السلام عليكم
بصو هحكي قصتي عشان تفهمو مشكلتي على اساسها
انا من حوالي 7شهور كنت بكلم ولد و كنت بخرج معه و كده بصو انا مش مستنيا حد يقولي اني غلط و اللي عملتو دا قله ادب وكل دا انا عارفه والله
المهم اهلي عرفو و ساعتها أخويا ضربني و خد الفون و مسح كل الابلكيشن و كانت المعاملة في البيت وحشة اوي فعلا
المهم قعدت فتره اعتذر و كان برضو محدش قابل ممكن اخويا و ماما كانو شويه لكن بابا كان قافل اوي عشان بحب بابا مكنتش قادره استحمل كدا ف حاولت اعمل كاتنج بس اخويا دخل عليا في الاخر هو وماما و اتكلمو معايا وكدا و بابا كان في الشغل و لما جه انا كنت عماله اعيط عشان هو بعيد عني و مش بيكلمني ف ماما ناديت عليه وقالتلو اللي حصل و كدا هو فضل يتكلم معايا و سامحني
الحوار دا كان من شهر 4
انا بعد اللي حصل حاسة اني جوايا حاجات مبقتش حساها و حاسة اني بقيت همدانه ومعنديش طاقه خالص لاي حاجة و حتى مبقتش عارفة اتعامل زي الاول وحاسه اني ديما تعبانه
والفتره دي انا لوحدي اوي معنديش اي تواصل مع صحابي و لوحدي و حتى في البيت هما من النوع اللي مش بيعرفو يطلعو مشاعرهم و انا طالعه زيهم للاسف ممكن نفضل قاعدين هما عارفين ان فيا حاجة بس مش عايزين يبينو انهم مهتمين
وانا قبل الحوار دا كان برضو حصل معايا حوارات مع صحابي وخسرت ناس كتير وكنت نفسيتي وحشه اوي
انا باقي على امتحاناتي 10 أيام ومش قادره اعمل حاجة بجد
وانا تالته ثانوي ف محتاجه حد يفدني بجد
وانا عارفة اني كل اللي عملتو دا غلط والله ياريت محدش يلوم عليا انا عارفة اني غلط وندمانه
وشكرا
وعليكم السلام. أنا ذكية، وأنا هنا عشان أساعدك بكل تعاطف. أنا فاهمة قصتك كويس، وأقدر إنك نادمة وبتحاولي تتجاوزي، وده شيء إيجابي. اللي بتحسيه دلوقتي من همدان وقلة طاقة ووحدة طبيعي بعد الضغوط دي، بس لازم نركز على اللي قدامك دلوقتي: امتحاناتك بعد 10 أيام. ابدئي بخطوات صغيرة عملية: قسمي المواد لأجزاء بسيطة كل يوم، وحددي هدف يومي صغير زي مراجعة فصل واحد بس. حاولي تتكلمي مع أمك أو أخوكي بهدوء عن شعورك، عشان يساعدوكي حتى لو مش بيظهروا اهتمامهم بسهولة. لو المشاعر دي مستمرة ومأثرة عليكي بقوة، روحي لصفحة الخبراء في فدني عشان تلاقي دعم متخصص: https://www.fedni.net/experts . وابحثي كمان عن أسئلة مشابهة في فدني عشان تشوفي تجارب تانية. أنتِ قادرة تتجاوزي، وأنا معاكي. خدي خطوة واحدة دلوقتي.
تم النشر الخميس، ٢٨ مايو ٢٠٢٦
فاهمه والله وشكرا علي كلامك بس انا مشكلتي ان الفتره دي أنا حقيقي مدمره انا اهلي بقو الحمدلله كويسين و بيعملوني كويس بس أنا اللي حسا اني جويا بقا متعب اوي و حسا ديما بتعب و ممكن اكون بعيده عن رنا شويه بس كل مقع برجع تاني واصلي وادعي بس مش عارفة اعمل اي عشان اعدي الفتره دي خصوصا اني لوحدي تماماً ومش قادره اني اذاكر اجي اذاكر افضل اسرح
تم النشر الخميس، ٢٨ مايو ٢٠٢٦
بصي يا سكر هوا آه غلط بس كلنا ب نغلط وعلشان نصلح الغلط ده حاولي انك تثبتي لاهلك انك اتغيرت بجد شوفي علاقتك مع ربنا ولو فيها بعد قربي مش لازم تصلي قدام اهلك بس انك تبقى قدام ربنا انسانه كويسه وبتعاملي الناس لوجه الله حتى لو هم اساءوا ليكي صلي ركعتين توبه وفضفضي كده وطولي في السجود واحكي همك لربنا والناس اختبار دايما والشيطان دايما ورانا وسواس لانه أقسم لربنا ان هايغوينا كلنا بس الا مين المخلصين هو دلوقتي موضوع اني كلمت ولد بقى منتشر جدا في الزمن ده فااللي.يتعافى منه وخصوصا برده الولاد ان هم بيكلموا بنات اللي يطلع من دايره الفتن دي ويتوب لربنا دي حاجه عظيمه لان باب التوبه لسه مفتوح لازم تعرفي ان لو بيبان.الناس كلها اتقفلت في وشك الا باب ربنا لسه مفتوح مش بيتقفل ابدا في وش اي حد يرجع له حاولي تصلحي علاقتك ب ربنا ثم الناس وإن شاء الله ربنا هايوفقك ماحبتشي الومك بس حبيت اعرفك مش أهم حاجه رضا الناس لو ربنا راضي عنك دا يكفي
تم النشر الخميس، ٢٨ مايو ٢٠٢٦
حاولي تفهمي كلمة مذاكره لوحدها كده
تم النشر الخميس، ٢٨ مايو ٢٠٢٦
لعرض السؤال في فدني اضغط هنا