السلام عليكم، صدقيني مفيش حاجة تستحق كل الرعب اللي معيشة نفسك فيه ده. التخلف المجتمعي اللي احنا فيه هو سبب خوفك والوسوسة اللي حصلت عندك. نصيحة من أخت أكبر منك، متفكريش في الموضوع ده خالص وركزي في دراستك دلوقتي. وطالما معملتيش حاجة حرام يبقى ميهمكيش أي حد ومتخافيش فضيحة ولا غيره. حقيقي بيصعب عليّ البنات اللي معيشة نفسها في رعب بسبب الموضوع ده. اللي أنا مؤمنة به طالما البنت حافظت على نفسها، عشان ربنا (مش عشان المجتمع المتخلف بيقول كده) فتتوكل على الله بيقين. أنصحك مرة تانية وتالتة ومئة، متفكريش في الموضوع ولا تحاولي حتى تفحصي نفسك بالمرآية ولا تتبعي النصائح الغبية على النت. عالجي خوفك وثقتك بنفسك وقربي من ربنا. وداومي على ذكر (حسبي الله ونعم الوكيل) ردديه يوميا كتير وبيقين وثقة وإن شاء الله ربنا هيكفيكِ شر أي حاجة أو أي شخص خايفة منه. إذا لقيتِ صعوبة تتخلصي من الوسواس نفسه بنفسك، ممكن تتواصلي مع خبيرة من الخبراء الموجودين في قائمة خبراء فدني. ربنا معك.
العفو، ربنا يوفقك.
تم النشر الثلاثاء، ١٠ فبراير ٢٠٢٦
حاضر وشكرا مره تانيه
تم النشر الثلاثاء، ١٠ فبراير ٢٠٢٦
طيب بما إنك في ثانوية عامة، خلي كامل تركيزك دلوقتي على دراستك... خدي بالك إن ممكن الوسواس ده من الشيطان عشان يحزنك ويعطلك عن مصلحتك وكمان هروب من عقلك بسبب فترة الثانوية. أنتِ دلوقتي أعتقد مش مخطوبة، يعني لسه خطوة الزواج مش دلوقتي والموضوع كمان فات عليه كذا سنة، فليه متركزيش على مستقبلك الدراسي والمهني بحيث إن شاء الله ربنا يرزقك بوظيفة أو حتى تفكري تشتغلي من البيت على الانترنت ويكون لك مصدر دخل خاص بك، وساعتها هتقدري تروحي تكشفي وقت تحسي إنك محتاجة.. يعني مثلا اتخطبتِ بعد كده ولقيتِ لسه مشكلة الوسواس ده والقلق ساعتها هتكوني مستقلة ماديا وتقدري تروحي تكشفي بنفسك من غير ما تحتاجي حد. توكلي على الله وربنا يوفقك ويكفيكِ شر أي حاجة وأي شخص.
تم النشر الثلاثاء، ١٠ فبراير ٢٠٢٦
ونعم بالله بس انا دلوقتي في تالته ثانوي واهلي منعيني اني اخد دروس بره فباخد اونلاين ومش بخرج يعتبر بس اكيد فاقرب فرصه تسمحلي اخرج وابقا براحتي هروح اقرب عياده او مستشفي وشكرا بجد على دعمكم ده
تم النشر الثلاثاء، ١٠ فبراير ٢٠٢٦
تمام، انتِ بتقولي الموضوع عدى عليه 4 سنين، ممكن جرح عادي من الالتهاب والحكة، إذا هتفضلي قلقانة، ممكن تروحي عيادة النسا في أي مستشفى حكومي الكشف بسعر رمزي.. مش لازم تقولي لمامتك سبب الكشف، قولي لها عندي التهابات شديدة ومحتاجة ضروري كشف في العيادة... لما تروحي ممكن تكلمي الدكتورة لوحدكم لما تيجي تكشف عليكِ. معرفش برضه مامتك شخصيتها إيه تصارحيها باللي حصل بدون تفاصيل كتير.. إذا هتعمل لك مشكلة خلاص فكري في موضوع العيادة أو تجاهلي الموضوع خالص زي ما قلت وتوكلي على الله.
تم النشر الثلاثاء، ١٠ فبراير ٢٠٢٦
كان ده طبيعي اتجاهله بس انا نزل مني دم وانا معرفش الدم نزل من الحته ولالا انا كان عندي حكه شديده وبعتبر عديت في كل حتا
تم النشر الثلاثاء، ١٠ فبراير ٢٠٢٦
هو أنتِ ممكن تتواصلي الأول كرسالة تعرفي النظام إيه، فيه من الخبراء بيقدموا جلسات مخفضة لأعضاء فدني فشوفي كده، ممكن يكون حد بيقدم دعم مجاني.. ولو عاوزة حاجة مجانية تماما فيه الخط الساخن للدعم النفسي الخاص بالأمان العامة للصحة النفسية (١٦٣٢٨) وفيه مبادرة شيخ الأزهر للدعم النفسي للشباب على الخط الساخن (19906) تواصلي عشان مسألة الوسواس ده اللي قصدي عليه، أما مسألة كشف النسا عشان تطمني فزي ما قلت رأيي إنك تتجاهلي الموضوع تماما، ده جزء من التعافي من الوسوسة نفسها.
تم النشر الثلاثاء، ١٠ فبراير ٢٠٢٦
شكرا على نصيحتك بس انا مش معايه تمن الكشف الاونلاين حتى
تم النشر الثلاثاء، ١٠ فبراير ٢٠٢٦
أنتِ توكلي على الله وواظبي على ذكر (حسبي الله ونعم الوكيل) وركزي على نفسك ودراستك وإن شاء الله خيرًا. بالنسبة للتواصل مع الخبيرات... بتفتحي الصفحة دي https://www.fedni.net/experts بتضغطي على اسم الخبيرة يفتح لك ملفها هنا واقرأي إجاباتها الأول، وشوفي الخبيرة اللي تحسي إنها تقدر تفيدك هتلاقي في صفحتها زر حجز استشارة يوصلك بها.. لو مثلا الخبيرة مختارة وسيلة التواصل واتساب وانتِ مش عندك ممكن تلاقيها كاتبة وسائل تواصل تانية في حسابها زي الفيسبوك ابعتي رسالة عليه. وربنا يوفقك.
تم النشر الثلاثاء، ١٠ فبراير ٢٠٢٦
انا مش عارفه اتواصل فالحقيقه مع اي حد من قائمه فدني ولا نفسيه ولا نسا بصراحة
تم النشر الثلاثاء، ١٠ فبراير ٢٠٢٦
وعليكم السلام ورحمة الله وبركاتة شكرا بجد علي نصيحتك وفعلا المجتمع مش كويس فتفكيره فعلا لان شرف البنت هو اخلاقها ودينها واحتشامها وانا الحمدلله بصلي وبرضي ربي والناس بتتكلم عني باني كويسه واخلاقي كويسه بس المجتمع كلو مش بيمشي بالطريقه دي فالتفكير بيشوفه ان نقطت دم تنزل هي دي حظك مع ان في بنات اتولدو من غير غشاء وفي مطاطي بس الفكره دي مسيطره علي الجميع
تم النشر الثلاثاء، ١٠ فبراير ٢٠٢٦
لعرض الإجابة في فدني اضغط هنا