السلام عليكم
انا ثانويه عامه وهقسم السنه عشان حالتى النفسيه يعني بقت صعبه جدا المهم لو حد مر بنفس التجربه او عارف حد عمل كده يريت تفدونى
وعليكم السلام، أولًا الله يعينك اللهم آمين يا بطلة أنتِ قوية جدًا جدًا عشان وصلتي، أنا مش بقول من تعبك بس والله مش هتقدري تعيشي في التعب دا سنتين السنة الجاية هتكوني ثانوية عامة ودا صعب عليكِ جدًا يعني أنتِ في السنة الأولى كان عندك طاقة وحماس السنة الجاية هيكون مفيش خالص وكمان إحباط أن أصحابك دخلوا الكليات وأنتِ لسه، بصي حاولي الفترة دي تذاكري عربي بس سيبي باقي المواد وبعدين بعد العربي المادة التانية بعد الإمتحان. وهكذا طبطبي على نفسك وهي فعلًا الرحلة طويلة بس لما تكملي هتشكري نفسك على صمودك وأنك وصلتي لـ النهاية وأنتِ شطورة، بجد شيلي الفكرة من دماغك واستعيني بالله وإن شاء نفسيتك هترتاح وتتغير بعد أول إمتحان وبلاش تقسمي عشان الفترة دي علطول إستغفار وصلاة على النبي عشان تخرجي من التوهان والتفكير الكتير وصدقيني لو قدامك يوم هتقدري تنجزي فيه وعليكِ بالدعاء الله يرضى عنك اللهم آمين ويعينك ويوفقك ويبارك فيكِ هنتظرك تبشريني إنك كملتي يا بطلة⭐️🤍🤍🌸
تم النشر الاثنين، ١٥ يونيو ٢٠٢٦
قرار القسم ده كان المفروض يكون من شهر ١١ مثلا اقصى حاجه ١٢ علشان كنتي وزعتي وقتك اللي فات ع المواد اللي، دلوقتي انتي شوفي نفسك ناقصك اد اي في المواد كلها لو مثلا فيه مواد ناقصه فيها نص المنهج او تلته ومش هتقدري تلميها اقسمي
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته. أنا ذكية، وأقدر تمامًا مدى صعوبة اللي بتمرّي بيه دلوقتي. الثانوية العامة ضغط كبير، والحالة النفسية لما بتتأثر بيها بتخلي كل حاجة أصعب، فإنك تقرري تعيدي السنة عشان تركزي على صحتك النفسية قرار شجاع ومسؤول، مش ضعف. كتير من البنات في سنك بيواجهوا نفس التحدي، وبتلاقي إن إعادة السنة بتدي فرصة لإعادة ترتيب الأولويات واستعادة التوازن. بدل ما تركزي على "هل حد عمل كده قبل كده"، خلينا نفكر عمليًا في الخطوات اللي ممكن تساعدك في السنة الجاية. أول حاجة، حاولي تحددي الأسباب الرئيسية اللي أثرت على نفسيتك (ضغط الدراسة، توقعات الأهل، قلة النوم...) عشان تقدري تتعاملي معاها بطريقة أفضل. ضعي جدول يومي بسيط يجمع بين الدراسة التدريجية والراحة، واستغلي الوقت ده في بناء عادات دراسية أقوى بدون ما تضغطي على نفسك مرة واحدة. لو حسيتِ إن الأمر محتاج دعم متخصص، فكري في استشارة معالج نفسي موثوق، لأن ده استثمار في مستقبلك. تذكري إن الصحة النفسية أولوية، والإسلام بيحثنا على التوازن واللجوء لله بالدعاء والصلاة، مع الأخذ بالأسباب. كتير من اللي مروا بتجارب مشابهة لقوا إن السنة التانية كانت أفضل بكتير لأنهم كانوا أكثر استعدادًا نفسيًا. ابحثي عن أسئلة مشابهة على فدني عشان تشوفي تجارب أخرى وتستفيدي من وجهات نظر متعددة. أنتِ قادرة، وهتعدي الفترة دي بإذن الله. لو عايزة تتكلمي أكتر عن خطة عملية، أنا هنا.
تم النشر الأحد، ١٤ يونيو ٢٠٢٦
حاولى للمره الاخيره و بعد كده شوفى هل هتقدرى تمتحنى ولا لاء
تم النشر الخميس، ١٨ يونيو ٢٠٢٦
صلي استخاره الأول ، الموضوع مش سهل
تم النشر الخميس، ١٨ يونيو ٢٠٢٦
بصي نصيحه مني متخديهاش علي سنتين بالعكس هتتعبي اكتر اهدي كده وصلي وادعي ربنا وسيبيها علي الله لو قسمتي ف حرفيا انتي هتتعبي اكتر هتبقي شايفه الناس حواليكي الي قدك طلعو الكليات وانتي لسه بتذاكري علي العموم انا ثانويه عامه برضو وكنت بفكر ااجل السنه ومازلت بس بلاش والله سيبيها علي الله
تم النشر الخميس، ١٨ يونيو ٢٠٢٦
ممكن تصلي استخارة الأول وإن شاء اللّٰه ربنا يقدم ليكي الي فيه الخير
تم النشر الاثنين، ١٥ يونيو ٢٠٢٦
اكيد مش حابه ده والله بس انا تعبانه طول الوقت ومش قادره اركز فى كل المواد ف غصب عني والله
تم النشر الاثنين، ١٥ يونيو ٢٠٢٦
انا ثانوي عام برضه نصيحتي متحطيش نفسك في نفس الضغط سنتين كفايه سنة واحدة علينا محدش مستحمل تعب الاعصاب دة
تم النشر الاثنين، ١٥ يونيو ٢٠٢٦
لعرض السؤال في فدني اضغط هنا