بصي يا بنت الحلال إحنا مش ملايكة وكلنا بنغلط والتجاوزات اللي حصلت في الأول دي كانت غلطة وغلطة كبيرة كمان ولازم تعترفي بينك وبين نفسك إنها غلط عشان متكرريهاش تاني بس في نفس الوقت ربنا مش عايزك تموتي نفسك من الندم ولا تقطعي في جسمك لأن ربنا غفور رحيم وبابه مفتوح دايماً للتوابين والشيطان عايز ييأسك من رحمة ربنا ويدخلك في سكة الهلاك والندم اللي ملوش لزمة فوقي واستغفري وقربي من ربنا بجد والندم الحقيقي هو إنك تتغيري للأحسن مش إنك تدمري نفسك الولد ده خلاص أخد سكة ومشي فيها يبقي كرامتك فوق أي حاجة واعتبري اللي حصل ده درس وقرصة ودن عشان تفوقي وترجعي للطريق الصح ارمي حمولك على الله وهو سبحانه كفيل يداوي جرحك ويربط على قلبك ويسامحك بس انتي خدي خطوة لورا واقفي مع نفسك وقفة لله..
اتفضلي كملي..
تم النشر الاثنين، ١ يونيو ٢٠٢٦
انا هصلي الظهر واجي لو هتكتبي حاجه هتاخر شويه في الرد 🌷
تم النشر الاثنين، ١ يونيو ٢٠٢٦
بصي يا بنتي إنتي دلوقتي جوة حفرة وكل ما بتفكري وتدوري على مبررات بتنزلي لتحت أكتر الوجع مش هيمشي في يوم وليلة والبانك أتاك ده خوف من المجهول ومن الفكرة اللي إنتي رعبتي نفسك بيها عشان تطلعي من الحالة دي هقولك على كام حاجه وقفي تحليل عقلك عمال يخدعك ويقولك أكيد في حاجة غلط وأكيد مظلوم عشان يخليكي تجري وراه تاني الحقيقة واضحة زي الشمس لان لشخص أخد بعضه ومشي وعمل بلوك واختفى يعني الموضوع منتهي ومفيش فيه سيناريوهات تانية اقبلي الحقيقة دي حتى لو بتوجع لأن أول الشفا هو الاعتراف بالواقع تمام ... و الصلاة والقران إنتي بتصلي وبتقرئي قران وإنتي مستنية النتيجة الفورية إن الوجع يروح وده غلط إنتي بتصلي عشان ده حق ربنا وعشان تشتكي له هو مش عشان القرآن سحر هيمسح الذكريات في ثانية خلي نيتك في الصلاة هي التسليم واللجوء لربنا بجد مش مجرد مسكن ووقت البانك أتاك وضيق الصدر أول ما تحسي إنها جاية اقطعي حبل الأفكار بسرعه وقومي من مكانك غيري الوضع اللي إنتي فيه اتوضي بمية ساقعة واشربي مية وركزي في نفسك بشهيق وزفير بطيء وعدي من 1 لحد 10 متستسلميش للفكرة وتقعدي تعيطي في السرير وتقولي هموت محدش بيموت من الزعل ده وهم الشيطان بيخوفك بيه و إشغالي وقتك وجسدك إنتي قاعدة مابتكليش ولا بتشربي ومقاطعة الجامعة ومستسلمة للفراغ وده بيأكل في دماغك غصب عنك لازم تنزلي وتروحي جامعتك وتتحركي وتجهدي جسمك في أي حاجة مفيدة عشان لما تيجي تنامي بالليل تقعي من التعب وميبقاش في وقت للتفكير و اقطعي أي خيط يربطك بيه امسحي الشات والصور وكل حاجة تفكرك بيه لأن طول ما الحاجات دي قدام عينك الجرح هيفضل ينزف ومش هيلحم قفلي الأبواب دي كلها لله والوقت كفيل يداوي والنسيان ده رزق من ربنا هييجي بس لما إنتي تاخدي خطوة جد في طريق العلاج وتوقفي دور الضحية وتنقذي نفسك من الهلاك....
تم النشر الاثنين، ١ يونيو ٢٠٢٦
طيب الوجع دا مش بيروح والبانك اتاك ونومي اعمل ايه دا احساس بقي في صدري مهما حاولت اطلع انه وحش وانه باعني مشعرفه انا كاني هموت افكاري كتيير ومش عارفه ابطل سمعت قران. وصليت ومنمتش وبقيت اقوم من نومي اصلي وافضل صاحيه مش عارفه انساه واتخيل انه اتضحك عليا منه بقعد اقول اكيد في حاجه غلط انه حتي مش بيرد دي غريبه
تم النشر الاثنين، ١ يونيو ٢٠٢٦
يا بنت الناس إنتي مش ضعيفة إنتي بس سلمتي مفاتيح قلبك ونفسك وكيانك لبني آدم وغيبتي عقلك وفكرة إن روحك اتاخدت منك دي وهم لأنة روحك بإيد اللي خلقها مش بإيد عبد من عباده الوجع اللي في صدرك وجسمكك اللي شايل حديد ده كله بسبب التعلق المرضي صنم إنتي صنعتيه في خيالك وعبدته والنهارده الصنم ده اتكسر فوقي وبصي للموضوع بعين الحقيقة إنتي زعلانة على الصورة اللي كنتي مألفاها في دماغك مش على الشخص نفسه لأن الشخص الحقيقي باعغ واختفى وعمل بلوك وسابك تتبهدلي إنتي بتكرهي شكلك وجامعتي والشوارع عشان ربطتي حياتك كلها بمخلوق وده أول الغلط النفس لازم تتربى على إن التعلق ميكونش غير بالله وحده لأن كل من عليها فان ربنا بيقرص ودنك عشان ترجعي لبيتك الحقيقي ولنفسك اللي ضيعتيها في سكة الغلط فوقي وازعلي وعيطي مفيس مشكلة ده تفريغ طبيعي بس اوعي تستسلمي لجلد الذات وتقولي مش هقدر أعيش كل يوم بتعديه من غير ما تتذلي ليه أو لأهله هو خطوة ناحية شفاكي وناحية كرامتك قومي اتوضي وصلي واشتكي لربنا بجد وقولي يارب أنا ظلمت نفسي وتعبت من التعلق بغيرك فداوي قلبي ورجعيني ليا الوقت والبعد هيداووا كل ده بس إنتي اقطعي حبل الأوهام ده تماماً ومتخليش الشيطان يضيع دينك ودنيتك على حسرة ملوش أي لزمة
تم النشر الاثنين، ١ يونيو ٢٠٢٦
مش عارفه ابطل تفكير خالص فيه انا كنت قويه بقيت ضعيفه من ساعه مسابني بقيت لا باكل والا بشرب لا عارفه اتبسط والا ابص لحد تاني عايزه اسمع صوته وحشني وبيجيلي وجع فصدري وقلبي وتعبانه مش عارفه اقعد من غير عياط متواصل بقيت بحس جسمي شايل حديد وبكره ابص عليا والا علي وشي بيفكرني بيه وأني لمسني وكان بيحب شكلي ويتكلم علي عيني وقد ايه انه بيحبني انا بقيت بكره الشوارع مش عارفه أروح جامعتي بتفكرني بيه كان مش بيسبني لحظه كان ديما معايا اول مره من كام سنه منتكلمش كدا مش متعوده روحي اتاخدت مني💔💔💔💔
تم النشر الاثنين، ١ يونيو ٢٠٢٦
هو حضرتك بعتي حاجه انا ظهر عندي أن في تعليق بس مش موجود ...؟
تم النشر الاثنين، ١ يونيو ٢٠٢٦
بس إنتي خدي خطوة وقفي المحايلة دي خالص واقفي مع نفسك وقفة لله وقولي يارب أنا تبت إليك وسلمت أمري ليك وارمي حمولك عليه وهو سبحانه هيعوضك ويصلح حالك ويربط على قلبك ويصبرك وعسى أن تكرهوا شيئاً وهو خير لكم
تم النشر الاثنين، ١ يونيو ٢٠٢٦
فوقي يا بنت الناس كرامتك دي هي أغلى ما تملكي والذل ده مش هيرجعه بالعكس ده هيخليه يبعد أكتر وأكتر فكرة إنه الشخص الوحيد اللي هيلمسك دي فكرة الشيطان بيثبتها في دماغك عشان يخليكي تحسي باليأس وتقولي خلاص أنا باظت حياتي ومفيش أمل وتفضلي تدوري في نفس الدائرة المقفولة وتأذي نفسك ربنا غفور رحيم والتوبة بتمحي كل اللي فات وكأن شيئاً لم يكن والجواز ده رزق ومكتوب عند ربنا والوقت كفيل يداوي الجرح ده ويمحي التفكير فيه
تم النشر الاثنين، ١ يونيو ٢٠٢٦
بصي الوجع اللي إنتي فيه ده طبيعي ومفهوم ومحدش قال إنك وحشة إنتي بنت طيبة وبتحبي بصدق وعشان كدة مصدومة ومش مستوعبة إزاي الشخص اللي كان بيحطك في عينه يعمل كدة بس انتى لازم تعرفي إن البني آدمين بيتغيروا واللي بيحب بجد مبيبيعش في أول محطة ولا بيسيب اللي بيحبه يتذلل ليه ولاهله ويعملوا بلوك من كل حتة بالشكل ده ...
تم النشر الاثنين، ١ يونيو ٢٠٢٦
المشكله اني بحبه مش عارفه ابطل تفكير فيه دا كان روحي وحبيبي كان حته مني مشقدره احس اني ممكن اتجوز او هو يتجوز حد غيري وحد يلمسني غيره انا مش وحشه عشان كدا كنت حطه حسباتي انه شخص واحد يلمسني لحد ما اموت انا عيزاه بجد مش بيرد عليا من يومها ازاي قدر يعمل كدا دا كان بيحطني جوا عينه مصعبتش عليه خالص ازاي اتذلتت ليه ولاهله واتصل واتعملي بلوك منهم كلهم وببعتله فكل حته اختفي تماما 💔💔
تم النشر الاثنين، ١ يونيو ٢٠٢٦
لعرض الإجابة في فدني اضغط هنا