Marwa Abualnassr

لسه شايفه عباره جميله اوى بتقول ادفع بالتى هى احسن القاعده الربانيه الاجتماعيه ليست المعامله بالمثل لا بالاخلاق والتربيه والمبدا اللى اتربينا عليه سامحى واغفرى لكن مش ترجعى زى الاول وتاخدى بالك علشان مش تتاذى ويمكن تكون هى حست بالذنب ورجعت تطلب السماح فسامحى واغفرى لكن مش ترجعى زى الاول

فى مثل كده بيقول ما شتمك الا من بلغك فهتروح تبلغه كانك بتشتمه لكن الحل ايه اللى اغتبته معاه ارجعله وقوله انك كنت غلطان وان الشخص ده احسن واحد وقول عليه قدام كل حد تقابله كل خير

فعلا الدنيا متعبه بس ربنا مش جبنا فيها علشان ننهيها بمزاجنا احنا اصلا مش جينا فيها بمزاجنا يعنى ملناش حق اننا نمشى منها وقت ما نحب وربنا مش بيشيلنا غير اللى نقدر نشيله انا مؤمنه ان كل واحد ليه شيله مخلوق علشان يشلها اه هنتعب وهنتوجع بس على قد الوجع هتحصدى قوه ولازم تكونى واثقه ان فى حد معاكى وفى دهرك بابه مفتوح ليكى وقت ماتتعبى اترمى فى حضنه هيقويقى وترجعى اقوى من الاول فكملى بكل امل وحب وقوة

املى فراغ يومك العب رياضه واظب على قرات قران واظب على تعلم لغه زياره اصدقاء الخروج فى مكان املى يومك بحاجات بتحبها

طبعا فى احراج كبير لمدرس ليه هبته ومركزه ومش هينفع تعمل كده ممكن تبعتلهم بصفه مجهوله ولكن بشكل مهذب واسلوب لاءق حتى يتقبلوا النقد ليهم

بصى من رده يبقا فعلا كنتى لازم تساليه لانه مش كان على علم بس الغلط مش عليكى ولا عليه هو على صحبتك لان واضح انها بتكلمه لانه غلط فى اسمك ونداكى باسمها فهى اللى كان لازم تقوله انك صحبتها وهو اللى وقتها كان بعيد نظر فى الموضوع لانه واضح على زعله ان كان فى بنهم مشاعر راى انك مش تبعتى وتسبيله المساحه الكافيه انه يختار ويشوف عايز يعمل ايه وتاكدى اى كان اختياره فمكسبك ليكى اما صدقتك فى مش صديقه علشان تجرحك وتجرحه كده جرحتك بانها لسه فى حياته وبتحكيلك اللى يثبت انها فى حياته وجرحته انها خبت عليه وفضلت فى حياته وهى عارفه انك فى حياته وسبته فى موقف زى ده

ربنا ديما بياخد حد عزيز علينا علشان يقولنا انا موجود ولو الدنيا كلها سبتك انا مش هسيبك ولو الكل اتخلى عنك انا موجود علشانك انت مش لوحدك ربنا لما بياخد حد عزيز علينا او بيخرج حد من حياتنا بيبقا مستنينا نروحله وديما واثقين ان بابه ديما مفتوح لينا اه بنتوجع على فراقهم بس الحياه بتستمر مش بتقف ارجعى لاصحابك وخالى الحياه تستمر اكيد لو مامتك عايشه مش هيعجبها اللى وصلتى ليه وهتتمنا ديما ليكى الافضل وهى فى المكان الافضل خاليها تشوفك من مكانها زى ما ديما حابه تشوفك وبلاش تعزلى نفسك

على قد ما تفشلى وتقومى على قد ما هتنجحى والتجارب تعلمك وتوريكى مين معاكى بجد ومين لا انت مش فاشله انت بس لسه مش محدده هدف ليكى فى الحياه تايه ومش عارفه عايزه ايه اصنعى لنفسك هدف هتحبى حياتك وقتها علشان تسعى فى تحقيقه وهتنسى فكره الانتحار خاليكى مسؤله عن حلم عن هدف عن اشخاص عن ايه حاجه بس تحسسك انك لو غبتى العالم ممكن يقف عليكى اصنعى حلمك وهدفك ربنا خلقنا فى الدنيا ديه وكل واحد فينا عنده رساله هيعملها وهيمشى دورى على رسالتك اللى ربنا خلقك ليها احنا مش جينا الدنيا بدون هدف خلقنا من اجل اهداف فرعيه لكل واحد فينا غير هدف وجنا الاساسى وهو العباده وعمار الكون كل واحد ليه رساله مختلفه فى حياته ربنا بيحملنا اللى نقدر نشيله لانه واثق اننا قدها دورى على رسالتك

اكتر حاجه تخطف قلب البنت لما تحس ان اللى بيحبها راجل بجد وده مش بيجى عن طريق اكونت وله واتس لا عن طريق البيت انا شايفه مدام عايز تخطبها وتكون شريكه عمرك تدخل تصارحها بحبك واعجابك ليها وتطلب رقم بابها او اخوها ده هيحسسها بالامان وانك جد فعلا وصادق فى مشاعرك

حب التملك وده مش حاجه وحشه لا انتى حبتى انه ليكى وشايفاه ليكى انتى مش لحد تانى بس مش هقدر اعيش معاه وانه راح لحد تانى خالتك فى انهيار لانك شيفاه حقك بس انتى فرضتى فى الحق ده وخلعتيه فطبيعى يروح يعيش حياته مش هقولك اتنازلى عنه لكن لو مش بتحبيه وحبك بس جاى عن انه لا مش يروح لغيرى فسبيه يعيش حياته اما لو حبك ليه صادق وانهيارك لان حب عمرك بين ايد حد تانى فغيرى من نفسك واتمسكى بحبك ولكن حافظى على كرامتك وانتى بتتمسكى بحبك

اكيد هقولك حب نفسك بس مش ديه الاجابه لان اكيد كلنا بنحب نفسنا وان ديه اجابه نموذجيه جدا لكن اجابتى هتكون انك تتعلق بس بحاجات لو ادتها حبك مش تخذلك حب عاده اتعلق بتقاليد يعنى حب انك تتعلم حاجه جدبده حب انك تواظب على ذكر او تساعد حد محتاج فتشوف فى عيونهم الحب زور دار ايتام واتعلق بيهم وحبهم هيدوك الحب اللى محتاجه بجد بلاش تجعل حبك لشخص معين لانه ممكن يخذلك لكن لو حبيتك اللى بتعمله للحد او لحياتك مش هتتخذل عن تجربه شخصيه

اكسرى توقعاته ومش تتصلى هو هيتصل واديله وقته ومساحته يقرر هو عايز ايه مع انى مع ان البعد والزعل لو طالوا بيبقا قسوة مش حب وبيخلق الف مسافه بس خالكى واثقه ان احساسك هو اللى صح واللى هتحسيه هتكون هى الاجابه عن المشكله ديه

طيب انا قولت تتكلم نيابه عن حد علشان ترفع الحرج من عليك او انك بتتعامل بشكل شخصى او ديه وجهت نظرك فيهم فتحرجهم هما وثانيا ممكن تكتبها على اللاب عادى وثالثا مش مشرف يقدمها لكن برده ديه تقليل من مكانت المعلم تروحله بنفسك وتجبله هديه رمزيه وتديله المذكره المكتوبه باسلوبك جميل اولا مدح فيهم وللمجهود المبذول وبعدين تقول اللى عايزهم يعدلوه ولكن كنا نتمنا كذا وكذا وتديله الورقه بالنيابه عنك وعن زملاءك بس

طيب يعنى هو قالك بحبك وقال اسم صحبتك مش اسمك انتى صح يعنى هى فى باله وزعل لانك مش قولتى انها صحبتك لو هى مش فارقه معاه مش كان زعل وزعلك علشان حاجه زى ديه طيب ادخلى وكلميه ولا كان فى حاجه حصلت ولو فتح الموضوع فهميه وجهت نظرك انك مش من حقك تحسابيه على اى حاجه قبلك لانه فى الماضى

مش شرط سوشيال ميديا ممكن تروح تتكلم مع الدكاتره بصفتك الشخصيه الممثله عن بقيه زملاءك او تكتب ليهم زى مذكره وتسلمها ليهم مع هديه لطيفه رمزيه بالنيابه عنك وعن زملاءك وشايفه ان ديه اجمل مش هيبقا فيها شد وجذب من الطرفين لانهم هيقراوها ويتقبلهوا

ادى الحب ومش تستنى مقابل حبى وبس حبى نفسك واولادك وعمرهم ما هيبعدوا ولو اغرتهم كنوز الدنيا ازرعى فيهم الحب واوعى تحاولى تكرهيهم فى باباهم لان النتيجه هتكون عكسيه اما بخصوص انك مريضه بيه فاعذرينى لا انت مريضه بالتعلق بذكريات بالسنين اللى كانت بنكم وخايفه من التغير ادى نفسك فرصه للحياه وعيشى حياتك ولو فعلا بتحبيه وعايزاه لانك عايزاه مش لان فى حياته حد تانى حاولى معاه وغيرى من نفسك بالفعل مش بالكلام مش تروحى تقوليله سبها وعايزاك وتتحايلى وتقللى من كرامتك لا هينفرك وهيكون سعيد بكسرتك ديه لكن لو شافك فعلا اتغيرتى وبقيتى اللى كان حابب يشوفها هيفكر وممكن هو اللى يقولك نرجع بلاش تعملى اخطاء زمان اهتمى بنفسك واشتغلى وعيشى حياتك وكونى مبسوطه وهاديه ورحبى بالتغير

اعمل نفسك مش شايفه ولا على بالك هيجلك هو بنفسه

تبعدى عنه لان ده مش حب ده تعود وده بيكون العن من الحب بتبقى فى حيره تسبيه اذاى وهو داخل كل يومك وبخليكى تسامحى بدل المره الف وتغفرى على حاجات لا تغتفر بس انتى كده تمام وصلتى لمرحله اللامبالاه وشويه وهتوصلى لمرحله مجرد شخص فى حياتى بس لازم تحطى لمستك الاخيره وتخليه شخص غريب زى ما كان طبعا هيحاول يرجع لمكانته اللى كان فبها عندك علشان هو بيتغذا على اذيتك فهيرجع حنين تانى ويهتم بيكى بس ديه مش حققته وقتها بها تبعدى خالص لان كده هتكونى وصلتى للسلام النفسى جواكى وهتبقى رفضاه من كل قلبك بسبب اذيه المستمره ليكى لان اللى بيحب حد بجد مش بيوجعه ولا ياذيه

لازم تكونى واثقه ومتاكده انك مش زى اى حد وان ربنا خلقنا مختلفين واختلفنا ده هو اللى بيميزنا ده اول خطوه فى الثقه لازم تكون نابعه من جواكى بيقين انك مميزه تانى خطوه تحبى نفسك وتعملى اللى يحببك فى نفسك ويخليكى مرتاحه وتعملى اللى واثقه انه صح حتى لو مختلف لان زى ما قولنا اختلفنا بيميزنا

تدرس المكان وتشوف اذاكان استثمارك ده فى المكان الصح او المكان محتاجه او لا يعنى لو بتفتح مشروع معين فى مكان معين تروح المكان ده فى كل الاوقات وتدرس فاعليات الناس وتوافدهم عليه وتسال عن الحاجه اللى ناوى تعرضها هل موجوده وله لا ولو موجود الكوالتى بتاعتها نفس بتاعتك وله انت مميز فى ايه عنها وقابليت الناس عليها اذاى

انك تنزلى للحياه علشان تتخلصى من خوفك لازم توجهيه لازم تعيشى جواه علشان لما هتعرفيه هتعرفى ان مش كان فى داعى تخافى كونى صدقات وخوضى تجارب وافشلى وارجعى قومى تانى وكل مره هتقعى فيها هترجعى اقوى من كل مره وهتكسبى خبره اذاى تتعاملى من البشر وتعرفيهم

اشغلى يومك اتعلمى حاجه جديده ادرسى اشتغلى املى فرغات يومك شوفى نقط ضعفك اللى بيستغلها وقويها حبى نفسك علشان تكسبى الثقه اشغلى تفكيرك بحاجات تانيه وابعدى عنه اخرجى مع اصحابك حطى لنفسك اهداف جديده هى بتبقا مسالت وقت والايام بتنسى وتعدى ومش بتقف على حد اه ممكن يكون فى وجع لكن الوجع بيعلمنا درس ويخلينا نكمل فى الحياه ونتخطى

ده بيبقا ليه اثر نفسى وعامل لضوغطات نفسيه او خوف بتمر بيه ممكن تشوفى دكتورها توصل معاها لاى وهل الحاله ديه قبل ما تتابع مع الاخصائى وله بعد ه

بص انا مش هقولك احلقها ولا هقولك سبها ممكن تخليها وسط العادى بتاع كل الشباب واكيد باباك خايف عليك واللى بيحصل فى مصر مش قليل برده فبلاش تزعلاه لان اكيد ديما ان الاهل شايفين حاجه وحسنها احنا ممكن نكون مش شايفنها بس بنكتشف فى الاخر انهم صح

كن مسئول عن حد او عن نفسك او عن فكره او اى حاجه تحسسك انك لو مشيت هتفرق معاها خاليك ديما مسئول عن اى حاجه واخلاق افكار جديده واتعلم حاجات جديده وقبل كل ده قرب من ربنا حافظ على صلاتك اقرا اى ايه من اى صوره عيونك تيجى عليها فتحتها صدفه واعتبرها رسالتك من ربنا ليك و مارس رياضه بتحبها

لو متاحه طول الوقت ليها طبيعى يحصل كده هى عندها حياتها واصحابها وانتى كمان لازم يكون عندك حياتك واصحابك مش توقفى حياتك على حد والدنيا بتمشى مش بتقف مش بقول انها صح فعدم تقدرها ليكى ولحبك واهتمامك بيها بس كل حاجه فى المعتدل حلوه الحب والاهتمام الزياده بلاش لانه ديما بيقلب بنتيجه عكسيه الاعتدال حلو