انا ٢٢ سنه، حياتي ماديا قليله جدا، عشت ظروف قاسيه ولكن بفضل الله اتعلمت وبقا معايا بكالوريوس زراعه لكن حاسس اني متاخر..
كنت راسم احلام اني قبل ما اتخرج..هكون ثري جدا ومشغل كل دفعتي في مشاريعي لكن للأسف فشلت في دا..
دلوقت شغال شغل بمرتب بسيط لكن برجع كل يوم حزين لأن مش دا اللي كان نفسي فيه..
كان نفسي اتخرج يكون عندي شقه وعربيات وشركات.. انا عارف ان التفكير بتاعي مش سليم.. وبقعد مع نفسي أحاول أوصل لحل واقول لنفسي انا لسه بادئ حياه لكن من جوايا شايفني عجوز فاشل وإن ازاي انا عايش حياه عاديه بعد الظروف القاسيه والمريره اللي مريت بيها.
(نبذه عن ظروف الماضي.. البيت كله كان ممكن يفطر ويتغدي ومن غير عشا على طبق فول وشويه مخلل)
أنت فقط يائس من الايام الله اعلم بظروف إللي مريت بيها لا يكلف الله نفسا إلا وسعها والحمد لله مريت منها على خير لانك كنت قدها المشكله مش انك عجوز أو شاب أو تفكيرك سليم أو لا المشكله انك مش محدد الهدف هدف واقعي هدف فعلا هيكون صعب بس هتكون شايف نفسك تستحق هذا الهدف لانك مش أي حد وكمان الحياة مش وقفت على كدا طالما لسه فيه روح مش تيأس أبدا لازم تسعي لازم تاخذ فترة موقته تقعد مع نفسك تتعلم أشياء عن نفسك هتلاقي جواك مواهب بس عشان أهملت نفسك مش كنت شايفها أكيد مش خلصت الكليه هنشتغل ونقف لغيت هنا طول ما الإنسان عايش بيتعلم عشان كدا فكر مع نفسك إيه الحاجة اللى ممكن اعملها تفيدني غير الشغلانه بتاعتي بس برضو مش توضع نفسك في مكان مش عارفه ايه بدايته من نهايته معظم البدايات أو جميعها بيكون صعب ودا اللي هيحدد هتقدر تتخطى البدايه أو هتفضل ثابت خد استراحه واجلس مع نفسك وربنا يدلك للطريق الصحيح يارب
تم النشر الأربعاء، ١٥ أكتوبر ٢٠٢٥
أهلا يا سمير، أول شيء أحب أقول لك: أنت قوي جداً لأنك صمدت وواجهت ظروفك الصعبة، واكملت تعليمك رغم كل التحديات، وهذا بحد ذاته إنجاز كبير جداً. مشوار الحياة مش دايمًا بيكون كما نتخيل، وأنت في بداية الطريق، الـ ٢٢ سنة عمرها ما تعتبر متأخرة أبداً، بالعكس، هي فرصة حقيقية تبني فيها مستقبلك خطوة بخطوة. خليني أساعدك تفكر في الأمور من زاوية مختلفة: لا تقارن نفسك بالآخرين : كثير من الناس يظهرون نجاحاتهم وكأنها سهلة، لكن خلف كل نجاح قصة تعب وصبر. وظروفك الصعبة كانت جزء من رحلتك، وهي خصوصيتك اللي بتشكل شخصيتك وطاقتك. حدد أهداف واضحة وقابلة للتحقيق : بدل ما تحلم بأشياء كبيرة مرة وحدة، حاول تقسّم حلمك الكبير لأهداف صغيرة يمكن تحقيقها بالتدريج. مثلاً، توفير مبلغ معين في الوقت الحالي، تطوير مهاراتك الزراعية أو مهارات في مجال تسويق منتجات زراعية، أو العمل على فكرة مشروع صغير. استثمر في نفسك : شهادتك في الزراعة تمنحك فرصة تفتح مجالات كثيرة، مثل العمل في مشروعات زراعية، أو استشارات، أو حتى بدء مشروع صغير في الزراعة العضوية أو منتجات صحية. يمكن تبحث عن دورات إضافية تساعدك تتطور وتفتح مجالات جديدة. تعامل مع مشاعر الفشل بوعي : الشعور بأنك “عجوز فاشل” مجرد حكم سلبي على نفسك، وهذا شعور يمكن تغييره. حاول تستبدل هذه الأفكار بأفكار إيجابية مثل “أنا أتعلم وأتطور” و”أنا أقدر أبني مستقبلي خطوة خطوة”. اصبر وكن متفائل : النجاح لا يأتي بين ليلة وضحاها، كثير من الناس كبار في السن حققوا نجاحاتهم بعد سن الثلاثين أو حتى الأربعين. المهم إنك لا تفقد الأمل أو الثقة بالله ثم بنفسك. أنت بالفعل بدأت طريقك، ومهما كانت الظروف مؤلمة في الماضي، آمن أن الله ما يضيع عنده أجر من أحسن عملاً. جرب تكتب كل يوم عن إنجازاتك مهما صغرت، واحتفل بها. ودايمًا إذا احتجت لحوار أو دعم نفسي أو تخطيط أكثر تفصيلاً، ممكن تستفيد من خبرات الاستشاريين المتخصصين في "فدني" وتزور صفحة الخبراء. تذكر، أنت في بدايات الحياة، والوقت أمامك طويل، وقادر بإذن الله على تغيير مصيرك وتحقيق أحلامك. لا تيأس، واحنا هنا ندعمك دائماً. هل تحب أساعدك بتخطيط خطوات محددة لبداية مشروع صغير أو تطوير مهارات؟
تم النشر الأربعاء، ١٥ أكتوبر ٢٠٢٥
محدش بيتولد معاه ملايين وبعدين عجوز ايه انت لسه ٢٢ سنه 😂 يعني يعتبر لسه متخرج و لسه بتشوف الدنيا وبعدين لازم تشتغل وتتعب وتسعى عشان الحاجه الحاجه اللي بتيجي من غير تعب مش هتحس بجمالها، ربنا يوفقك يا رب و يكتبلك الخير 🤍🌻
تم النشر الجمعة، ١٧ أكتوبر ٢٠٢٥
علي فكرة أنت ٢٢ سنه مش ٦٠ سنه علشان تقول كدا وتبقي محبط بالشكل دا أنت لسه يدوب مخلص تعليمك المفروض تبدأ بقي مرحله جديدة اللي فيها الشغل والفلوس وتحقيق الأهداف وكلية زراعه دلوقتي حلوه جدا وشغلها كتير بس أنت أشتغل علي نفسك ودور علي فرص شغل أحسن جنب شغل دلوقتي وربنا هيكرمكك ، اما فكرة إنك كان المفروض يبقي عندك شقق والكلام دا هي كانت أحلام وأنت تقدر تسعي ليها دلوقتي ومش هتتحقق غير لما تبدأ تشوف تحقق الأهداف دي إزاي وتشتغل عليها ،بس قبل دا خليك دايما فخور بنفسك وواثق في ربنا و إنك هتحقق أحلامك
تم النشر الجمعة، ١٧ أكتوبر ٢٠٢٥
لعرض السؤال في فدني اضغط هنا