انا بدرس في الكليه لمهنه محدده في البدايه كنت حابه المهنه دي لكن مع الوقت والمشاكل وعدم توافر شغل وأسلوب الناس السيء و المواقف السيئه بدأت اكره المهنه دي وبقيت كارهة انزل تدريب فيها
الان انا مش لاقيه شغل المشكله الاكبر اني بتوتر وده بيبان عليا ايدي بتترعش فالناس بتفتكر اني مش بعرف اشتغل فبيمشوني والحقيقه مش عارفه اسيطر على ده حتى لو بعرف اعمل الحاجه بسبب توتري ببوظ الدنيا ده غير ضعف شخصيتي ومش بعرف آخد حقي من حد في الشغل حتى بخاف اشتكي يمشوني فبسكت حد عندو حل ؟
السلام عليكم ورحمه الله. خلينا ناخد الموضوع واحدة واحدة، بالنسبة لدراسة الكلية والمهنة المرتبطة بها خليني أقول لك إن احنا ممكن ندرس حاجة أكاديمية مش هي اللي نخرج نشتغل بها بالظبط ولكن أنا بكون جوا وأنا بدرس الدراسة الأكاديمية دي اكتسبت شوية مهارات يعني أنا ممكن أكون دخلت حاجة لها علاقة بالزراعية خلاص. طيب أنا مش عايزة اشتغل في الزراعة وشايفة إن ظروفي مش هتكون مناسبة إني أشتغل في الزراعة لكن اتعلمت مهارات إيه المهارات؟ اتعلمت أن أنا أعرف أتعامل مع الطبيعة اتعلمت إن يكون فيه حاجة أنا أعرف أهتم بها من أولها لآخرها لحد ما تكبر لحد ما تظهر فيها مشكلة وازاي أحلها أنا هنا اتعلمت مهارات نفس المهارات دي أنا أقدر استخدمها في حاجة تانية ممكن ساعتها أقدر أشتغل مثلا يعني في حضانة إيه ده بتاعة زراعة تشتغل في حضانة ليه؟ أيوه ما هي تعلمت ازاي يكون فيه نبتة صغيرة زي البيبي الصغير وتهتم به وتاخد بالها من أجق تفاصيله تاخد بالها إن فيه حاجات هتأثر عليه أقلل ميكروباته لحد ما يكبر لحد ما يقدر يكون واقف وصالب طوله ده عرفته منين ده من المهاره اللي هي اتعلمتها وهي بتتعلم زراعه وهي بتتعلم زراعه عادي جدا ده بالنسبه للمهنه انت تقدري لو عايزه تدخلي مهنه ثانيه مختلفه بناء على المهارات اللي انت هتقدري تعملي ده بكل سهوله شوفي ايه الحاجه الثانيه ايه نوعيه الشغل اللي انت شايفاه مناسب ليكي ونبدأ نشوف مهاراتك ازاي تقدري تدمجيها في الشغل الجديد ده تمام مسألة بقى التوتر اللي بسبب الخوف خلينا هنا دائما نحط أسوأ سيناريو ونقول هو يا ترى انا لو بوظت الحاجه اللي في ايدي ايه اللي هيحصل في الدنيا ايه اللي هينهار ولما الحاجه دي تنهار والدنيا تنهار انا هتصرف ازاي في الموقف ده دي احسن حاجه تبدئي تحطي لنفسك السيناريو وتجهزي نفسك هتتعاملي معاه ازاي علشان لما يحصل في الحقيقه تلاقي نفسك على الاقل جاهزه بنسبه 50% اللي هي التفكير اللي انت عملتي له اعداد قبل ما تقعد في الموقف اصلا.
تم النشر الاثنين، ٩ يونيو ٢٠٢٥
مساء الخير أول خطوة للسيطرة على التوتر هو معرفة إن احنا فالمجتمع العربي والمصري عندنا أزمة في التوجيه الدراسي أو المهني، يعني مش بنختار المهنة على حسب الميول أو القدرات لكن بنختارها بما يتناسب مع سوق العمل. الخطوة الثانية انك تعرفي ان اختيار مهنة ما وتدرسيها ممكن بعد الدخول فالحياة العملية نلاقي انها غير مناسبة لينا او إننا مش هنعرف نشتغلها. الخطوة التالتة إن تعرفي فين المهنة المناسبة ليكي أو انتي هتعرفي تؤدي إيه، وده بعيدا عن الشغف لان الشغف مش مستمر، ولكن انتي بتعرفي تعملي ايه وتثبتي نفسك فيه. ورحلة البحث دي تكون مع انك تفضلي تشتغلي عشان توفري مصدر دخل تتعلمي فيه مهارة جديدة تقدري تشتغليها وتثبتي نفسك فيها. والخطوة المهمة المستمرة مع كل ده انك تدربي على السيطرة على التوتر، وانك يكون عندك مهارات التواصل والتعامل مع الاخرين
تم النشر الأربعاء، ١١ يونيو ٢٠٢٥
أنا حاسة بيك أوي، ووالله كلامك لمسني من جوا، كإني اللي كاتباه مش أنت. يمكن علشان أنا كمان في فترة حساسة، وكل حاجة بقيت بتضايقني، وبقيت بخاف أتعلق بحاجة وبعد كده أتخنق منها، زي ما حصل معاكي كده. عارفة؟ مش عيب أبدًا إنك تغيري رأيك أو تحسي إنك مش قادرة تكملي في نفس الطريق. إحنا بشر، والمشاعر بتتغير، والضغط بيأكل مننا حتة حتة. بس الأهم إنك مش لوحدك، ومش لازم تفضلي ساكتة. السكوت بيخنقك أكتر. أنت واضح إنك شخص طيب وحساس وبتحاولي على قد ما تقدري، بس في الآخر إحنا لينا طاقة، ومش لازم نحرق نفسنا علشان نظهر قدام الناس إننا تمام. أنا مش هقولك كلام محفوظ زي "قوّي نفسك" أو "ماتخليش حاجة تأثر عليك"، لأ، أنا هقولك إنك من حقك تتعبي، ومن حقك تفكري تغيري، ومن حقك تدوري على مكان يريحك حتى لو كان مختلف عن اللي خططت له. خدي وقتك، وخدي بالك من نفسك، وابدئي اسمعي صوتك أنت، مش صوت اللي حواليك. لأن في الآخر محدش هيحس بتعبك قدك. ربنا يطمن قلبك ويهدي بالك، ويكتبلك راحة بال تحسسك إنك في المكان الصح💗
تم النشر الثلاثاء، ١٠ يونيو ٢٠٢٥
أهلاً بكِ، أنا ذكية، ويسعدني أن أساعدك وأكون إلى جانبك. يبدو أنكِ تمرين بفترة صعبة جدًا، وأشعر بكم الضغوط والتوتر اللي بتواجهك. خليكي معي، وحنحاول نحل الموضوع خطوة بخطوة. أولاً، خليني أقول لكِ أنه من الطبيعي تتعرضي لمشاعر زعل وتوتر خاصة لما تكون الأمور مش ماشية زي ما كنتِ متوقعة، خصوصًا لما تحبي مجال عمل معين وتلاقي صعوبات فيه مثل مشاكل التوظيف أو أسلوب الناس السلبي. هذه التجارب تؤثر بأي شخص، وأنتِ لستِ وحدك. بالنسبة للتوتر اللي بيأثر على أدائك ويظهر عليك بشكل اهتزاز اليد، ممكن يكون بسبب القلق ومخاوف الأداء، وهذا أمر يمكن تدريجيًا التعامل معه وتحسينه. أقترح لكِ الخطوات التالية: التعرف على التوتر وأسبابه: حاولي خصصي وقت تكتبي فيه المواقف اللي بتسبّب لك توتر شديد، وحاولي تفهمي متى ولماذا بتحسي بالخوف أو القلق. الفهم هو البداية للتحكم. تدريب مهارات السيطرة على القلق: رغم أنني لا أستطيع أن أقول لكِ تقنيّات استرخاء، لكن من الأفضل تحاولي تمارسي تنظيم الوقت، وتقسمي مهامك الصغيرة حتى لا تشعري بثقل المسؤولية دفعة واحدة. تقوية ثقتك بنفسك: يمكنكِ محاولة قراءة كتب أو مقالات قصيرة عن بناء الشخصية والجرأة، والبحث عن قصص نجاح أشخاص كانوا متوترين بالذات وظائفهم. هذا يشجعك ويحمسك. التعامل مع المواقف في العمل: لو أحد أساء إليك أو تعامل معك بشكل غير محترم، من حقك ترفعي شكوى أو تواجهي بأسلوب هادئ وواثق. يمكنكِ تحضير ما تريدين قوله قبل الموقف لتقليل التوتر. التفكير في خيارات بديلة: بما أن حبك للمهنة بدأ يقل، فكرى هل ممكن تكتشفي مجالات أخرى قريبة من تخصصك أو مهاراتك؟ أحيانًا تغيير الاتجاه يساعد تجديد الحافز. البحث عن الدعم: رغم أنني هنا لدعمك، قد تحتاجين للتحدث إلى خبير نفسي أو مدرب حياة متخصص، وهم متوفرون في قسم الخبراء بفدني https://www.fedni.net/experts، وهنا يمكنكِ اختيار خبير مناسب يساعدك في هذه المرحلة. وأخيرًا، تذكري أن كل تجربة صعبة بتعلمك، وأنكِ لستِ ضعيفة بل تمرين بلحظة تحتاجين فيها للدعم والتطوير. لا تكوني قاسية على نفسك، وخطي خطوات صغيرة لأنه كل خطوة مهمة. هل ترغبين أن أساعدك في وضع خطة عملية لتطوير مهاراتك وتقوية ثقتك؟ أو هل عندك أمور محددة تحبي أركز عليها أكتر؟ أنا معكِ دائماً!
تم النشر الاثنين، ٩ يونيو ٢٠٢٥
لعرض السؤال في فدني اضغط هنا