هل ينفع أني بعد لما الامتحانات متخلص و النتيجة تطلع أكلم بعض من مدرسيني و اقولهم أخطائهم اللي عملوها مع الطلاب طول السنة اللي كانت السبب فى تراجع مستوى الاغلبية بحيث إنهم ميعملوهاش مع الدفعة الجايا ؟
مع العلم إنهم كانوا بيقولوا كده فى الحصص اللي شايف أن فى غلط بنعملوا أو فى خطأ فى الخطة يقول علشان نعدلوا
أنا ساعتها بكون عايز أقوم و أتكلم بس كنت بسكت علشان الكلام فيه إحراج للمدرس و كمان أكيد عارفين نية و تفكير أغلبية الطلاب خصوصاً الشباب هيقولوا عايز ياخد اللقطة و يتريقوا و هكذا
فتفتكروا أعمل كده ولا بلاش ؟
و شكراً مقدماً
مفيش مشكلة طبعا ...بس ممكن تعملها بشكل شيك يعنى مش لازم تكون قايمة طويلة وتكتفى باهم حاجة فارقه انها تتغير.ويكون ده بينك وبين المدرس مش على العام يعنى. وممكن متقولهاش بشكل مباشر وتكتبها فى ورقه وتسيبها للمدرس بدون توضيح اسمك. مهما كان المدرس بيقول انه مرحب بده بس لو ده زاد عن الحد هيكون مش لطيف. كمان لازم قبل ما نقول ملاحظات نقول الحاجات اللى عجبتنا عشان الملاحظات تكون الطف.وبلاش كلمة اخطاء
تم النشر الأربعاء، ٢٨ يونيو ٢٠٢٣
اه ينفع .. عادي ويستحسن تكون بينك وبينه سواء لو هتكلمه بشكل مباشر لو علاقتك كويسة بيه جدا وتقدر تتكلم معاه وعارف انه هيتفهم ده منك .. اعمل كده. لو علاقتك بيه مش قوية او مفيش بينك وبينه كلام تقدر تكتب له ورقة وتسلمها له.
تم النشر السبت، ١ يوليو ٢٠٢٣
طبعا فى احراج كبير لمدرس ليه هبته ومركزه ومش هينفع تعمل كده ممكن تبعتلهم بصفه مجهوله ولكن بشكل مهذب واسلوب لاءق حتى يتقبلوا النقد ليهم
تم النشر الخميس، ٢٩ يونيو ٢٠٢٣
دا راي وصح جدا لازم تتكلم وتقول لو المدرس كان بيدخلو عشر طلاب ف بأخطاؤه هيدخل خمسه يعني في مصلحته هو بس انت لو جيت تتكلم خليه بينك وبينه لان زي م بتقول هيقولو بتاخد لقطه
تم النشر الجمعة، ٣٠ يونيو ٢٠٢٣
أه طبعا ينفع لكن حاول تكتب زى سيناريو كده هتقول ايه بالظبط عشان لسانك مينجرفش وتقول كلام يضايقهم ويحطك فى موقف محرج
تم النشر الأربعاء، ٢٨ يونيو ٢٠٢٣
لعرض السؤال في فدني اضغط هنا