مش قادرة أقرر اسيب الشغل ولا لا .... انا بقالي ٩ سنتين في نفس المجال و اتنقلت كتير.. و في خلال ال ٩ سنين دول مش قادرة احوش حاجة .. حاسة ان المجال ده مالوش اي مستقبل .. قدامي اختيارين يا اما اتعلم حاجة جديدة علشان تفتح ليا فرصة واسيب الشغل لاني مش هقدر اتعلم واشتغل في نفس الوقت ..أو ابطل ادور واللي اعرفه أحسن من اللي معرفوش
للعلم أنا مخنوقه جدا في الشغل وماليش اي نفس اعمل اي حاجه مبتكرة وجديدة..والشغل بتاعي تصميم يعني لازم الواحد يكون مبتكر و رايق البال
طالما مش قادرة تدي في مكانك .. يبقى محتاجة لحاجه تانية جديدة .. بس قبل ما تسيبي المكان ده. لازم تبقى عامله حسابك كويس على كل حاجه بعدين.. يعني هتتعلمي ايه جديد، هتطوري من نفسك ازاي فيه، وهيبقى في خلال اد ايه؟ خطة شاملة للمرحلة الجاية .. علشان تبقى سايبة الشغل ده وانتي عارفه طريقك كويس .
تم النشر الاثنين، ١٠ يوليو ٢٠٢٣
تسع سنين في نفس المجال ومش عارفة تطوري نفسك فيه ده شيء محبط فعلا. بس قبل ما تاخدي قرار زي ده لازم تفكري فيه كويس. أنا شايفة إن لو أنتي فعلا متضايقة جدا ومش قادرة تظبطي نفسك في الشغل، ممكن يكون تركه هو الحل الأمثل علشان تريحي بالك. بس لو هتتركيه، لازم تكوني عارفة إنك هتعملي إيه بعد كده. يا إما تدرسي حاجة جديدة كما قلتي، يا إما تفتشي على شغل تاني في نفس المجال بس يكون أحسن. أما لو مش هتقدري تدرسي وتشتغلي في نفس الوقت، إعملي الشغل اللي عارفاه دلوقتي علشان تضمني مصدر دخل، وفي نفس الوقت إبدأي تتعلمي الحاجة الجديدة براحتك على جنب. ولما تحسي إنك اتقويتي في الحاجة الجديدة، اسيبي الشغل وانتقلي للمجال الجديد. المهم إنك متستعجليش القرار وتفكري في كل الاحتمالات. وربنا يوفقك فيما هو الأصلح ليكي.
تم النشر الأحد، ٩ يوليو ٢٠٢٣
صلي استخارة وشوفي لو سبتي الشغل هتقدري تصرفي علي نفسك ولا لأ واشتغلي دايما براحة بال حتي لو مبتحبيش المجال
تم النشر الجمعة، ١٤ يوليو ٢٠٢٣
لو انتى مش عارفه تتطورى يبقى المكان اللى انتى فيه هو اللى مش مناسب يشجعك على التطوير وشغاله مجرد تاسكات وبس او مش بتعرفى تصرفى فلوسك صح فبالتالى مش عارفه تطورى من نفسك بنفسك
تم النشر الأحد، ٩ يوليو ٢٠٢٣
لعرض السؤال في فدني اضغط هنا