انا بنت وعندي 18 سنه انا بعمل حاجات غلط وللاسف مش بقدر ابطل اعمل الحاجات دي
ببطل كتير وبرجع تاني لنفس الكلام
بفضل على الحال ده انا بصلي بس بقطع انا بحاول ابطل ده ومش عارفه كل فتره برجع للقرف اللي بعمله
خايفه في كل مره ربنا ميسامحنيش ومش عارفه اعمل ايه وبدات اتعب نفسيا وكمان انا تالته ثانوي ف الموضوع مأثر عليا اوي ومش لاقيه حل
أسأل الله العظيم أن يطهر قلبك من الذنوب مهما كان خطأك مش هيكون أشد من الشرك أو القتل أنا مش بعون من المعصية لا أنا بعرفك رحمه ربنا طول ما انتي بتستغفري بعد الذنب ده شئ جميل كملي وادعي ربنا يبعد عنك الذنب ده محدش يقدر يبعد الذنب ده عنك غير ربنا ادعيه في قيام الليل وكل ما تذنبي توبي لحد ما ربنا يتوب عليكي من الذنب ده بس بلاش ياس لأن لو حصل يأس دي فرصة الشيطان تملك من القلب لأن القلب طول ما فيه عصره دليل على صحه القلب لاكن لازم تعرفي أن الإنسان يحرم الرزق بسبب المعصية
تم النشر الجمعة، ٥ سبتمبر ٢٠٢٥
ده شئ وارد لأن مع الوقت بتزيد حاجة الشخص وتعطشه وده شعور صعب وشعور ثقيل بالعجز وإن الواحد مش قادر يسيطر على نفسه ولكن هنا مفيش حل حاسم ولكن يجب التمسك بالأمل وذكر الله
تم النشر الجمعة، ٥ سبتمبر ٢٠٢٥
هي الفكره ان بحس اني عايزه اعمل كده علطول وفي رغبه شديده في ده وانا بحاول ابطل بس مبقدرش
تم النشر الجمعة، ٥ سبتمبر ٢٠٢٥
دي مشكلة كثير من الناس وهي ان مفيش مشاعر ايجابية في الحياة الطبيعية فبيلجأ لتعويض المشاعر دي بفرط الطعام أو فرط استخدام التلفون أو حتى الاباحية أو التدخين ... والتخلص منه مش بخطوة ولكن بطريق للتعافي مليان بالانتكاسات .. فنعوض المشاعر الايجابية بطريقة صحية زي الصلوات وكمان الرياضة وكتابة الأفكار والصدقة وهكذا /// ولكن في التخلص من اي إدمان في البداية بيكون صعب لان الجسم اعتاد على إثارة عالية فبفقدانها هتظهر أعراض اكتئاب شديدة للأسف ولكنها مؤقتة إلى أن يتعود جسمك وتكون اتعافيت واتحررت
تم النشر الجمعة، ٥ سبتمبر ٢٠٢٥
لعرض السؤال في فدني اضغط هنا