انا عايشه ف مصر مع جدي وجدتي وبابا وماما مسافريين ف البدايه يعني في المرحله الابتدائيه كنت شخصيه قويه جدا.. ومكنش يهمني رأي حد بس لما لاقيت انو حتى اللي عايشه معاهم واللي بحبهم بدأو يطلعون فيا عيوب دي شفيفها كذا وطولها وبشرتها القمحيه و و و.
ثقتي بنفسي قلت جدا وبقت أقل كلمه تزعلني وبقيت بتحرج لما حد يبص ف وشي مع انو انا مدركة انو ملامحي مش وحشه يعني دي عاديه وتوصل أنو هي كويسه جدا..... وكان متزامن مع انو مليش صحاب ف الوقت دا فـ بدأت العب لعبه خاصه بالاولاد (Free fire) وكنت بلعب عادي مره ف مره بدأت اكلم من عليها اللي بلعب معاهم بس كنت حريصة انهم يكونوا بنات لأنو. انا البيئه الخاصه بيا بتمنع الكلام مع الاولاد وخاصه انو احنا ارياف.. ونا بذاتي كنت شايفه انو الكلام مع الصبيان غلط... ف مره ف مره بدأت اكلم اولاد واعتادت الكلام معاهم عادي.. وكان احيانا يدخل معايا أشخاص ويشتمو بدون سابق إنذار.. بس كنت بزعل جدا.. ونا مشكلتي انو انا بتأثر من أقل حاجه والمشكله الأكبر انو بحسب كل الناس طيبه وبأمن بسرعه.... ف حبيت شخص من على اللعبه. وهو قالي انو يحبني كان في فرق بينا ٣ سنين قعدنا نتكلم سنه وبعدها الاهتمام بدأ يقل وتجاهل كتير... ف اتقال ليا كلام زعلني وبعدها مقدرتش ارجع طبيعيه ونهيت العلاقه دي... ومن بعدها حاسه انو انا وحيده وكل شويه ادخل اللعبه واكلم ناس ولدرجه انو انا نزلت ابليكشن ناس بيتكلموا مع بعض.. مكنتش مدركة حجم خطوره الابليكيشن دا وظهر انو بتاع ناس كبيره ف العشرينات.. وكانو بيتكلموا ف جنس وكلام مش ينفع وبيبعتوا لبعض حجات مش تنفع ولدرجه انو دخلت مع واحده بعتتلي جسمها ونا كنت مكسوفه جدا وهي كانت بتقولي شوفي جسمي وعاوزه اخس وكانت الصوره ب ملابس داخلية.... ف بعدها اعتادت الموضوع ابتديت اتفرج على مقاطع إباحية وبعدها ارجع اندم..... ف انا مش عارفه بحاول انو مش انزل الابليكيشن دا ومش عارفه... حاسه بالوحده جدا... ويمكن كان سبب كبير انو انا نزلت بسبب بُعد اهلي عني لسنوات...
عاوزه حل لانو مش عاجبني كل دا وبيأثر على مذاكرتي
لعرض السؤال في فدني اضغط هنا