السلام عليكم ورحمة اللّٰه وبركاته.
إزاي أتعافى من علاقه سامه
في إنسان حبيته من كل قلبي وكنت بدعي ليل نهار يكون من نصيبي كان عنده إكس ف حياته قبلي وهو حكالي عنها قبل ما يقولي إنه هياخد معايا خطوة حصل حاجات كتير أوي ما بينا خلتني أفهم إنه مش بيحبني خلاني أبعد عنه وأنا كان ع عيني والله كنت عايزه أفضل معاه وجمبه بس لقيته مش مقدر حبي ليه ولا خايف عليا ولا ع مشاعري
أنا دلوقتي لا عارفه أتخطى ولا عارفه أنساه مش حاسه بأي حاجه غير أن قلبي ومشاعري معاه ومرجعوش ليا مش عارفه اكرهوا ولا حتى أنساه بفكر فيه كل ثانية حرفيًا مبيغبش عن بالي لدرجه مُميته أنا تعبت بجد عايزه أعيش حياتي طبيعي وأنساه مش عارفه
أنا عايزه كل الناس تدعيلي ربنا يربط على قلبي وأعرف أتخطى واعيش عادي
وقولولي أعمل ايه عشان انسى.
السلام عليكم، صفحة واتقفلت وخلاص على كده، هتاخدي وقتك في النسيان عادي. مع الوقت وانشغالك بنفسك وحياتك وإزاي تطوريها كل يوم مش هتلاقي وقت تفكري وهتنسي تمامًا بعد فترة. المهم يكون درس واتعلمتِ منه، متفضليش عايشة على الماضي وتفضلي معلقة حياتك ومستقبلك على مشاعر لا تستحق تضيعي وقتك عليه. مش بسخف من مشاعرك، بس ليه تفضلي حزينة ومقهورة وتضيعي عمرك ووقتك الغالي بسبب شخص مقدرش مشاعرك وداس عليها وهي من البداية أصلا كان المفروض تعززيها وتحفظيها لشخص يستحقك ويطلبك في الحلال مش شخص أصلا كان مرتبط وساب قبل كده، ومش بعيد هيروح يرتبط بواحدة بعدك ويحكي لها عنك وبعدين يتركها هي كمان ويروح لغيرها وهكذا لحد بقى ما ربنا يسهل ويقرر يستقر فيروح يتزوج بنت من اختيار والدته ولا واحدة يقول ممشيتش مع واحد قبل كده. فأنتِ اعتبري اللي حصل كان درس قاسي وعززي نفسك ومشاعرك ومش أي حد تسلميها له على طبق من دهب كده. ربنا حرم العلاقات دي لحكمة فبلاش بعد كده نتخطى الحدود اللي ربنا وضعها لنا عشان يحمينا. ربنا يصلح بالك ويهديك للي فيه الخير.
تم النشر الأحد، ٤ مايو ٢٠٢٥
حاولي تقنعي نفسك انك مش ضعيفه ومش هتوقفي حياتك علي شخص مقدرش حبك وخلي تجاربك تعلمك مش تزعلك وتكسرك لازم قوتك تنبع من جواكي انتي اللي هتساعدي نفسك حاولي تقفي جمب نفسك ومثقيش في حد تاني وتديها حبك علشان مش كل الناس تستاهل وانتي اصلا غاليه عند نفسك
تم النشر الأحد، ٤ مايو ٢٠٢٥
وعليكم السلام ورحمة الله وبركاته. أختي العزيزة، أقدر تمامًا مشاعرك وما تمرين به من صعوبات بعد تجربة تلك العلاقة. من المؤسف أن نجد أنفسنا في علاقات تؤذينا وتؤثر سلبًا على صحتنا النفسية والجسدية. أود أن أشارك معك بعض النصائح التي قد تساعدك في تجاوز هذه المرحلة: فهم المشاعر : من الطبيعي أن تشعري بالألم والحزن بعد الفراق، لكن من المهم أن تتأكدي أن هذه المشاعر ستمضي مع مرور الوقت. حاولي أن تستوعبي مشاعرك ولا تجبري نفسك على إنكارها. ابحثي عن الدعم : تحدثي مع أصدقائك المقربين أو أفراد عائلتك عن ما تشعرين به. الدعم الاجتماعي يمكن أن يكون عاملًا مهمًا في عملية التعافي. اجعلي لنفسك روتينًا جديدًا : حاولي التركيز على نشاطات جديدة تشغلك، سواء كانت هوايات، دراسات جديدة، أو ممارسة التأمل في أمور تجلب لك السعادة وتبعدك عن التفكير به. ابتعدي عن المحفزات : حاولي تقليل التواصل أو حتى المتابعة عبر وسائل التواصل الاجتماعي مع الشخص المعني، فهذا قد يخفف من الأثر النفسي السلبي عليك. تحديد أهداف جديدة : اجعلي من هذا الوقت فرصة لتحديد أهداف جديدة لنفسك، سواء كانت دراسية أو مهنية أو شخصية. التركيز على المستقبل قد يساعدك في تخطي الماضي. طلب المساعدة المتخصصة : إذا استمرت مشاعرك السلبية لفترة طويلة، قد يكون من المفيد استشارة مختص نفسي أو مستشار للمساعدة في التعافي. أختي، تذكري أن الشفاء يتطلب الوقت والصبر، ولا تترددي في طلب الدعم عندما تحتاجين إليه. ادعُ الله أن يعينك على تجاوز هذه المرحلة، وأن يربط على قلبك. أنا هنا لدعمك، وأتمنى لك كل الخير والسعادة في قادم أيامك.
تم النشر الأحد، ٤ مايو ٢٠٢٥
"اللهم يا مُقلب القلوب، ثبّت قلبها وداوي كسرها، واملأ صدرها سكينة وطمأنينة. اللهم إن في قلبها وجع لا يعلم به إلا أنت، فخفف عنها وارزقها راحة لا يُفسرها سوى لطفك. اللهم عوّضها عن كل لحظة حزن بفرحٍ يسع قلبها، وعن كل خذلانٍ بحب صادق يليق بها. اللهم اجعل القادم أجمل مما مضى، وأبدل حزنها فرحًا، وضع في دربها من يُشبه نقاء قلبها."هدعيلك دائما يا قمرايه ربنا يربط علي قلبي اختي في الله♥♥🫂
تم النشر الأحد، ٤ مايو ٢٠٢٥
ياربّ آمين ياحَبيبتي.❤️🩹❤️🩹🫂
تم النشر الأحد، ٤ مايو ٢٠٢٥
ياربّ أدعيلي بجد❤️🩹
تم النشر الأحد، ٤ مايو ٢٠٢٥
--- "عارفة إنك بتحاولي تنسيه ومش قادرة، وده طبيعي، لأن لما بنحب بصدق بنصعب على نفسنا الفُراق. بس صدقيني، كل لحظة بتعدي من غيره، حتى لو وجعاكي، بتقربيك من الراحة. إدي لنفسك وقتك، عيشي مشاعرك، ابكي لو حبيتي، بس في الآخر لازم تفتكري إنك تستحقي الأفضل. تستحقي حد يقدّرك، ويخاف يخسرك، مش يوجعك. انشغلي بنفسك، بحاجات بتحبيها، وافتكري إنك أقوى من أي وجع، حتى لو دلوقتي مش حاسة كده. النسيان رحلة، انتي جوهره حطي ده فبالك ملكه بنوته تستحق تعيش حياه جميله وبالها يكون مرتاح حاولي علي قد ما تقدري حتي لو بان انه صعب في الاول لكن مع الاصرار هيكون اسهل صدقيني
تم النشر الأحد، ٤ مايو ٢٠٢٥
صعب جدًا وأنا والله مبحبش أعيش دور الضحيه وعايزه أخرج نفسي من الحته دي أنا بصلي الحمدالله
تم النشر الأحد، ٤ مايو ٢٠٢٥
انا عارفه ان الموضوع صعب بالنسبالك بس حاولي علي قد ما تقدري صلي وقربي من ربنا وادعي افتكري انو لو كان خير لبقي خليكي ادعي ربنا كتير وربنا هيرزقك بزوج صالح وزريه صالحه استني نصيبك الي هيصونك وهيخاف عليكي من الهوا الطاير ومش هيرضي يزعلك ويفتكر دائما انك وصيه رسول الله ربنا يربط علي قلبك ويرزقك راحه البال يا قمرايه♥♥♥
تم النشر الأحد، ٤ مايو ٢٠٢٥
لعرض السؤال في فدني اضغط هنا