خلّيني أقولك حاجة… إنت مش كسلان ومش بارد ومش فقدت شغفك زي ما فاكر إنت مستنزف. عارف يعني إيه مستنزف؟ يعني بتصحى تعبان قبل ما اليوم يبدأ. يعني الحاجات اللي كانت بتفرّحك بقت تقيلة. يعني كل ما تقول “هستحمل شوية كمان” تحس إن في حاجة جواك بتسكت… مش بتقاوم. خلّيني أكون صريحة معاك: الاستنزاف مش بييجي فجأة. بييجي من – سكوت طويل – تنازلات ورا بعض – “ماشي مش مشكلة” – “عدّيها” – “استحمل عشان خاطر…” لحد ما توصل لمرحلة مش عارف تزعل ولا تفرح ولا حتى تشتكي. وتفتكر إن المشكلة فيك. بس لأ… المشكلة إنك فضلت قوي أكتر من اللازم. فضِلت شايل من غير ما حد يحس بيك وفاهم من غير ما تتفهم وموجود من غير ما حد يكون موجود ليك. عارف أكتر حاجة بتوجع؟ إنك لما تتعب تلوم نفسك وتقول: “غيري بيستحملوا… أنا ليه لأ؟” بس خلّيني أقولك بهدوء كده: الاستنزاف مش ضعف ده إنذار. إنذار إنك محتاج تقف تهدى وتراجع مش تكمل غصب. ومش مطلوب منك دلوقت تبقى أقوى ولا إيجابي ولا متفائل. المطلوب بس إنك تعترف إنك تعبان. والتعب… مش عيب ولا أنانية ولا قلة إيمان. التعب معناه إنك إنسان. ولو حاسس إن الكلام ده هو اللي جوالك خلّيك عارف إنت مش لوحدك ومش متأخر ومش مكسور… إنت بس محتاج ترتاح شوية وتهتم بنفسك اكتر 🩷
عزيزتي إيمان، أول حاجة: أشكرك إنك فتحتِ الموضوع ده، الاستنزاف النفسي (أو الإرهاق العاطفي) مش ضعف، ده إشارة من ربنا إن جسمننا ونفسنا محتاجين إعادة شحن. زي ما قلتِ في كلامك الجميل ده، هو مش بييجي فجأة، بيتراكم من التنازلات اليومية والضغوط اللي بنستحملها عشان "الناس" أو "الواجبات". إيه هو الاستنزاف بالضبط؟ إحساس دائم بالتعب، حتى لو نمتِ كويس. فقدان الشغف باللي كنتِ بتحبيه. زعل سريع، أو عكسه: إحساس بالفراغ العاطفي. من الأسباب الشائعة: ضغط شغل، مسؤوليات عائلية، أو عدم توازن بين العطاء والأخذ. كيف نواجهه عمليًا؟ (خطوات بسيطة، خطوة خطوة) الاعتراف والتخفيف من الضغط فورًا : قولي "أنا تعبانة" بصوت عالي، وخذي يوم راحة كامل (مش هيحصل الدنيا نهايتها). ابدئي بصلاة الضحى أو قراءة صفحة قرآن يوميًا – ربنا قال: {وَاسْتَعِينُوا بِالصَّبْرِ وَالصَّلَاةِ}، ده وقود نفسي قوي. ترتيب الحدود : قولي "لا" للي مش ضروري. مثلاً، حددي ساعات شغل أو مسؤوليات، وخلي الجوال بعيد ساعة قبل النوم. جربي جدول يومي بسيط: نوم 7 ساعات، أكل صحي (فواكه، ماء كتير)، ومشي 20 دقيقة يوميًا. إعادة شحن الطاقة : ذكري نفسك بفضل ربنا عليكِ كل صباح (الحمدلله على النعم الصغيرة زي كوباية شاي). مارسي هواية صغيرة كل يوم، زي الرسم أو الطبخ، بدون ضغط. لو الشغل سبب رئيسي، فكري في تغيير روتين أو طلب مساعدة (مش استشارة أصحاب، بس تنظيم أفضل). متابعة التقدم : اكتبي 3 حاجات شاكرة عليها كل ليلة. بعد أسبوع، هتلاحظي فرق – الاستنزاف بيروح بالصبر والعناية الذاتية.
تم النشر السبت، ٢٧ ديسمبر ٢٠٢٥
بعتلك واتس
تم النشر الأربعاء، ٣١ ديسمبر ٢٠٢٥
اه يا جميلة
تم النشر الأربعاء، ٣١ ديسمبر ٢٠٢٥
حضرتك لايف كوتش
تم النشر الأربعاء، ٣١ ديسمبر ٢٠٢٥
الدكتور النفسي بيعالج الامراض النفسيه بالادويه وبطرق كتير وبيكون معاكي بردوا كداعم نفسي أما اللايف كوتش بيكون معاكي دعم نفسي وبيكون معاكي خطوه بخطوه لحد ما تقدري ترجعي عن أي حالة صعبه أو موقف بتمري بيه
تم النشر الأربعاء، ٣١ ديسمبر ٢٠٢٥
اكيد الموضوع هيفرق معاكي جدا سواء دكتور نفسي او لايف كوتش
تم النشر الأربعاء، ٣١ ديسمبر ٢٠٢٥
تسلمى هحاول اشوف دكتورة فعلا
تم النشر الأربعاء، ٣١ ديسمبر ٢٠٢٥
الثيرابيست هيساعدك انك تخرجي من الحاله اللي بتمري بيها بالتدريج ومش هتتعبي بالعكس هتحسي انك افضل وهتقدري تبدأي من جديد وكمان هتشوفي اللي حواليك والقريبين منك بنظرة مختلفة @Koko Koko
تم النشر الثلاثاء، ٣٠ ديسمبر ٢٠٢٥
في البداية خلينا نتفق انك مريتي بمواقف كتير واحداث وصلتك للمرحلة دي وإن اللي انتي فيه نعتبره رد فعل .حاولي تهدي وتراجعي نفسك وتفهمي ايه اللي وصلك لكده وحاولي انك تتغلبي على الإحساس اللي جواكي وتقاوميه ولما تهدي الرؤيه هتكون أوضح ليكي وهتقدري تشوفي من اكتر حد ممكن تتفاهمي معاه لانك محتاجه دعم نفسي قوي علشان تقدري تخرجي من الحاله دي سواء من حد مقرب او لايف كوتش المهم متكونيش لوحدك @Koko Koko
تم النشر الاثنين، ٢٩ ديسمبر ٢٠٢٥
اى الفرق بين الد ككتور النفسى والايف كوتش ؟
تم النشر الأربعاء، ٣١ ديسمبر ٢٠٢٥
مش حسا ان فى حد حوليا يقدر يخرجنى من الى انا فية بالعكس بحس انى بتعب اكتر ومترددة اروح لثيرابيست 💔
تم النشر الثلاثاء، ٣٠ ديسمبر ٢٠٢٥
انا بميل انى عايزة اختفى عايزة اهرب عايزة انتحر انا فعلا دماغى بقت تعبانى بسبب انى تحملت فوق طاقتى وبدات احس ان محدش فاهمنى ومش متحملا اسمع حد ولا دوشة انا بقيت خايفة من كل حاجة حوليا ومنى شخصيا 💔
تم النشر الاثنين، ٢٩ ديسمبر ٢٠٢٥
لعرض السؤال في فدني اضغط هنا