السلام عليكم
انا ساعات بحس اني اجتماعيه و بتكلم و بضحك عادي و ساعات تانيه بحس عكس كده و بكون مضايقه اني مابتكلمش حتي لما بتكلم الكلام بيطلع متلغبط و مش مظبوط زي اللي بتكون مش واثقه ف نفسها انا حاليا انا عندي 19 سنه و عايزه ابقى بتكلم بسهوله و اكون اجتماعيه وبضحك انا اصلا من فتره كنت ع طول بضحك و اتكلم واجتماعيه دلوقتي بحس ساعات كده و ساعات كده
في سنك طبيعي يبقى فيه تغيرات في شخصيتك و عادي جدا ان ثقتك بنفسك تقل و كل الكلام ده بيقل مع الوقت بس انتِ حاولي متفكريش في الموضوع لان التفكير فيه بيزوده اكتر و ده عن تجربه و كنت زيك عادي و بحس كتير ان الناس هتتريق عليا عشان بتلغبط في كلامي بس لما لقيت ان الناس مبتهتمش او مش بتفكر بالطريقه اللي احنا بنفكر بيها بدأت اغير ده
تم النشر الأحد، ٢٠ سبتمبر ٢٠٢٦
عليكم السلام ورحمة الله و بركاته. أولا: كده و قبل أي شيء، مفيش حاجة اسمها أنا اجتماعي ولا في حاجة أسمها أنا أنطوائي لأن كلنا فينا جزء من ده و جزء من دن فالاصح و اللي لازم تعرفيه إن الاتنين زيهم زي كباية الماية أنتي بتختاري تملي أنهي و تسيبي أنهي فاضية، فالجملة الاصح أنا بميل لي ابقى كذه مش أنا كذه. بالنسبة للكلام اللي بيطلع مختلف مره واحدة و بتحسي أنك مش واثقة في نفسك، فده طبيعي، أصل ده له اسباب كتير منها مثلاً (الموضوع اللي بتتكلمي فيه أنتي مش مجهزالوا كويس أو الموضوع بقى حساس أو في حشد من الناس فانتي بتتوتري من التجمعات، تغيرات عقلية و عمرية) الاسباب كتير فحاولي تربطي الاحداث و شوفي. طيب بالنسبة لفكرة إني مبقتش عارفة اخوش في المواضيع زي الأول و اميل اني ابقى اجتماعية اكتر، بصي أنا شايف ده له علاقة اكتر بالمرحلة العمرية اللي أنتي فيها، يعني مثلاً كنتي مثلاً بتعملي الأول رد فعل معين اثناء الكلام و دلوقتي لما تعملي نفس رد الفعل حد يعلقلك عليه أو أنتي تخافي حد يعلق كده، أو اهتمامتك بتتغير وده طبيعي، أصل التغيير سنة الحياة. طيب و الحل؟ هو اللي بيحصل ده طبيعي أنتي بس محتاجة تعرفي أنتي ميالة لانهي جانب اكتر و ابدأي اتصرفي بشكل اكبر بناءً عليه و هكذا. وبس اتمنى يكون في إفادة...
تم النشر السبت، ١٩ سبتمبر ٢٠٢٦
وعليكم السلام ورحمة الله، أولاً، أحب أقولك إن اللي بتمرّي بيه طبيعي جدًا عند سن 19 سنة، وكتير من البنات بيحسوا بنفس التذبذب ده. أحيانًا بتكوني اجتماعية ومرتاحة، وأحيانًا القلق أو الضغط النفسي بيخلّي الكلام يطلع متلخبط وبتحسي إنك مش واثقة في نفسك. ده مش معناه إنك فقدتِ شخصيتك الاجتماعية، لكنه غالبًا مرحلة انتقالية بسبب تغيرات الحياة أو الضغوط اليومية. عشان ترجعي تكوني اجتماعية بسهولة زي الأول، ابدئي بخطوات صغيرة ومنتظمة. جربي تكلمي مع نفسك قدام المرآة كل يوم لمدة 5-10 دقايق، تتكلمي عن أي موضوع عادي بصوت عالي، ده هيساعدك تتحكمي في طريقة نطقك وتقللي التلعثم. كمان، حددي موقف يومي بسيط زي التحية على جارة أو زميلة في الجامعة، ومارسيها بانتظام بدون ما تضغطي على نفسك. مع الوقت، هتحسي الثقة بتزيد لأن الدماغ بيتعود على التفاعل الإيجابي. من الناحية الإيمانية، ادعي الله دايمًا إنه يقوّيكِ ويثبت قلبك، وتذكّري إن الثقة بالنفس تأتي من التوكل عليه مع العمل. حاولي تكتبي كل يوم 3 أشياء إيجابية حصلت في تفاعلاتك الاجتماعية، حتى لو بسيطة، عشان تركزي على النجاحات بدل القلق. لو استمر الشعور ده فترة طويلة وأثر على حياتك اليومية، ممكن تفكري في استشارة متخصص نفسي لمساعدة أعمق. أنتِ قادرة ترجعي لطبيعتك الاجتماعية الجميلة، وهتتحسني تدريجيًا بالصبر والممارسة. لو عايزة تتكلمي أكتر عن موقف معين، أنا هنا.
تم النشر الخميس، ١٧ سبتمبر ٢٠٢٦
محتاجة تعرفي المواضع اللي الكلام بيطلع متلغبط فيها امتى وتعرفي المكشلة فين عشان تحليها لو شايفاها مشكلة
تم النشر الأحد، ٢٠ سبتمبر ٢٠٢٦
دي حاجه طبيعيه جدا جدا، وانا من رأيى الشخصى متفكريش فى كتير في حاجه مش اذياكى نفسيا ولا جسديا .
تم النشر الأحد، ٢٠ سبتمبر ٢٠٢٦
انا برده بحس بنفس الاحساس ده ساعات ابقي في الفصل اجتماعي وبكلم وساعات لا ببقي مش طايق اكلم حد بحاول اصلح ده من الي عرفته أن في حاجه او موقف حصلك اثر عليكي او خلاكي كده اهلك صحابك قريبك كده
تم النشر السبت، ١٩ سبتمبر ٢٠٢٦
بصي. كل ده يتوقف علي حاجه واحده انتي مرتي بحاجه خلتك تفقدي ضحكتك المهم انك تحاولي تتعاملي مع ناس اكتر وتحاولي تبعدي عن اللي بيخليك مش واثقه ف نفسك انت اهم حاجه لنفسك
تم النشر السبت، ١٩ سبتمبر ٢٠٢٦
لعرض السؤال في فدني اضغط هنا