انا يعتبر قرأت كل المشاكل اللي هنا علي البرنامج بس المشكله بتاعتي أن حياتي كلها مشاكل مش هقول مشاكل كبيره ومشاكل صغيره هي كل المشاكل كبيره بس اكتر مشكله تعباني ومش عارفه أبطالها العا*ده السر*يه دي عندي هيا يعتبر كل مشاكل حياتي ببقي واعده نفسي اني ابطل وبرجع الاقي نفسي من الضغوطات بعمل كد والله انا زهقت بس. مش عارفه ابطل ومش عاوزه اكمل تعبت والمصيبه اني بعشق الحاجات دي وانا سني صغير مش متزوجه لكن انا علي خلق وعمر ما حد قال عني كلمه وحشه بس دا هوا الجانب المظلم من حياتي حاجه محدش يعرفها غيري ممكن تشوفو المشكله وتكملوا عادي ومتردوش بس دي يعتبر مصيبه ف حياتي والأكبر من كد اني عمري مافيا ليها حل
التعود على ادمان العادة السرية ينقسم لجزئين ، جزء المتعه اللحظية من العادة نفسها و جزء المتعة من الفيديوهات او الخيال أيا كانت الوسيلة ، و الجزء التاني هو محفز الجزء الأول ، طب لو اختفى ؟ ، هتقدري تسيطري على الجزء الأول بسهولة كبيرة ، علشان تقدري تبطلي أي عادة محتاجه الأول تعرفي هي اتبنت ازاي عندك و ليه تبطيله صعب ، بتبدأ من احساس بالزهق او الفضول من انك تتفرجي على حاجه ، و الاتنين بيسببوا كبت ، فجربتي العادة ، فأختفى الكبت مؤقتا طبعاً ،. فعقلك ربط ان كل ما يحصل كبت ، يبقى نروح للعادة ، طب الحل إيه ، مش انك تضغطي على نفسك علشان توقفي العادة لأنك كده بتبذلي مجهود كبييير جداا علشان بس تخدشي السطح ، و تحسي انك عماله تكسري في جبل و كل المجهود ده و يا دوب خدشتي القشرة ، لكن لو فجرتي الجبل من جوه هيبقى فتافيت ، فالحل جواكي ، الحل في نظرتك لنفسك مش للحاجه اللي بتعمليها ، حددي الصفات الشخصية الللي انتي حابه تكونيها ، انك عايزه تكوني انسانه كذا و كذا وكذا ، و بعدها حددي الإنسانة دي المفروض تبقى بتعمل ايه في حياتهم ، و تبدأي تعملي ده علشان تسعي انك تكوني الانسانه دي ، مع بعدك تماماً عن جميع محفزات العادة و اللي اهمها ما تقعديش لوحدك مهما حصل ، و تدوري على اهتمامات بتحبيها و تطوري نفسك فيها ، و انجاز صغير ورا انجاز صغير هتخسي بالنتيجة ، مش محتاجه تغيري كل حاجه مره واحده ، تغيير صغير خالص كل يوم كفيل انه يغير حياتك كلها في خلال كام شهر السر في الاستمرارية مش في اللحظات الانفجارية ، و بالتوفيق 😊
تم النشر الأربعاء، ٢٥ مارس ٢٠٢٦
بصي يابنت الحلال مفيش مصيبة في الدنيا ملهاش حل طول ما باب ربنا مفتوح وافتكري دايما إن ربنا سمى نفسه الغفور والتواب عشان إحنا بشر وبنغلط وأهم حاجة دلوقتي إنك تبطلي تجلدي نفسك لأن الشيطان عايزك توصلي لمرحلة اليأس عشان تستمري في الغلط لكن ربنا بيقول قل يا عبادي الذين أسرفوا على أنفسهم لا تقنطوا من رحمة الله فمهما كان الذنب ربنا أكبر منه بكتير ومدام ربنا سترك يبقى لسه مديكي فرصة كبيرة فخلي توبتك بينك وبينه بس ومتحكيش لحد والندم اللي حاسة بيه ده هو أول طريق التوبة الحقيقية وحاولي تقطعي أي طريق بيجرك للحاجة دي سواء كان موبايل أو جروبات أو صحاب لأن من ترك شيئا لله عوضه الله خيرا منه واشغلي وقتك بجد لأن الفراغ هو اللي بيفتح باب الشيطان وقربي من ربنا بالصلاة والدعاء حتى لو حاسة إنك وحشة صلي برضه لأن الصلاة هي اللي بتنهى عن الفحشاء والمنكر وكل ما تقعي قومي واستغفري ربنا مش بيزهق من توبتك فمتزهقيش إنت من الرجوع ليه ربنا يثبتك ويشرح صدرك
تم النشر الثلاثاء، ٢٤ مارس ٢٠٢٦
يا حبيبتي، أنا ذكية، وأشعر بتعبك ده كويس جدًا، ومش هحكم عليكِ خالص لأن الجانب ده سري وصعب، وكتير بنات زيك بيواجهوه ويطلعوا منه أقوى. أنتِ بنت طيبة وخلقك عالي، وده يثبت إن قلبك سليم وقادر تتغلبي عليه. المشكلة مش مستحيلة، والحمد لله في الإسلام حلول عملية ومضمونة. خطوات عملية تبدئي بيها دلوقتي: التوبة الصادقة كل يوم : قولي "أستغفر الله العظيم وأتوب إليه" 100 مرة يوميًا، خاصة بعد الصلاة. ربطيها بنية قوية: "يا رب أبعد عني الشيطان وأعطيني قوة". الصيام المتقطع : صومي الاثنين والخميس، أو 3 أيام في الشهر. النبي ﷺ قال إنه يقتل الشهوة، وهيساعدكِ تتحكمي في الجسم. شغلي وقتك وجسمك : مارسي رياضة يومية زي المشي السريع ساعة، أو تمارين منزلية بسيطة (مش يوغا). اقرئي قرآن كل يوم نص ساعة، أو ذكري الله (سبحان الله 33، الحمد لله 33، الله أكبر 34). نامي بدري (قبل 10 مساءً) واصحي لصلاة الفجر، عشان التعب يقل. تجنبي الزنادات : امسحي أي تطبيقات أو صور بتثيركِ، وغيري روتينكِ لما تحسي الضغط (مثلًا، قومي اغسلي وشكِ بماي بارد أو اكتبي 5 أشياء تشكرين ربنا عليها). حددي هدف صغير : ابدئي بـ"أسبوع بدونها"، وكافئي نفسكِ بشيء حلال زي شراء حاجة بسيطة تحبيها. لو فشلتِ، متيأسيش، ابدئي تاني فورًا. أنتِ مش لوحدك، وده اختبار من ربنا هيخليكِ أقرب ليه. لو عايزة دعم أكتر، دوري في فدني على أسئلة مشابهة عن "العادة السرية" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين ودينيين هيساعدوكِ خاص. أنتِ قوية وقادرة، وهتطلعي منها إن شاء الله بنور في قلبك. قوليلي إيه رأيكِ في الخطة دي؟ 💕
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا