كميه الوجع اللي حساه نفسي الاقي مكان ارتاح بجد فيه مافي مكان مرتاحة فيه و ما فيش دفء العيله اللي بشوفه و بسمع عنه خليني اقول ليه بحس بكده
دلوقتي بنت عمتي لما بتيجى كل حاجه بتتقلب بشوف حنية امها و اخوتها البنات اللي بيحبوها و انا مليش حد انا دايما انا ضهر لأمي و بسمعها لكن ما بيحصل العكس وانا ماعندي اخوات بنات و لا اعرف اي حاجه تقريبا عن البنات انا حرفيا مش ليا اصحاب مليش حد يسمعني انا الفترة دي تعباااااانه و مش قادرة ارجع اركز على اهدافي زي الاول ديما حاسه بعدم الامان
انا اصلا ماكنت ببالي بالحاجات دي
و حاسه اني بدلع انا مش كده
اما عن اني مش لاقيه مكان ارتاح فيه فانا دلوقتي عند جدتي و بردو مش مرتاحة كنت اهلي دايما لازم اقوم بالبيت و عمتي قالت لي اجلسي مع ستك و ركزي بدراستك (داخله تانيه ثانوي فهي قالت لي ركزي في السنتين اللي جاين و مالكيش دعوه بأي حاجه ) و بنت عمتي بتعمل الاكل و انا بعمل حاجات مفروض انها خفيفة بس كل اما اعمل تقولي قومي بقا بنت عمتك ما قعدت من الصبح انا عايز ارجع للبيت بس بقول ان هنا حاجات خفيفة بس مش بلحق أقعد ساعه على بعضها و كلامها ان بنت عمتي انها ما قعدت من الصبح تعبت منه و حاسه انه هنا و هناك هساعد في البيت و يبقي ارجع لبيتي احسن و امي بتقولي هي مقعداكي معها بس عشان بنت عمتك ما تمل انا حاسه اني عبء على الكل
السلام عليكم انتى مش عبء ولا حاجة ...بدليل انهم بيدوروا على الانسب ليكى عشان دراستك الوجع اللى انتى حاسة بيه هو من شدة احتياجك لنقط معنوية ونفسية هى مصدرها الاب والام وانتى بالظروف اللى حكيتيها تقريبا بتؤدى دور الاب والام فى اوقات شغلهم وطبعا ده مش صح انه يبقى نظام اساسى لييكى حق انتى كمان تعيشى سنك ومرحلتك ..انتى نفسك تحسى بالاهتمام والدلع ودى طبيعة اى بنت اطلبى من مامتك انك لو رجعتى تاخدى حقك فى الاهتمام زى اخواتك ...يعنى ان ماما تقولك خلاص يا حبيبتى ريحى انتى وشوفى مشاكرتك بعد ما ترجع من شغلها ...انتى وقتها هتحسي بالتقدير وبالاهتمام وبحب ماما ليكى والوجع هيخف ماما وبابا ممكن يكونوا مش واخدين بالهم بسبب مشاغلهم فانتى لازم تكلميهم ان ده اللى انتى محتاجاه
تم النشر الأحد، ١٤ سبتمبر ٢٠٢٥
لا لو في البيت تعب وعند جدتك تعب ارجعي البيت أو تفهمي جدتك أن أنتي اشتغلتي ولازم تذاكري وممكن تروحي مكتبه أو قاعة استذكار أو المسجد بتكون هاديه وتعرفي تذاكري
تم النشر السبت، ١٣ سبتمبر ٢٠٢٥
مرحبًا بك، وأشعر بكل ما قلتيه من ألم وحيرة في كلامك. أولًا، أحب أقول لك إن مشاعرك طبيعية جدًا، وما فيش غلط في إنك تحسي بعدم الأمان أو الوحدة، خاصة لما تكوني في ظروف جديدة ومحيط مش مريح لكِ. خليني أشرح لك شويه وأديك نصايح بسيطة ممكن تساعدك: مشاعر الوحدة وعدم الأمان: كثير منّا يمر بفترات بيحس فيها بالوحدة، خاصة لما يغيب دعم الأسرة أو الحنية اللي محتاجينها. مش لازم تحسي إنك "بدلعي" أو غلطانة لأنك تعبتِ نفسيًا، دي مرحلة عادية جدًا والإنسان بيحتاج وقت علشان يستعيد قوته. البيئة الجديدة عند جدتك: واضح إن وجودك عند جدتك مع بنت عمتك مش مريح، ويمكن السبب في الشعور بأنك عبء بسبب الكلام والمتطلبات. حاولي تضيعي وقت لنفسك، حتى لو حاجات صغيرة مثل القراءة، الاستماع لموسيقى هادئة، أو أي حاجة بتحبيها تساعدك ترفهي عنها نفسك. التوازن بين المسؤوليات والراحة: أنت في عمر يحتاج تركز فيه على دراستك وأهدافك ومستقبلك. لما تحسي إن المسؤوليات المنزلية زادت، حاول تذكري نفسك إن في وقت للراحة وفي وقت للعمل، ومش لازم تتحملي فوق طاقتك. ابحثي عن شخص تثقي فيه: لو ما عندكش أصدقاء قريبين، ممكن تبدأي تبني صداقات جديدة مع ناس من نفس سنك أو من خلال أنشطة بتحبيها، حتى لو كانت عبر الإنترنت. التواصل مع غيرك ممكن يعينك على تخفيف الشعور بالوحدة. الصبر والدعاء: من الناحية الروحية، حاولي تذكري أن كل حال يمر، وأن الله قريب يسمع دعائك، وابدئي تدعيه يحقق لك الراحة والسعادة. الصبر والاحتساب من أعظم العون. لو استمر شعورك بهذا الشكل: لو حسيت إن تعبك النفسي بيزيد ومش قادرة تتحمليه لوحدك، أنصحك باللجوء لأخصائية نفسية أو مستشارة. وهي ممكن تساعدك تديري مشاعرك بشكل أفضل. أنا هنا دايمًا لو حابة تتكلمي أكثر أو تطلبي نصايح إضافية، واحرصي دايمًا على البحث في فدني لأسئلة مشابهة لأن التجارب تختلف وكل رد ممكن يفيدك بطريقة جديدة. أتمنى لك راحة وسعادة قريبة، وأنت قوية وقديرة تتجاوزي هذه المرحلة بثقة. <3
تم النشر الجمعة، ١٢ سبتمبر ٢٠٢٥
ممكن تعملي زي جدول أو تعرفيها انتي بتعملي ايه يعني مثلا قولي انك هتذاكري لمده ساعه ونص وترتاحي نص ساعه وبعدين تقومي تساعديهم واظبطي موقت أو منه واتعاملي بجديه وردي عليهم عادي واتعاملي معاهم من غير ما تحسسي نفسك انك مجبوره أو بتعملي حاجه غصب عنك البيت اللي انتي فيه بتساعدي معاهم بس ليكي وقتك عشان مذاكره وغيره وحاولي تبيني شخصيه تانيه قدامهم اقوى من كده مش البنت المكسوره اللي بتقول حاضر وهي بتعيط
تم النشر الأحد، ١٤ سبتمبر ٢٠٢٥
هو بجد شكرا لكلام حضرتك الجميل بس بابا مش ديما في البيت و لازم اكون واخد بالي اخوي الصغير نزل الشارع او لا اخوي اللي اكبر منه شويه راح الدرس و لا لاء
تم النشر السبت، ١٣ سبتمبر ٢٠٢٥
و الله اللي اقدر اقوله نفسيتي متدهورة في البيت بحسن اني الفروض اشيل البيت لوحدي اما عند جدتي يعني بردو مش وحشه اما عن المذاكرة انا في البيت مش بذاكر عند جدتي بحس اني منبوذة بس يعني بعرف اذاكر احسن من بيتنا
تم النشر السبت، ١٣ سبتمبر ٢٠٢٥
من حيث المذاكره ونفسيا؟
تم النشر السبت، ١٣ سبتمبر ٢٠٢٥
طيب انتِ راحتك عند باباكي ولا عند جدتك؟
تم النشر السبت، ١٣ سبتمبر ٢٠٢٥
بصي مش المشكله اني اعمل بس في بيت اهلي بيكون كل حاجه عليا بشكل مفرط اما هنا مثلا انا بخرج املا المايه بجهز معها الفطار انا بعمل خفيف خفيف بس لازم تقول قومي بنت عمتك ما قعدت من الصبح و حتي الوقت اللي بنت عمتي بتعمل فيه انا بحاول اخلص اللي عليا من مذاكرة
تم النشر السبت، ١٣ سبتمبر ٢٠٢٥
تم النشر السبت، ١٣ سبتمبر ٢٠٢٥
تم النشر السبت، ١٣ سبتمبر ٢٠٢٥
كنت دايما بحب ابدا بمذاكرتي الاول بما اننا على الصبح وكده بس هو كان دايما بابا بيفضل يقول لي طب مش نشوف نروق الدنيا الاول مش نفطر الاول وانا عارفه ان بعد الكلام ده كله حاجات تانيه
تم النشر السبت، ١٣ سبتمبر ٢٠٢٥
هو موضوع ان انا قاعده عند ستي حاجه كويسه بس مش كده انا حاسه ان انا حمل عليها اه مش بعمل حاجه غير بسيط بس بتقولي بنت عمتك عملت و سوت وانت قاعده من بدري يمكن مش بتحرك كتير بس بيأثر علي نفسيتي بس لو فكرنا بنت عمتي قاعد وقت مؤقت و بعد كده هتمشي عشان جامعتها فأحتمال انها تسبني اجلس معها و احتمال ارجع لأهلي مش عارفه
تم النشر السبت، ١٣ سبتمبر ٢٠٢٥
بصي ببساطه انا لو صحيت الفجر في بيتنا هو انا محتاجه اول حاجه بعد ما اصلي ان انا اعملها للفطار واستعد عشان اساعد اخواتي عشان يتجهزوا للدروس و ماما للشغل حرفيا اليوم بيبقى ضيق لاني بتحايل علي اخويا اللي في ابتدائي انه يروح دروسه لانهم اصغر مني ثاني حاجه مفترض ان كل شويه اجيب لهم واغرف لهم الاكل سواء انا عملته او ماما عملته قبل ما تروح الشغل وعندي اخويا الصغير متعلق بيا يعني حرفيا بيلففني وراه الشقه
تم النشر السبت، ١٣ سبتمبر ٢٠٢٥
طيب لو قعدتي عند جدتك هيبقى احسن؟
تم النشر السبت، ١٣ سبتمبر ٢٠٢٥
انا مش قاعده عند عمتي انا قاعده مع ستي وبنت عمتي بس هي كانت بتقول لي اقعدي مع ستك علشان تعرفي تذاكري طالما مش عارفه تذاكري مع ان اخواتك يعني بيضايقوكي دلوقتي سافرت وبنتها معانا تمام كده اعتقد ان الصوره بقت اوضح لان انا مش قاعده عند عمتي
تم النشر السبت، ١٣ سبتمبر ٢٠٢٥
اصحي بدري صلي الفجر وذاكري وخلصي مذاكرتك الاول وبعد كدا شوفي طلبات البيت وكل اما يجي فرصه تذاكري في نص اليوم استغليها
تم النشر السبت، ١٣ سبتمبر ٢٠٢٥
لو حاسه ان عند ماماتك زي عمتك يبقي روحي عند مامتك
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا