تتكلمي أكتر عن إزاي تحافظي على تركيزك في الفترة الجاية، أنا هنا.
تم النشر الاثنين، ٧ سبتمبر ٢٠٢٦
أي حاجه من بره بره حرام وهترهقك اقطعي أي حاجه توصلكم ببعض ، واعرفي حدود الاختلاط .
تم النشر الاثنين، ٧ سبتمبر ٢٠٢٦
بصي لو قدرتي تمسحي الواتس وتعملي ب واتس مامتك يكون أفضل والشاب اعمليلو بلوك وانتهي الأمر انتي ف سنه محتاجه توفيق ربنا قبل الاجتهاد ف متفتحيش كلام تاني مع أي شاب واتقي الله ولا جروبات ولا غيرو وربنا يوفقك
تم النشر الاثنين، ٧ سبتمبر ٢٠٢٦
لعرض السؤال في فدني اضغط هنا