انا واحده متخرجه ليا سنتين والحمد لله متخرجه بتقدير كويس جدا وكنت شاطره اتخرجت الحقيقه اشتغلت لمده سنه وبعدين سيبت الشغل لظروف إجباريه مش بمزاجي الحقيقه انا كمان بحضر ماجستير
انا حاسه ان انا فاشله دون عن صحابي وكل ال كانوا ف مجالي ومعايا ف الكليه كلهم اتعينو أو اشتغلو الا انا لسه حتى جواز بردو لا الحقيقه انا عاديه يعني حقيقي راضيه ومش مضايقه ولا حتى و الله بحقد عليهم بالعكس
بس انا كل ال حواليا وتروني حسسوني ان انا فاشله ف كل حاجه والعيب فيا لان معرفتش اشتغل لحد دلوقتي أو أن حتى يجي شخص واتخطب له انا لدرجه ان بقيت بحس باوقات ان هموت م الخنقه والزعل خلوني في ضغط كأني انا السبب مع ان الحقيقه والله مش بإيدي ياريت ارجو الافاده هو العيب فيا بجد؟ انا ال مش شاطره ووحشه مثلا ولا هي اراده ربنا؟
جزء كبير من سلامك النفسي هيتحقق لما تقتنع إنك مش متأخر .. صاحبك اللي في نفس سنك وخطب بعد ما اتخرج علطول، مش سابقك زميلك اللي لقى شغل كويس واتثبت فيه وانت لسه بتدوّر، مش سابقك قريبك اللي جهز شقته واتجوز في وقت قليل وانت لسه، مش سابقك صاحبك اللي خلف وهو في نفس سنك وانت لسه متجوزتش، مش سابقك محدش سابقك ولا انت سابق حد .. مفيش جدول مواعيد كلنا المفروض نمشي عليه عشان نتجوز أو نشتغل أو ننجح كلنا سوا في نفس الوقت كلها أرزاق مش احنا اللي بنختار مواعيدها، المواعيد دي مكتوبة من فوق سبع سماوات .. متكرهش محطتك عشان ملحقتش تركب مع التانين .. استنى مواعيدك واستمتع بالسِكة. ♥️ انت مش متأخر عن حد ولا محتاج تعيش في سباق علشان تبقي احسن من حد، اسعي واعمل اللي عليك وارضي ربنا وهو عليه النتائج، انت مسئول عن سعيك فقط. استعن بالله.
تم النشر الخميس، ٢٢ مايو ٢٠٢٥
ده بوست قرأته .. أظن هيكون مناسب لكلامك أخذته كوبي بيست زي ما هو 👇 توقيت الله مثالي.. محتاج تطمن قلبك إن مافيش شيء من نصيبك مش هيجيلك.. أنت مش متأخر عن حاجة، ولا في رزق ليك هيفوتك، نجاحك ورزقك وعوض الله لقلبك هيجولك في الوقت المُناسب.. وكما قال د. #مصطفى_محمود (طَلبتُ من الله الكثير ومنعه عني !! وكان مَنعُهُ قمَّة عطائه ! فتعلمت أن أطلب ما أريد وأقبل بما يريد .. فدائمًا إرادته تأتي بالخير ، وإرادتي تسوقني إلى الشر .. ولا زال يأخذ بيدي إلى الخير حيث تيقنت أنه هو الله أرحم الراحمين) عارف يعني إيه " ثُمَّ جِئْتَ عَلَى قَدَرٍ يَا مُوسَى "#سورة_طه يعني كل خطوة في حياتك محسوبة ومُقدرة أدق تفاصيل حياتك بتتشكل بقدر.. أمورك ماشية في خطة مُحكمة لصالحك، وكل شيء هيجيلك في التوقيت الأنسب ليك.. دايمًا توقيت ربنا مثالي هيجبر قلبك من اللي كسرك ، و هيعوّضك عن اللي خسرته، ، هتعرف إن الحرمان كان مُقدمة لعطاء كتير هتنوله.. سلِّمها لله واتركها تأتي كما يريدها ويُقدِّرها لعلَّها تأتي كما تمناها قلبك.. #سِكّة_السَّلامة #noha_zahra
تم النشر الخميس، ٢٢ مايو ٢٠٢٥
حبيبتى المجتمع بيضغط والأهل فحاجات ملناش دخل بيها هى حظ كل واحد ليه حظه فأهل فجواز فتعليم فصحه غير التانى فمتستسلميش ليهم وتخلى صورتك وقيمتك فعين نفسك بالمشاعر دى حبي نفسك وقوليلها انتى احلى واشطر بنوته فعيونى كده كده كلامهم مش هيذود قدرى ولا هينقصه لانه بايد الهى وثقى كل واحد اخد شى فدى حظه الحلو بس فيه مشاكل ووجع مدارى لأن ربنا عادل مش هيوزع كل الحظ لناس و ناس لا فيه مشاكل كتير اكيد ربنا حماكى منها ربنا يكتب لك الفرح والحظ الحلو فحياتك يا جميله 😍♥️
تم النشر الخميس، ٢٢ مايو ٢٠٢٥
لا يا حببتي دي اراده ربنا ممكن ربنا ميكونش عاينلك الخير هنا وهيشلهولك في حته تانيه مثلا زواج سعيد أو حياه مستقله م دايما كل اللي بتبقى عايزينه صح ربنا شايفلك الخير احسن من اي حد بس قولي يارب وفقني ووقتها ربنا يعوضك عوض كبير اسأل. الله أن يوفقك وان تنالي كل خير
تم النشر الأربعاء، ٢١ مايو ٢٠٢٥
بصي اول حاجه تعمليها ان انتى تلاقى وظيفه وتشتغلي وكده كده الجواز جاي جي واعرفى ان الزواج ده نصيب يعنى متخليش الجواز هو همك وهو الحاجه الاساسيه عندك بصي لما يجيلك حد على موضوع الجواز انتى متعمليش غير حاجتين تاخدي الموضوع بفرح على قد متقدري وكمان تصلى صلاه استخارة واللي ربنا كاتب فيه النصيب ليكى هيكون معاكى تمام لا والله العيب مش فيكى بس انتى عنك حاجه ممكن تكون صح او غلط ان انتى مخوفه نفسك من الموضوع ده وكمان إرادة ربنا فوق كل حاجه انتى لو أي شخص اتقدملك وانتى راضيه قولي لنفسك لعله كان فى حاجه واضحه او هيتعبك وكمان متخافيش كل حاجه اما تحصل معاكى عيب منك او حاجه عليكى خالى عنك يقين بربنا وان على الموضوع الغل ده بتاع ربنا ده اسمه رزق ورزقك جايلك جوالك بس انتى أسعى وقالولي يا رب يا عمرى
تم النشر الثلاثاء، ١٣ مايو ٢٠٢٥
مفيش حاجه اسمها فشل وما فيش حاجه اسمها انا فاشله الفشل ده ظاهره صحيه جدا على فكره مش عيب ان انا افشل مش عيب ان انا مش عيب ان انا اخفق العيب والغلط الكبير ان انا استسلم في فرق بين ان انا اخاف من الفشل وفارق يبقى عندي فوبيا من الفشل اخاف من الخلفشه انا هاخده خطواتي وحمشي في طريقي بس انا خايفه وقلقانه ان انا هفشل بس عندي يقين وحسن ظن بالله ان انا ممكن انجح وفي نفس الوقت انا مؤمنه وراضيه لو فشلت انا هحاول ثاني لكن فوبيا الفشل اللي انا خلاص فقدت الثقه بنفسي ان انا مش مؤمنه بقدراتي ان انا عارفه ان انا اي حاجه حمشي فيها حفشل فيها فده اسمه فوبيا. ما تخليش اللي حواليك ياثروا عليك كل واحد له ظروفه كل واحد له امكانياته وحياته فما تسمعيش لحد ما تديش ودانك لحد خليك واثقه في نفسك عدم ثقتك في نفسك هي دي اللي بتخليهم يقللوا منك قيمتك في عين نفسك هي اللي بتجبر الناس ان هم يعلوا منك ويقدروكي فكره بقى ان انت اصلا انت شكلك عاديه او مش عاديه دي حاجه بتاعه ربنا الجمال مش جمال الشكل بس في جمال كثير موجود غير الوش الجمال الوجه غير دائم لكن جمال الروح الذكاء الحيويه النشاط العفه الاحترام الاخلاق التدين حب الخير.
تم النشر الاثنين، ١٢ مايو ٢٠٢٥
السلام عليكم ورحمة الله وبركاته. هقولك حاجة لو انتي شايفه إنك فاشله بعيد عن إنهم شايفينك كده تمام إنتي فاشلة، إنما لو حاسه إنك فاشلة علشان هما شايفينك فاشله ف صدقيني إنتي مش فاشله. ما شاء الله متخرجه مراحل تعليمك إنتي مش فاشلة فيها ضيفي كمان إنك اشتغلتي وكان سبب تركك لشغلك غصب عنك أصبح إنك مش فاشله، طيب بتحضري ماجستير تمام في قمه تفوقك. طيب نقف بقى عند نقطه إني اعمل مقارنات عايزاكي تتأكدي إنه لو عملتي مقارنات هتقفي مكانك، بصي ظروفك غير ظروفهم حياتك غير حياتهم. ركزي بس مع نفسك في حياتك والله هتنجحي في كل حاجه وعايزاكي تعرفي إنه كله ترتيب ربنا وكله خير لو علمتي مافي الغيب لاختارتي الواقع. رزقك لسه مجاش والله في الجواز، ربنا مخبي ليكي شخص مناسب ليكي بترتيب ربنا ليكي هيجي ف وقت ومكان مناسب بظروف مناسبه صدقيني. كوني راضيه ومؤمنه وثقي باختيارات ربنا ليكي وانه والله كل اللي بتتمنيه ربنا هيرزقك بيها بس كل حاجه ليها وقتها. ارزاقهم المتأخره أفضل من ارزاقهم المتقدمه بس اصبري واحتسبي الاجر.
تم النشر الاثنين، ١٢ مايو ٢٠٢٥
مرحباً بكِ، وأنا معكِ كذكية من منصة فدني، وأول حاجة أحب أقولها لكِ بكل صدق وحنان: أبداً ما أنتي فاشلة، ولا العيب فيكِ ولا في قدراتك. اللي بتحسيه طبيعي جداً، خصوصاً لما تشوفي أصحابك حوالينك ماشين في طريق معين وانتِ بتحاولي تدخلي في نفس الطريق أو حتى بتحسي إن الزمن مش مساعدك. لكن خليني أقول لكِ، إن الحياة مش سباق أو مقارنة مستمرة، وكل شخص له ظروفه وماشية حياته اللي مابتتشابهش بالضرورة. خليني أساعدك أفكري الأمور بشكل أعمق: ظروفك السابقة : أنتِ اشتغلتي سنة وبعدين اضطرّيتي تسيبي الشغل بسبب ظروف خارج إرادتك، ده شيء حصل لأغلب الناس في مرحلة معينة من حياتهم، مش ضعف منكِ ولا قلة كفاءة. الدراسات العليا (الماجستير) : إنك بتحضري ماجستير دي إضافة كبيرة، بتدل على رغبتك في التعلم والتطوير، وهي فرصة حلوة جداً لبناء مستقبلك بشكل أفضل. لا تستعجلي النتائج، خدي وقتكِ وثقي بالرحلة. المقارنة بالآخرين : مقارنتك بنفسك بأصدقائك اللي اتعينوا أو اتجوزوا مش دايماً نتيجة عادلة لتقييم نفسك. ظروفهم وأوقاتهم مختلفة عنكِ، ومن الخطأ أنكِ تحكمي على نجاحك بناءً على حياة الآخرين. الشعور بالضغط والاختناق : ده طبيعي لما تحسي إن المجتمع حواليكِ بيشوفك بطريقة تانية، بس مهم جداً تحاولي تهتمي بنفسك أولاً، وتشعري بقيمتكِ داخلياً مش من خلال نظرة الآخرين. إرادة الله : دائماً ماتقرأي أن ما كتبه الله في قدرنا هو الأفضل لنا، وحتى لو الأمور مخدتكِش الطريق اللي كنتي متوقعة، فهو بأمر الله وفي مصلحتكِ حتى لو ما فهمتيش في الوقت الحالي. نصائحي لكِ بشكل عملي: أكتبي أهداف صغيرة قابلة للتحقيق كل يوم أو أسبوع، وحاولي تركز فيهم. استمري في تطوير مهاراتكِ في مجال دراستك ومستقبلك المهني. اطلبي الدعاء من أهلك وأصدقائك، ودعي الله يسهل لكِ الأمور. حاولي تتواصلي مع أحد الخبراء في منصة فدني يمكن يساعدوكِ تخططي لمستقبلك. وإذا حبيتي، ممكن تتصفحي قسم الخبراء على https://www.fedni.net/experts وتلاقي مين ممكن يساعدكِ بخبرة وتوجيه مباشر. وأخيراً، أذكركِ دائماً أنكِ مميزة وأنتِ تستحقين الأفضل في كل جوانب حياتكِ، والله مع الصابرين والمجتهدين، وأنتِ منهم بإذن الله. لا تترددي ترسلي لي أي أسئلة أو تحكي لي مشاعرك، أنا هنا دائماً أسمعك. دمتِ بخير ورضا ❤️
تم النشر الاثنين، ١٢ مايو ٢٠٢٥
مين اللي قالك أنك فاشلة بلعكس أنت شطورة بس عاوزك تفهمي حاجه لسه رزقك اللي مكتوبلك قبل م تتولدي ب خمسين ألف سنه لسه مجاش وقته ولما هيجي محدش هيقدر يمنعو عنك وعلى فكرة ربنا مبيكرهش الخير لحد بس هو عارف الخير فين أنا هضربلك مثل حصل معايا أمبارح ، أمبارح أنا كان عندي أمتحان في المدرسة المهم أن أنا حليت سؤال غلط والسؤال ده كان سهل جدا وانا كنت حالل نفسه بظبط في الكتاب المهم زعلت واضيقت جامد وفكرت نفس تفكيرك وان ليه ربنا يعمل معايا كده مع اني كنت مذاكر وفي آخر اليوم الجرس بتاع الخروج ضرب نزلت من الفصل ومشيت شوية وبعدين أفتكرت أن أنا نسيت التاب بتاع المدرسة في الفصل روحت عشان اجيبه وانا متأكد انه كده خلاص اتسرق ، رجعت الفصل ولقيت ان التاب لسه في مكانه افتكرت حاجه ان ممكن ربنا يحرمك من حاجه عشان حاجه ويبتليكي بحاجه بدل حاجه يعني خد مني الدرجة بتاع السؤال بس في المقابل التاب لسه موجود معايا وانا كنت بعمل ذنب معين والحمد لله بعد ما غلطت في الأمتحان وبسبب الدرجة دي أنا تغيرت جدا وحياتي كلها وقربت من ربنا بقيت أنا دلوقتي بحمد ربنا اني غلطت في الامتحان ومقفلتش الخلاصة أنتِ متعرفيش الخير والشر فين قربي من ربنا وادعيه وأسألي نفسك عامله ايه دلوقتي مع ربنا الحكايه مش حكاية انك بتجيبي درجات عالية او معاكي مؤهلات عليا الحكايه كلها توفيق من ربنا أنا في أصحابي بيذاكروا أكتر مني وجابو أقل مني في الدرجات، حافظي على صلاتك وأذكارك وقرآنك وادعي كتير لفسك وصلي ركعتين على الأقل قيام ليل وكلمي ربنا وانتِ بتصلي وأسأليه عن اللي جواكي واتمني بلا حدود عشان أنتِ غالية عنده بس اعملي اللي هو عاوزه عشان يعملك اللي انتِ عاوزاه ،وآسف لو طولت عليكي وابقا طمنيني عليكي ، أخوكي الصغيور اللي في أولى ثانوي بس عندي حكمة واحد عندو ستين سنة 😂 أضحكي وافرحي كده وعيشي حياتك محدش ضامن العمر واحمدي ربنا على كل حاجة وانتِ أنسانه نظيفة عشان بتقولي انك مبتحقيدش على حد . انت غاليه وجميلة جدا ♥️
تم النشر الثلاثاء، ١٣ مايو ٢٠٢٥
هي الناس متحبش اللي احسن منها وبعدين انتي لسه مشتغلتيش ومتخطبتيش فأكيد ربنا معوضك بحاجة احسن ومعوضك بحاجة جميلة والحاجة دي مش في اي حد واكيد هما شايفين فيكي حاجه مختلفة عشان كده بيحبطوكي
تم النشر الاثنين، ١٢ مايو ٢٠٢٥
تسلمي جدا على كلامك دا هما فعلا اللي حاطيني في الضغط دا انا حقيقي عمري ما كنت كدا ولا انسانه بفكر التفكير الراجعي دا بس غصب عني
تم النشر الاثنين، ١٢ مايو ٢٠٢٥
الناس اللي بيقوللك انك فاشلة هما شايفينك افضل منهم في حاجة معينة فعشان كده بيحبطوكي وبييجو علي نقطة ضعفك ويحبطوكي اكتر ونقطة ضعفك انك مش لاقية شغل ولسه متخطبتيش طب العيب فيكي فعلا ولا فيهم الإجابة العيب فيهم لإن هما غيورين وهما عاوزينك توصلي للمرحلة دي تفقدي الثقة في نفسك لكن لا كوني عارفه إن الزواج ده نصيب ولسه الشخص اللي من نصيبك هو مش جاهز حاليا لما يجهز إن شاء الله هيحصل النصيب ف اللي يقولك انك لسه متخطبتيش متحطيش الكلام ده في دماغك لإنهم عاوزين يكسروكي بالكلام وبالنسبة لموضوع الشغل لو محتاجه للشغل فعلا فادعي ربنا وقربي من ربنا وربنا هيسرلك امرك بإذن الله إنما لو مش محتاجه للشغل فمفيش داعي تشتغلي مش معنى إن كل البنات بتشتغل يبقي انتي كمان تشتغلي لا طوري من نفسك اكتر وحاولي تتعلمي كورسات في حاجات انتي بتحبيها زي البرمجة والتسويق وحاجات تانيه كتير وياريت متنسيش العلم الشرعي وحفظ القرآن صدقيني العلم الشرعي والقرآن دول اللي هيغيرو حياتك للأفضل بإذن الله واخيرا الناس دول مجرد هوا متحطيش كلامهم في دماغك ابدا وخليكي واثقة من نفسك ودايما اسعي لتطوير نفسك للأفضل وافتكري إن الزواج نصيب ونصيبك مكتوب ليكي وانتي في بطن امك يعني مكتوب ليكي هتتزوجي مين وهتخلفي مين وإن شاء الله ربنا يرزقك بالزوج الصالح
تم النشر الاثنين، ١٢ مايو ٢٠٢٥
كل شخص عليه ان يسعى ويجتهد ويأخذ بالاسباب ويترك التوفيق لله وما يؤخر الله شيئآ إلا إذا كانت نهاية الصبر جبر وعوض على سعيك وحسن ظنك بالله
تم النشر الاثنين، ١٢ مايو ٢٠٢٥
ربنا يكرمك يارب ويوفقك وتدخل احسن الكليات ❤️🥹... مش عارفه اقولك ايه بس انا انبسطت جدا جدا بكلامك وان كلامك دا طالع من حد في سنك دا حقيقي شكرا ليك جدا ❤️❤️❤️
تم النشر الأربعاء، ١٤ مايو ٢٠٢٥
لا يا حبيبة قلبي ديمآ شوفي نفسك اعظم انسانه بس مش لدرجه ان الي قدامك يقول عليكي مغرورة بالعكس
تم النشر الثلاثاء، ١٣ مايو ٢٠٢٥
مش هقول كلام وهم وانك بطلة وخرافية وأفضل من الجميع .. ولاكن رأيي انك عشان ترتاحي لازم تفصلي بين أفكارك والواقع .. افكارك ابليس بيضخمها ويهولها وبيحب يحسسك بالنقص والتوتر ولكن الواقع ببساطة ان كل واحد ماشي في حياته بمستوى معين مرة ده يسبق ومرة الثاني يسبق .. ولاحظي ان ابليس مش هيقول انك سبتي الشغل اجباريا لا هيقول انتي فاشلة أو محدش تقبلك في الشغل أو انتي أقل من فلانة وهكذا ... ففرقي بين أفكارك والواقع وبالتوفيق
تم النشر الثلاثاء، ١٣ مايو ٢٠٢٥
اللي بتحسيه هو نتيجة ضغط خارجي كبير جدا مش حقيقة بتعبر عنك. خليني أشرحلك كام نقطة 1-ظروفك مش فشلك أنت إنسانة: متخرجة بتقدير كويس جدا . . اشتغلتي سنة كاملة . . بتحضري ماجستير . . دي كلها حاجات ناس كتير بتتمنى توصلها، ودي علامات إنك مكتهدة مش فاشلة. إنك تسيبي شغل لظروف خارجة عن إرادتك دي مش غلطتك ومش مقياس لقدرتك أو كفاءتك . 2-المقارنة بتخنق المشكلة مش إن صحابك اتعينوا أو اتخطبوا المشكلة إنك بتحاسبي نفسك بميزان حد تاني . كل واحدة فينا ليها طريق مختلف وربنا مش بيقسم الأرزاق بنظام صف واحد، بل بنظام توقيت وحكمة. النجاح مش سباق النجاح رحلة، وكل حد ليه توقيته 3-ضغط الناس مش دايما صح الناس اللي حواليكي ممكن يكونوا بيحبوكي بس بيضغطوا عليكي بدون وعي. في ناس بتربط النجاح بالوظيفة والجواز بس وده تفكير ضيق جدا. أنت دلوقتي بتحضري ماجستير ودي حاجة عظيمة، وشغلك السابق يدل إنك قادرة. لكنهم بيغضوا البصر عن ده وبيشوفوا الجزء اللي مأثر فيهم هم، مش اللي بيدل على قدراتك الحقيقية. 4-الزواج مش مقياس نجاح إن مفيش شخص جه لحد دلوقتي ده مش معناه إن فيكي حاجة غلط. الجواز رزق زي الشغل بالظبط، ولو كل واحدة اتجوزت بدري ناجحة، مكناش سمعنا عن كل القصص اللي بتتطلق بعد سنة! الزواج محتاج شريك مناسب مش مجرد مناسبة اجتماعية تلحقيها قبل ما "القطر يفوت" . 5-الشعور بالخنقة طبيعي . لكن ما تستسلميش ليه كل اللي بتحسيه الضغط الحزن الخنقة . هو رد فعل طبيعي على الظلم اللي بتحسيه واللوم اللي مش من حق حد يفرضه عليكي. بس الحل مش في جلد الذات . الحل إنك ترجعي تبصي لنفسك بعين الحق أنتي ذكية ومكتهدة . أنتي بتحاولي رغم الصعوبات . . أنتي ماشيه في طريق علمي وعملي محترم هل العيب فيك؟ لا اللي بيحصل حوالينا مش دايما انعكاس للي جوهنا فيه ظروف فيه نصيب، وفيه توقيت وفيه ناس بتفتكر إنهم يعرفوا الصح لكل حد، وهما مش شايفين الصورة كاملة. نصيحة مني: قللي من سماع آراء الناس اللي بيهدوكي . اكتبي كل يوم 3 حاجات إيجابية عن نفسك ( حتى لو بسيطة) . . كملي في الماجستير بقلب قوي، لأنه شيء بيديك ميزة كبيرة في مستقبلك خدي خطوة بسيطة للرجوع لسوق العمل ممكن أساعدك بخطوات لو حبيتي) امنحي نفسك الرحمة اللي محتاجاها . ربنا رحيم، وبيخبي الخير في وقت أنسب
تم النشر الثلاثاء، ١٣ مايو ٢٠٢٥
انت جميله بس لسه نصيبك مجاش وطالما بتجتهدي يبقي ربنا هيكرم❤️
تم النشر الاثنين، ١٢ مايو ٢٠٢٥
اكيد تسلمي جدا
تم النشر الاثنين، ١٢ مايو ٢٠٢٥
ربنا يسعدك يارب وإن شاء الله دايما حياتك يكون فيها السعادة والتفاؤل يارب وتابعي نصائح للبنات من فيديوهات اليوتيوب وتابعي حاجات عن التنمية البشرية إن شاء الله الحاجات دي هتفرق معاكي بإذن الله ومتنسيش القرآن اهم حاجة
تم النشر الاثنين، ١٢ مايو ٢٠٢٥
دي حقيقه بس الضغط ال حطوني فيه مش احسن حاجه بس كلامك بجد فرق معايا
تم النشر الاثنين، ١٢ مايو ٢٠٢٥
لعرض السؤال في فدني اضغط هنا