السلام عليكم
انا عندى مشكله طويله شويه وعايزه ليها حل انا من سنه تقريبا جالى وسواس الموت والمرض واكتئاب حاد واخدت ادويه وتحسنت وبعدين سبت الادويه الفتره دى من كام شهر بدأت ارجع تانى افكر فى الواساوس دى
انا عملتلها كل حاجه انا بصلى و بقرأ اذكارى و
والدتى اتكلمت معايا كتير وتقولى حاجات كتير عن الدين بس برده ابقى كويسه يومين تحصل حاجه انتكس تانى وكمان بسمع فيديوهات عن المرض دا علشان افهمه اكتر
جربت كل الحلول كل حاجه تتخيلوها علشان اعالج الوسواس من غير ادويه لان الأدوية بتأثر على الجسم
المهم امبارح حلمت حلم عن جدتى المتوفيه وانا كنت معاها فى الحلم دا وانا بخاف من الاحلام دى اوى و خايفه الحلم دا يكون حاجه وحشه مع إن قبل ما انتكس المره التانيه كنت بحلم بيها عادى مكنتش بحط فى دماغى لكن اليومين دول الموضوع تعبنى وخوفنى كل أو اى اشاره مثلا من اى حاجه احس بخوف
انا بجد تعبت والوسواس دا مأثر على حياتى اوى ومش عارفه اعيش زى بقيه الناس بقيت خلاص مش حاسه بحاجه تفرحنى ياريت اللى عنده حل يفيدني
وعليكم السلام ورحمه الله وبركاته بصي صلاتك وأذكارك دي عبادة لربنا، لكن الوسواس (كيميا في المخ) محتاج دكتور متخصص. متخليش الشيطان يحسسك إنك مقصرة عشان لسه تعبانة. والحلم بالمتوفي مش رسالة ولا إنذار، ده مجرد انعكاس لخوفك، والشيطان بيستغل النقطة دي عشان ينكد عليكي. استعيذي بالله وانسيه تماماً. كل ما تسمعي فيديوهات عن الموت أو الأمراض بتزودي نار الوسواس. الجهل في حالتك دي رحمة. والأدوية النفسية الحديثة أمان، والرجوع ليها مع دكتور شاطر هو اللي هيخليكي تعرفي تعيشي حياتك زي الناس تاني. وربنا أرحم بيكي من نفسك، والوسواس ده مجرد سحابة وهتعدي لو بطلتي تفتشي فيها. بس لازم تاخدي الادويه بانتظام.وجد والله ربنا يحفظك ويعافيكي
تم النشر الأربعاء، ٤ مارس ٢٠٢٦
بص انا عديت بنفس تجربتك بالضبط. انا جالي وسواس الموت من سنه كنت قربت من ربنا. وصلت لمرحلة اني من كتر ما عندي وسواس كل ما اجي اعمل حاجة احس انها اخر مره هعملها وكنت مبعملهاش. كنت بروح اصلي يجي في بالي ان دي هتكون اخر صلاه اصليها وهموت بعدها ومن كتر الرعب اقطع الصلاه مكنتش بعرف انام عشان خايفه مش اصحى تاني. وجالي مره panic attack من كتر الخوف جابولي دكتور افتكروني بموت والله. فانا فاهمه كويس جربت اسمع شيوخ كتير بيتكلموا عن الموضوع ده ومكنش فيه فايده. والله لو سألتني اتعافيت ازاي او كده هقولك معرفش والله بس انا فضلت في الحاله دي بتاع ٥ شهور والله كانوا أسوء فتره عدت عليا. والحمدلله دلوقتي احسن. بس حقيقي معرفش راح ازاي 🙂
تم النشر الأربعاء، ٤ مارس ٢٠٢٦
اولا انك تحلم بحد متوفى ده مش وحش خالص ده محتاج صدقه ده طلع ليها ولموتكم وموته المسلمين اجمعين ده كدا اولا ثانيا تعال بعقل كدا هل المرض والموت بيد حد غير الله هل احتراذك هياخر شئ او يعجل شئ لا خالص تعال بقا اقولك ان سيدنا على ابن ابى طالب قال كل متوقع آت يعني كل حاجة انتي بتقعد تتخيلها ممكن تحصل اذا كان خير او شر ف نرجع لقول الله عز وجل انا عند حسن ظن عبدي بي ان كان خير فهو له وان كان شر فهوه له طيب هى الحياه هتطول او هتقصر ليه انت تعيش حياتك ف قلق وهوس وخوف اضيع الوقت ال عايشه الموت الحقيقه الوحيده المسلمه بيها ف الحياه توكل ع الله واسعى ف الحياه وعيش واتبسط وادي فروضك وقرانك وحياتك كلها هتبقا حلوه
تم النشر الجمعة، ٦ مارس ٢٠٢٦
وعليكم السلام ورحمة الله وبركاته يا حبيبتي، أنا ذكية، وأشعر بتعبك جدًا من الوسواس القهري (OCD) ده، خاصة وسواس الموت والمرض اللي بيجي مع الاكتئاب. ده مرض نفسي حقيقي مش ضعف إيمان، وبيحتاج علاج متخصص زي العلاج السلوكي المعرفي (CBT) مع أدوية لو لزم الأمر، مش بس أذكار أو صلاة (رغم إنها مهمة جدًا كدعم روحي). اللي عملتيه كويس، بس الانتكاسات طبيعية لأن الوسواس بيتقوى لما نبحث عنه أكتر (زي مشاهدة الفيديوهات أو الخوف من الأحلام). حلول عملية خطوة بخطوة (بدون أدوية لو مش عايزة دلوقتي): اقطعي الـ"التحقق" : متشاهديش فيديوهات ولا تسأليش حد كتير عن الوساوس أو الأحلام. الأحلام مش دائمًا إشارة، خاصة مع الوسواس اللي بيخليها تبدو مخيفة. قولي لنفسك: "ده وسواس، مش حقيقة" وغيري الموضوع فورًا. روتين يومي إسلامي قوي : صلي الفرائض في وقتها، واقري سورة البقرة يوميًا (حتى لو جزء صغير)، واستعيذي بالله من الشيطان الرجيم كل ما يجي الفكر. أضيفي ركعتين شكر كل يوم تشكري ربنا على النعم الصحية. تحدي الوسواس : لما يجي فكر "هموت"، قولي: "لو ربنا عايز، هيحصل برضو، أنا أتوكل عليه"، واعملي حاجة مفيدة زي المشي 20 دقيقة يوميًا أو قراءة كتاب مفيد (مش عن الوسواس). رتبي يومك : نامي باكرا (قبل 11 مساءً)، كلي وجبات منتظمة صحية، وحددي وقت للراحة بدون هاتف. ده بيقلل الاكتئاب تدريجيًا. الأدوية ساعدتك قبل كده، فكري ترجعي لدكتور نفسي موثوق (مش هتأثر على جسمك إلى الأبد لو تحت إشراف). لو عايزة مساعدة فورية، روحي صفحة الخبراء في Fedni: https://www.fedni.net/experts وابحثي عن متخصصين في الصحة النفسية أو الوسواس القهري، هما هيقدموا استشارات شخصية. دوري في Fedni وابحثي عن أسئلة مشابهة عن "وسواس قهري" هتلاقي إجابات كتيرة. أنتِ قوية وقادرة تتغلبي عليه، ربنا معاكِ وأنا هنا لو عايزة تتابعي. 💕 ادعيلك بالشفاء العاجل!
تم النشر الأربعاء، ٤ مارس ٢٠٢٦
سورة البقرة بوميا ويستحسن تحفظيها و ورد استغفار يومي والخمس صلوات واذكار الصباح والمساء وورد معين ل تاج الذكر الي هو لا إله إلا الله وحده لا شريك له له الملك وله الحمد وهو على كل شيء قدير اكتر من 100مره في اليوم واشغلي نفسك نفسك إن لم تشغلها بالحق شغلتك بالباطل
تم النشر الخميس، ٥ مارس ٢٠٢٦
كلما يجيلك الوسواس اصرفيه ب اللهم إني اعوذ بك من همزات الشياطين واعوذ بك رب ان يحضرون داومي علي
تم النشر الخميس، ٥ مارس ٢٠٢٦
(لن يصيبنا الا ما كتب الله لنا) خلى الجمله دى دايما قدامك سعات الموت مش حاجه وحشه بالعكس لو عملتى خير ف دنيتك ف ربنا هيرزقك الجنه اللهم آمين واياكم مكان احسن من هنا الدنيا دى فانيه مش باقيه لينا ولا احنا باقين ليها انا عاوزه بس تصححى فكرك ونتى مش هتحسى بأى وسواس ولا كأنه موجود
تم النشر السبت، ٧ مارس ٢٠٢٦
الافضل استشارة دكتور نفسني و الرجوع لادوية مرة اخري و عدم الانصات للوسوس
تم النشر الجمعة، ٦ مارس ٢٠٢٦
في أخصائي نفسي اسمه دكتور هاني عرفة على يوتيوب بيتكلم عن الوساوس وكيفية علاجها
تم النشر الجمعة، ٦ مارس ٢٠٢٦
لعرض السؤال في فدني اضغط هنا