انا مخنوقه اوي لسه هدخل اولي جامعه وانا مش حابه المجال اللي هدخله بس هحاول اثبت نفسي فيه بس حسه ان ثقتي في الارض وبحس ان انا انسانه مش حلوه وجسمي مليان ومش حابه نفسي او بحس ان مفيش حد بيحبني ومش عارفه اعمل اي وبقعد علي الموبايل كتير ومش بعمل حاجه تانيه واختي الكبيره دايما تتخانق معايا علي حاجات تافهه بس انا زهقت انا بحبها اوي وبحاول اتقرب منها بس هي كل ماكلمها متردش بحس انها فكراني انسان وحش
اولا شاطرة انك بتقولي بالرغم من انك مش حابه المجال لكن هتحاولي انك تثبتي نفسك فيه. ولكن خلينا نتكلم في الجزء ده، طبعا الاغلبيه بيدخل الكلية ع حسب التنسيق بتاعه، لكن هل لازم عموما اننا نحب الحاجه اللي هنشتغل فيها؟ بصراحه لا مش لازم .. اه مش لازم انتي ممكن تثبتي نفسك في شغل معين وتجيبي منه فلوس حلوة وانتي مش حباه عادي، بس علشان الشغل ده بيديكي امتيازات معينه. نفس الكلام ف الدراسة انتي دلوقتي بقى امر واقع انك تدرسي المجال ده، حاولي تشوفي تقدري تطلعي منه ب ايه، تستفادي منه ايه؟ ناس كتير جدا مش بتبقى حابه اساسا المجال، ولكن بعد ما بيدخلوه بيبقوا كويسين جدا فيه. بالنسبة لثقتك في نفسك! ليه حاسه ان مفيش حد بيحبك؟ وهل تقصدي كده اهلك؟ هل حاولتي تتكلمي مع اختك طيب وتشرحي لها كل اللي جواكي؟ هل حاولتي تغيري طيب من عادتك بما انك قاعدة ع الفون علطول؟
تم النشر الجمعة، ١٥ سبتمبر ٢٠٢٣
بتعتمدى على ايه فى نظرتك لنفسك ؟. رأيك انتى ولا اراء الاخرين لما بتحسى حاجة زى شعور اختك تجاهك ...بتعبرى عنه ازاى او بتعملى ايه ؟
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا