لا متقلقيش انتي محبتيش ولا حاجه ..وهقولك ازاي! انتي عندك مشكلة .. اللي هي ثقتك في نفسك المتدنية، لما ثقة الواحد بتكون بالشكل ده، مش بيكون حابب نفسه اصلا، ومش شايف ان اصلا ممكن حد يحبه، ممكن جدا يحاول يقنع نفسه بحب انسان تاني، ممكن يكون اساسا عمره ما كلمه، ولا حصل اساسا حوار. ولكن اقنع نفسه بانه بيحبه، قولتلك انك محبتيش لان مفيش حاجه بتتولد كده، مفيش حاجه اسمها حب من طرف واحد، فيه نقص لدى الشخص فيه مشاكل لدى الشخص، علشان كده بيكون عنده حاجه انه يتحب ويحب. ولا اكتر ولا اقل.. وده اللي دخلك في الدوامة اللي بعدها وهي الاختيارات العشوائية، زي ما يكون الواحد جعان ودخل السوبر ماركت وبياكل اي حاجه قدامه. انتي كنتي ف حالة جوع للحب والاهتمام، ف اختارتي انك تكلمي اي حد، لمجرد انه يقولك كلمه حلوة لمجرد انه يحسسك احساس حلو، ولا اكتر ولا اقل .. طيب بعد ما ابتدينا نفسر كل ده ... انتي هتعملي ايه؟ اول حاجه نفهم وندرك فعلا، تاني حاجه متكرهيش نفسك، اللي حصل حصل خلاص .. انتي غلطي .. اتعلمي بقى من اللي حصل .. اطلعي من الجو اللي انتي حابسه نفسك فيه، لانك حابسه نفسك في قوقعة مش عايزة تطلعي منها!
يعني حاجته من الحاجات الي في حياتي غلط في غلط انو مش مواظبه علي صلاتي وحساه أن اليوم بتاعي بيضيع علي الفاضي ومش بلحق اعمل في اي حاجه. ساعات بعمل العاده السريه رغم اني بقرف من نفسي بعدها وبندم وساعات بتخانق معاهم في البيت بدون سبب وعاوزه حد يحبني انا كلي غلط في غلط محدش هيرضي بواحده زيي
تم النشر الخميس، ٧ ديسمبر ٢٠٢٣
حسا أن كل حاجه بعملها غلط اي أن كان. حاسه اني مقصره في كل حاجه
تم النشر الخميس، ٧ ديسمبر ٢٠٢٣
انا مش عارفه حبيته لقيت بحبه فجأه نفسي يكون من نصيبي شايفاه انو شاب محترم رغم أن صاحبتي بتقولي مش محترم بس انا ليا وجهه نظر تانيه من نحيتو ده وجهه نظري من الحب
تم النشر الخميس، ٧ ديسمبر ٢٠٢٣
ايه هي الحاجات اللي بتعمليها المفروض متعمليهاش؟
تم النشر الخميس، ٧ ديسمبر ٢٠٢٣
ده غير انه ممكن يكون كمان مجرد احساس كاذب .. علشان بس تصدقي انك متستاهليش.
تم النشر الخميس، ٧ ديسمبر ٢٠٢٣
على فكرة انتي لو شايفة نفسك قليلة الناس برضه هتلاقي منها نفس النظرة، اصل مش معقوله تبقى مش بتحبي نفسك وهتشوفي الحب ده في عيون الناس!
تم النشر الخميس، ٧ ديسمبر ٢٠٢٣
طيب انا معاكي للاخر .. انتي ايه وجهة نظرك عن الحب/ او حبتيه ليه؟
تم النشر الخميس، ٧ ديسمبر ٢٠٢٣
تفتكري ليه مختاركيش؟ اكيد مش عشان شكلك بس ليه مفكرتيش انو مش كفايه ليكي؟ انتي الي كتير عليه مش انتي الي مش كفايه ليكي و اكيد ربنا مكتبهولكيش عشان سايبلك الأحسن والأفضل ليكي معقوله ربنا هياخد الي بتحبي ؟دا رب العباد دا رب المظلوم مستحيل يبقى عايز لك الاوحش دا بيحبك اوي عشان كدا بعدو عنك عشان هو مش كويس ليكي كان في جمله بتقول لو كان خيرا لبقى يعني يستحيل يكون خير ليكي و يمشي دا اكيد مش خير عشان كدا ربنا بعدو عنك قولي الحمدالله و عيشي حياتك ركزي على نفسك خليه يندم انو اختار غيرك ثقي في نفسك اهتمي لنفسك و حبيها و احترميها هي تستاهل منك الحب و الاحترام متكونيش مش بتحبي نفسك و تنتظري حد غيرك يحبك لو انتي محبتيش نفسك مين هيحبك؟ لو مشوفتيش نفسك حلوه مين هيشوفك حلوه؟ الي بتشوفيه في نفسك بيتعكس في عين الناس و افتكري دايما انتي كفايه و كفايه اوي كمان و انتي كتيره على اي حد انتي وصية الرسول يا غاليه
تم النشر الخميس، ٧ ديسمبر ٢٠٢٣
انا مقتنعه ب الكلام ده علشان صح وفي نفس الوقت مش مقتنعه علشان حسا لا أن ده حب او عموما حسا أن ده بردو صح وكمان عندي عيوب كتير بحس اني بعمل حاجات المفروض معملهاش وكمان بحس اني قليله ووحشه وتخينه ومحدش هيتقبلني كدا وكل ده باين من نظره الناس ليا ببص في المرتبه بحس اني قليله اوي ومستهلش مجرد نكره
تم النشر الخميس، ٧ ديسمبر ٢٠٢٣
وليه شايفة نفسك كلك عيوب ومحدش هيتقبلك؟ مع اننا كلنا برضه فينا عيوب!
تم النشر الخميس، ٧ ديسمبر ٢٠٢٣
حلو الكلام .. ممكن تقوليلي ازاي مقتنعة وف نفس الوقت مش مقتنعة؟
تم النشر الخميس، ٧ ديسمبر ٢٠٢٣
شايفه نفسي اني واحده عاديه بس مستحقش حاجه محدش هيتقبلني و كلي عيوب الكلام بتاعكو انا مقتنعه بس في نفس الوقت مش مقتنعه
تم النشر الثلاثاء، ٥ ديسمبر ٢٠٢٣
قوليلي انتي حاليا شايفة نفسك ازاي؟ وشايفة العلاقة ديه ايه؟ ايه رايك في كل كلامنا ده .. مقتنعة ولا لا؟
تم النشر الثلاثاء، ٥ ديسمبر ٢٠٢٣
هي المشكلة في النسيان، او انك تتخطي الشخص ده، هو الموضوع اكبر من الشخص ده .. وفكرة انك تنسي محدش هيفقد الذاكرة وهينسى.. علشان كده بترجعي لنقطة الصفر، لان الاساس عندك فيه مشاكل.
تم النشر الثلاثاء، ٥ ديسمبر ٢٠٢٣
طب ازاي اواجه نفسي او اسامح نفسي ولو انا بوهم نفسي بحبه انساه ازاي اتخطي ازاي كل ده مش عارفه كل ما اقول انسي او انا اقوي من كدا وعادي ارجع لنقطه الصفر تاني مش عارفه
تم النشر الثلاثاء، ٥ ديسمبر ٢٠٢٣
التخيلات اللي بتيجي ديه طبيعية جدا، للوضع اللي انتي فيه، طبيعي الواحد لما يبقى مش حابب حاله، ومش طايق كمان اللي حواليه، طبيعي هيبدأ انه يتخيل واقع وهمي يغنيه عن كل اللي بيحصل فيه ف الواقع بتاعه.
تم النشر الاثنين، ٤ ديسمبر ٢٠٢٣
تاني شئ . انتي الاول محتاجه تسامحي نفسك ع اللي فات الاول علشان تقدري تتخطى الوضع ده، عمرك ما هتطلعي خطوة وانتي شايفة نفسك انك متستاهليش حاجه ... وده هيجي عن طريق تغيير افكارك ومعتقداتك عن نفسك.
تم النشر الاثنين، ٤ ديسمبر ٢٠٢٣
اه مش بتحبيه، غض النظر بقى عن انه بيحبك او لا .. علشان تقولي على شخص انك بتحبيه لازم من تواجد حاجات كتير جدا، والاشياء ديه لا اعتقد انها متواجدة في سن ال 17 سنة في الحقيقة، انا صريحة معاكي. تاني شئ انتي بتحاولي تقنعي نفسك انك بتحبي حد، ومتاكده انه مش بيحبك، لانك عايزة تثبتي شئ لنفسك، وهو انك متستاهليش انك تتحبي، شايفة الموضوع ممكن يكون لافف ازاي؟ لانك ببساطة شديدة علطول بتسمعي كلام قاسي جدا، وعلطول شايفة نفسك متتحبيش، ف البتالي ده بيوصلك ل نقطة انك عايزة تعيشي نفس الشئ بالظبط، دور الضحية. ده تفسيري ل اللي حصل. تاني شئ حلمك بيه ده دليل اكتر ع انك مش قادرة تحصلي ع الشئ ده ف الواقع ف عقلك الباطن بخيلي الموضوع ده يجي على هيئة احلام.
تم النشر الاثنين، ٤ ديسمبر ٢٠٢٣
وبردو مشكله التخيلات دي مش عارفه أبطالها ممكن اتخيل الي انا في عالم تاني بفضل اتخيل واعمل سيناريوهات في مخي .غير التفكير الكتير بفضل افكر في حجات كتير اوي مخي تعب
تم النشر السبت، ٢ ديسمبر ٢٠٢٣
اطلع ازاي من الجو الي فيه مش عارفه وليه مش بحبه ومجرد وهم انا متاكده انو مش بيحبني وقالي كلام كتير آذاني بيه كان ممكن أكرهه بس مش عارفه ليه متعلقه بيه بحلم بيه سعات والشخص ده لما بيجي بصراحه بحس بسعاده وساعات لما بيجي بفتكر انو مش هيحبتي فا بروح مخنوقه ومدايقه مش عارفه اعمل ايه انا عمري ما اتعلمت من اخطائي كل شويه اعمل حاجه غلط واندم عليها أو اتكسف اني عملتها وكمان عندي مشكله تانيه كل ما اعملها احس بقرف من نفسي واندم اكتر وهي اني ببقا عاديه في كل ايام حياتي ولكن من فتره لفتره بعمل العاده السريه ومش بعرف ابطلها في الفتره دي واندم واقول خلاص ومعرفش بعد كدا اقعد فتره معملهاش وارجع تاني .مش عارفه اعمل ايه
تم النشر السبت، ٢ ديسمبر ٢٠٢٣
لعرض الإجابة في فدني اضغط هنا