السلام عليكم
اهلى مديينى احساس بإني فاشلة وإني مصلحش لحاجة وبصراحة انا تدمرت من كلامهم ومش عارفة اعمل اى
السلام عليكم ورحمه الله وبركاته طيب الاهل بيكونوا دائما. بيعبروا عن حاجات جواهم ممكن يكون اللي بيعبروا عنه هو بناء على اللي هم مترجمينه من الوضع اللي هم شايفينه فوارد يكونوا مترجمين ده بناء على ان هم بيقارنوا نفسهم زمان دلوقتي بيقارنوا مجهودك اللي هم شايفينه بالمجهود اللي هم بيتمنوه ممكن حاجات كتير جدا طيب ممكن يكونوا بيعبروا عن شعورهم اللي هم بيتمنوه عشان كده للاسف بيتكلموا بطريقه سلبيه ممكن يكونوا شايفين ان دي طريقه تشجيعيه فللأسف يكونوا بردو بيتكلموا بالطريقه السلبيه طيب مع كل ذلك احنا نعمل ايه احنا نقفل الباب علينا كده ونقعد احنا نقيم نفسنا طب نقيم نفسنا ازاي لازم نحط حاجه نقيم عليها فانا لازم اشوف ازاي اتاكد اذا كنت فاشله ولا ناجحه اشوف انا قدرت اقدم ايه في الحياه او قدرت انجز ايه في الحياه او الحاجات اللي كانت بتوكل الي مهام انا باخدها كنت بأديها بنسبه قد ايه بعملها بدقه بنسبه قد ايه بوصل للنتيجه ولا ما بوصلش وهنا انا هقدر احط تقييم لنفسي بعد ما اخلص خالص افتح الباب واقارنه باللي اهلي بيقولوه لو لقيت ان هم بيعبروا عن فعلا نفس التقييم بس ممكن يكونوا بيقولوه بطريقه سيئه جدا وتوجع قوي فانا مش هزعل منهم قد ما هازعل من نفسي انه انا فعلا قصرت في انجاز المهام اللي عليا وابدا اشوف ايه اللي انا اقدر اعمله وممكن اتكلم معاهم واقول لهم يا جماعه انتم يعني عارفه ان انتوا شايفين ان انا محتاجه احسن من نفسي لكن ما كانتش دي احسن طريقه تنبهوني للموضوع تجاوبوا او ما تجاوبوش غيروا من اسلوبهم او مغيروش الاهم في الموضوع ان انا اقيم نفسي هل فعلا انا فاشله ولا ناجحه وابدأ اشوف انا محتاجه اتحرك في انهي اتجاه لو انا كنت فشلت قبل كده يبقى ايه الخطوات اللي انا هعملها عشان انجح عشان اكون احسن لو انا لا مش فاشله ولا اي حاجه يبقى محتاجه اشوف ايه اللي انا هتحرك فيه لقدام ازاي هزود من اللي انا بعمله وازاي هكون احسن والنقطه اللي لها علاقه بالاهل بقى بشكل منفرد خالص هو ان انا اشوف ايه بيرضي اهلي لان هم حقهم ان هم يتراضوا ان هم كمان بيتعبوا هم كمان بيقدموا اكيد حابين ان هم يشوفوا حاجه زي ما هم بيقدموا فيا ريت تاخدي بالك من النقطه دي وتقدمي لهم شويه من اللي هم محتاجينه حتى لو كان تقيل على قلبك شويه بس برده هم بيقدموا لنا حاجات وهي تقيله على قلبهم فنعمل برده يعني نديهم شويه من اللي هم بيديهولنا وطبعا ما اقصدش هنا إن احنا نديهم كلام سلبي ولا وحش خالص انسي الكلام ده بس نديهم شوية تقدير بالشكل اللي هم بيحبوه زي ما بنيجي كده نقول أنا عايز أبسط حد فهجيب له هدية يكون هو يحبها مش هدية أنا بس أحبها. أتمنى أكون وصلت لك المعنى بأبسط شكل.
تم النشر الثلاثاء، ٣ يونيو ٢٠٢٥
متهتميش لكلامهم وخليكي واثقه ف نفسك انك شاطره وقويه وهتقدري تعدي كل دا لوحدك وقربي من ربنا وصلي صلي قيام الليل هيفيد معاكي اوي واعذري اهلك يمكن هما بيعملو كدا عشان مش فاهمين او عندهم جهل بأزاي يعبروا عن خوفهم وقلهم عليكي ف انت متاخديش الموضوع بدراميه وحساسيه اوي شوفي فعلا وقولي يمكن اهلي بيقولولي كدا عشان خايفين اكون فاشله ف المستقبل طبعا دا لا يبرر الطريقه القاسيه بتاعتهم بس عشان متزعليش اوي منهم احسني الظن بيهم وحاولي تسمعي وجه نظرهم عنك يمكن فيه حاجه فعلا هما شايفنها واحنا لا وربنا معاكي🤎🤎
تم النشر الثلاثاء، ٣ يونيو ٢٠٢٥
السلام عليكم، عارفة إن الموضوع صعب وتأثير الكلام ممكن يكون صعب مقاومته أو التخلص منه خاصة لو بتسمعيه من فترة طويلة لحد ما بقى شيء متجذر بعقلك لكن لازم تعرفي حاجة واحدة، أنتِ اللي بتحددي إذا كنتِ فاشلة أو لأ. مش كلام أهلك ولا الناس ولا رأيهم فيكِ. عقلك مهمته يصدق الكلام اللي بتقوليه لنفسك وينفذه وينجحك فيه، فإذا صدقتِ كلامهم وكررتِه على عقلك وقلتِ له أنا فاشلة هيصدق كلامك ويأمّن عليه ويقول لك فعلا أنتِ فاشلة فهتلاقي نفسك تلقائيًا بتعملي كل حاجة تخليكِ تفشلي ومتحققيش نجاح فتترسخ الصورة دي أكتر وأكتر. فأنتِ لازم لازم تقعدي مع نفسكِ في خلوة، مكان هادئ وتكوني نايمة كويس وتقعدي بقلم وورق وتفرغي كل أفكارك ومشاعرك على الورق عشان تفضي كل الدوشة اللي جواكِ وتبدئي تشوفي الطريق صح. حاولي تتعرفي على نفسك بعيدًا عن كلام أهلك والصورة اللي رسمتِها بسبب كلامهم ده، اكتبي كل اللي بتكتشفيه عن نفسك، إيه بتحبيه وإيه بتكرهيه وإيه المزايا اللي فيكِ وإيه العيوب. كلنا فينا مزايا وعيوب، المزايا والمهارات نحاول ننميها ونهتم بها عشان ننجح والعيوب بنحاول بكل جدية نتخلص منها واحنا عارفين طبعًا إن التغيير بياخد وقت. اخرجي من دائرة (الضحية) وابدئي أنتِ حددي مسار حياتك وقرري تنجحي بنفسك من غير ما تنتظري رأي حد ولا إثبات منه لجدارتك ونجاحك. ممكن تشوفي الفيديو ده هيفيدك كتير https://www.youtube.com/watch?v=8xO-FS0IJKs&t=1203s&ab_channel=dr_AsmaaElkady بالتوفيق إن شاء الله.
تم النشر الثلاثاء، ٣ يونيو ٢٠٢٥
وعليكم السلام ورحمة الله يا عزيزتي، أولاً، أود أن أقول لكِ أنتِ لستِ فاشلة أبداً، وما تسمعينه من كلام سلبي قد يؤثر على ثقتك بنفسك لكنه لا يحدد قيمتك الحقيقية. للأسف، عندما تأتي الكلمات المؤلمة من الناس المقربين، تكون أكثر ألماً لكنها في نفس الوقت لا تعبر دائماً عن الحقيقة. إليك بعض الخطوات العملية التي يمكن أن تساعدكِ في تخطّي هذا الشعور: تذكري أنكِ ليستي ما يقولونه عنكِ كلام الآخرين أحياناً يعكس مشكلاتهم أو عدم فهمهم، وليس واقعي عن قدراتك أو قيمتك. ركزي على نقاط قوتك حاولي تدوين ما تحبينه في نفسك أو الإنجازات الصغيرة التي قمتِ بها. مهما كانت بسيطة، هي دليل على نجاحك. حددي أهداف صغيرة قابلة للتحقيق تقسيم أهدافك لأجزاء صغيرة يساعدك على الشعور بالتقدم والإنجاز، بدلًا من الشعور بالإحباط. كلام النفس الإيجابي جربي أن تقولي لنفسك جملاً مشجعة مثل "أنا أستطيع"، "أنا أتعلم وأتحسن"، "كل خطوة تأخذني للأمام". البعد عن المقارنات كل شخص له طريقه وظروفه، لا تقارني نفسك بالآخرين لأن ذلك يثقل على نفسك أكثر. ذكري نفسك بأن الله يجازي الصابرين استوصي بنفسك بالصبر واطلبي من الله العون، فكل تجربة وابتلاء فيها حكمة، والله لطيف بعباده. إذا شعرتِ أنكِ بحاجة لمساعدة أعمق لفهم مشاعرك ومواجهة هذه الصعوبات، يمكنك الاطلاع على استشارات الخبراء النفسيين والداعمين في موقع فدني عبر صفحة الخبراء حيث ستجدين من يقدم لكِ الدعم والارشاد النفسي بشكل متخصص. أنا هنا دائماً إذا أردتِ التحدث أكثر أو تحتاجين نصائح أخرى، لا تترددي في السؤال. أنتِ قوية، ومرحلة الشعور بالفشل ليست النهاية، بل بداية لتحققين نجاحات جديدة بإذن الله. 🌷 ذكية
تم النشر الثلاثاء، ٣ يونيو ٢٠٢٥
اعيدي النظر في كل كلمة بيقولوها وميزي هل الكلام يمثل واقعك وشخصيتك ولا مجرد مشاعر سلبية منهم وبيطلعو فيكي كرههم لنفسهم ... في الحالة الأولى يجب انك تتقبلي النقد اما الحالة الثانية فأعذريهم فالله أعلم بعوائلهم اللي طلعو منها والقسوة اللي شافوها .. متخليش احتياجك للقبول يدفعك لعتابهم والصدام معهم فده هيزيد المشكلة .. تجاهلي النقد السلبي وابني ثقتك ورفاهك النفسي بشكل صحي يفيدك على المدى البعيد عن طريق العبادات و الهوايات والرياضة وكتابة الأفكار كروتين يومي
تم النشر الأربعاء، ٤ يونيو ٢٠٢٥
لعرض السؤال في فدني اضغط هنا