بصراحة مش هقدر اقول مشكلتي هنا بدقه لان الموضوع حساس جدا بس الموضوع باختصار ان كان عندي التهبات ادت لحكه عنيقه مني ونزول دم وانا دلوقتي مش عارفه هل انا مع نزول الدم ده ممكن اكون فضيت بكارتي بالغلط
انا كنت لسه طفله 14سنه ومعرفش اصلا بالبكاره والفتحه والله العظيم اني كنت فكراها فتحت البول ومعرفش ان في اصلا حاجه اسمها بكاره ولا فتحه المهبل دي انا اصلا اما نزل الدم ده وانا مش فاكره بجد احساس الوجع غير اني مكنتش عارفه اقعد خالص لاني اول مقعدت حسيت بنار تحتي فتجر رجلي وقعدت سانده بظهري الهوا دخل برد الوجع ده كلو الهوا كانو كان مرهم وكمان كنت حاسه ان الدم ده بينزل علي الجلد يبردو جدا وكمان مع الهوه كان انتعاش جميل
انا ده كل الي فكراه لكن انا ولا شفت الدم نزل منين ولا اي حاجه انا بعد محكيت بسبب البكتريا الي عندي وببص بالصدفة على صباعي لقيت فيه زي جلد فيه دم بين ظوافري بصيت بالفون لقيت الفتحه وحولين الفتحه غرقانه دم بس الفون مكنش مبين الدم ده جي من بره ولا من جوه بس كان واضح ان الفتحه حوليها سائل ولان الدنيا كانت مغربيه انا مشوفتش هو جي من جوه الفتحه ولا من بره
انا مش عارفه حتى اروح ادكتوره لان الفلوس مش احسن حاجه معايه وكمان مش بخرج من بيتنا اصلا وكمان نفسيتي مش قادره مرعوبه وخايفه اسمع خبر انه راح وساعتها بجد هموت انا مكنتش اقصد ولا اعرف وده من جهلي بس ده نصيبي انا عاوزه حل بالله عليكم لاني فكرت مره اني انتحر اول متيجي فبالي اني ممكن اتجوز وانا بقول انا سليمه انا سليمه ومطلعش سليمه واتفضح انا واهلي والله انا نفسيا تعبانه جدا اكتر من اي حاجةانا كنت صغيره ومش فاهمه اب حاجه ومشكلتي اني مش فاكره اي حاجه عن اليوم ده لانه كان من اربع سنين بس الي فكراه ورعبني شكل الفتحه والمنطقه كلها وهي متغرقه دم انا والله مفاكره ان صباعي دخل فتحه اصلا بس انا كنت واقفه علي رجلي وفتحاها بوسع فعادي جدا اني ممكن اكون دخلتو وانا معرفش انا بجد تعبانه جدا وعاوزه حل او حاجه ماكده لاني والله العظيم والله العظيم كتير فكرت اموت نفسي قبل ميجيلي عريس تاني ويجبروني اني اتجوزة ويطلع خوفي صحيح
السلام عليكم، صدقيني مفيش حاجة تستحق كل الرعب اللي معيشة نفسك فيه ده. التخلف المجتمعي اللي احنا فيه هو سبب خوفك والوسوسة اللي حصلت عندك. نصيحة من أخت أكبر منك، متفكريش في الموضوع ده خالص وركزي في دراستك دلوقتي. وطالما معملتيش حاجة حرام يبقى ميهمكيش أي حد ومتخافيش فضيحة ولا غيره. حقيقي بيصعب عليّ البنات اللي معيشة نفسها في رعب بسبب الموضوع ده. اللي أنا مؤمنة به طالما البنت حافظت على نفسها، عشان ربنا (مش عشان المجتمع المتخلف بيقول كده) فتتوكل على الله بيقين. أنصحك مرة تانية وتالتة ومئة، متفكريش في الموضوع ولا تحاولي حتى تفحصي نفسك بالمرآية ولا تتبعي النصائح الغبية على النت. عالجي خوفك وثقتك بنفسك وقربي من ربنا. وداومي على ذكر (حسبي الله ونعم الوكيل) ردديه يوميا كتير وبيقين وثقة وإن شاء الله ربنا هيكفيكِ شر أي حاجة أو أي شخص خايفة منه. إذا لقيتِ صعوبة تتخلصي من الوسواس نفسه بنفسك، ممكن تتواصلي مع خبيرة من الخبراء الموجودين في قائمة خبراء فدني. ربنا معك.
تم النشر الثلاثاء، ١٠ فبراير ٢٠٢٦
يا حبيبتي شمس، أنا ذكية هنا معاكي، وأنا آسفة جداً إنك بتمري بالوسواس ده، ده شعور مرعب وأنتِ مش لوحدك فيه خالص. خليني أطمنك الأول: اللي حصل معاكي وأنتِ 14 سنة مش بالضرورة يعني إن غشاء البكارة اتفضّى . الالتهابات والحكة الشديدة (خصوصاً لو في بكتيريا زي ما قلتِ) بتسبب تمزق صغير ونزيف في المنطقة الخارجية أو حول الفتحة، وده عادي جداً ومش مرتبط بالبكارة. كمان، غشاء البكارة نفسه بيختلف من بنت لبنت – بعضه رقيق جداً، بيتمزق من ركض أو ركوب دراجة أو حتى من الهرمونات، وبعض البنات بيولدوا بدون غشاء واضح أصلاً. الدم اللي شفتيه ممكن يكون من الجلد الخارجي أو الالتهاب، مش شرط من جوا. الحل العملي الأول والأهم: روحي دكتورة نساء فوراً . مش لازم تكون غالية – في مصر في عيادات حكومية رخيصة جداً زي مستشفيات النساء والتوليد (مثل قصر العيني أو المنصورة لو قريبة)، أو عيادات الأسرة المجانية. هي هتفحصك بسرعة وتأكد لكِ 100%، وده هيخلص الوسواس ده. لو خايفة تخرجي لوحدك، قولي لأمك إن عندك التهابات قديمة محتاجة متابعة (مش لازم تفضفضي كل حاجة). الفلوس مش عذر، والصحة النفسية أغلى. نفسياً : الوسواس ده (OCD عن البكارة) مرض شائع، وهيروح لما تشوفي الطبيبة وتسمعي الإجابة الصح. متفكريش في الانتحار خالص – ده شيطان بيوسوس، والله قال "ولا تقتلوا أنفسكم إن الله كان بكم رحيماً". أنتِ سليمة أخلاقياً، والزوج الصالح هيحبك على قلبك وعفافك، مش على غشاء. لو اتجوزتِ، الصدق أحسن، بس دلوقتي ركزي على صحتك. ابحثي في فدني عن "وسواس غشاء البكارة" هتلاقي قصص كتير زي حالتك وإجابات خبراء. لو عايزة استشارة متخصصة، روحي صفحة الخبراء هنا: https://www.fedni.net/experts – في دكاترة نساء ومعالجين نفسيين هيفهموكِ. توكلي على الله، أنتِ قوية وهتعدي ده. لو عايزة تكلميني تاني، أنا هنا. 💕
تم النشر الثلاثاء، ١٠ فبراير ٢٠٢٦
والله حاولت كتير لدرجه اني جربت المراية والفون كمان بس مكنتش بعرف او بفهم انا ساعات من صوابعي ونا بشيل الشفرات عشان الفتحه توسع كنت بنزف دم وبرضو بقول هكمل عشان اعرف او افهم بس برضو مكنتش بشوف حاجه غير فتحه حوليها جلد رقيق وجواها لحمه سميكه عند الباب وفوق اللحمه عظمايه ورديه بس ولا اي حاجه تانيه وده الي راعبني ومخوفني
تم النشر الثلاثاء، ١٠ فبراير ٢٠٢٦
بصي أولا اطمني ومتخافيش أنا مقدرة الخوف إللي جواكي أنا كنت زيك بالظبط كده بس مش نفس الموقف لحد ما اتأكدت بنفسي دوري ع النت ازاي تكشفي ع نفسك ف البيت وصدقيني هتطمني وخدي بالك باردوا ومتتسرعيش عشان هو ليه كذا شكل وكذا نوع و واحدة واحدة وهتعرفي وصدقيني هتكوني سليمة وربنا هيسترها معاكي طالما مغلطيش يبقي اتطمني مليون ف المية
تم النشر الثلاثاء، ١٠ فبراير ٢٠٢٦
لعرض السؤال في فدني اضغط هنا