سلام عليكم ورحمه الله وبركاته
أنا بعاني من نوم عميق في اهم فترة في حياتي و مبقتش عارفه أعمل ايه بنام زي المقتولين حتى اللي بيصحوني مش بحس بيهم نهائي جربت اضبط نومي وانام بدري و اصحى بدري لا نمت بدري وصحيت متأخر شربت قهوة مش نافع و بطلتها مش نافع و جربت لازقة اللي بتفوق معملتليش حاجه غير انها بتزود ضربات قلبي اتمنى حد يفيدني بحل لأن مش هينفع النظام الي بيحصل فيا و كلها شهرين و داخلة علي امتحانات 😞
دا ممكن يكون فترة ضغط وارهاق واحيانا ممكن يبقى ليها سبب طبي زي نقص فيتامين د لانه بيزود الخمول والاحساس بالارهاق وحاولي تظبطي مواعيد النوم وحاولي تمشي على الاقل 20 دقيقه يوميا او تلعبي اي رياضه وغيري مكان المذاكره وابعدي عن الأكل اللي ممكن يسببلك خمول او انك تاكلي متأخر بالليل وتظبيط الساعه البيولوجية مع الوقت هتلاقي الخمول دا راح ان شاء الله
تم النشر الثلاثاء، ٢١ أبريل ٢٠٢٦
بصي، اللي عندك ده غالبًا نتيجة إجهاد وضغط كبير، وده طبيعي جدًا مع ثانوي عام. بس في نفس الوقت ماينفعش تسيبيه كده، خصوصًا إن فاضل شهرين بس ولازم تلحقي تراجعي كويس. الفكرة مش إنك “تفوقي نفسك” بأي حاجة مؤقتة، لكن إنك تظبطي نظامك عشان جسمك يساعدك بدل ما يعطلك. أهم خطوة دلوقتي إنك تثبتي ميعاد صحيان ثابت يوميًا حتى لو نمتي متأخر، لأن ده اللي هيظبط نومك تدريجيًا. أول أيام هتكون صعبة، بس بعد كده جسمك هيبدأ يتعود. أول ما تصحي، اتحركي فورًا، افتحي النور أو البلكونة، وما ترجعيش للسرير تاني. في المذاكرة، ما تحاوليش تعوضي كل حاجة مرة واحدة. ابدئي بحاجات بسيطة أو مواد أخف عشان ترجعي تدخلّي في المود، وقسّمي وقتك فترات قصيرة (زي 50 دقيقة مذاكرة و10 راحة) عشان تركيزك يتحسن. ولو صحيتي متأخر يوم، ما تضيعيش الوقت في الزعل عليه ابدئي بأي وقت متاح حتى لو قليل. ممكن تاخدي قيلولة خفيفة لو محتاجة، بس تكون حوالي مثلا 30 دقيقة بس، عشان ما تأثرش على نومك بالليل. وكمان يفضل حد من البيت يساعدك في الصحيان الفترة دي لحد ما تتظبطي . ولو الخمول شديد أو النوم التقيل مستمر بنفس الشكل، يبقى الأفضل تعملي تحليل بسيط زي الحديد وفيتامين د، لأن نقصهم بيعمل نفس الأعراض دي وبيأثر جدًا على التركيز. الأهم بقى، ما تفكريش إن الوقت ضاع. شهرين مع تنظيم كويس ممكن يفرقوا جدًا. خديها خطوة خطوة، يوم بيوم، وركّزي تعملي اللي عليكي بس، وهتلاقي نفسك بتتقدمي من غير ما تحسي. ربنا يوفقك ويقويكي وتعدي الفترة دي على خير 🤍
تم النشر الثلاثاء، ٢١ أبريل ٢٠٢٦
بصي انا كنت زيك بالظبط والله وبرضو جربت حاجات كتير اوي وكل اللى جربتيهم انتي كمان دا كمان كنت بشرب كوبايتين قهوة عشان افوق وبنام بعدهم عادي جدا 😅انا كشفت على الموضوع ده لانه كان مأثر على يومي جدا (دكتور مخ واعصاب ) وقالى دا بسبب القلق والخوف هو اللى عامل كده معاكي واداني مهدي قبل النوم عشان يريح اعصابي لاني كنت بنام فترات كبيره جدا وبصحي مرهقه جدا وتعبانه ونومي اتحسن بعد فتره من المهدأ ف الخلاصه ممكن تروحي تكشفي عارفه ممكن تقولى كشف عشان نوم اى ده ،انا كنت بقول كده بس والله ده احسن قرار خدته
تم النشر الخميس، ٢٣ أبريل ٢٠٢٦
وعليكم السلام ورحمة الله وبركاته يا عزيزتي 🌸 أنا آسفة جداً للي بتمري بيه، خاصة في الفترة دي قبل الامتحانات.. النوم الزائد ده ممكن يكون بسبب إرهاق متراكم أو نقص فيتامينات أو حتى اضطراب هرموني، بس خلينا نركز على حلول عملية خطوة بخطوة عشان تتحكمي فيه: 1. روتين يومي قوي : حددي موعد نوم ثابت كل يوم (مثل 10 مساءً) واستيقظي مع أذان الفجر دايماً. صلي الفرض مع التراويح إن أمكن، والقيام ده هيبني عادة قوية ويجدد طاقتك برحمة الله. 2. الاستيقاظ الفعال : حطي المنبه بعيد عن السرير عشان تقومي تمشي ليه. لو حد موثوق (أهلك) يقدر يساعدك في الاستيقاظ الأول أسبوعين، استخدميه مؤقتاً. فور الاستيقاظ: اغسلي وجهك بماء بارد، واتعرضي لأشعة الشمس 10-15 دقيقة (افتحي الشباك أو اخرجي). ده بيعدل هرمونات النوم طبيعياً. 3. حركة يومية : مارسي مشي سريع 20-30 دقيقة صباحاً بعد الفجر (مش في الظلام). ده أفضل من القهوة وهيقلل النعاس بدون زيادة ضربات القلب. 4. غذاء وعادات : أكلي وجبة إفطار غنية بروتين (بيض، جبن، تمر مع لبن) + موز أو تفاح للطاقة المستدامة. تجنبي الشاشات ساعة قبل النوم، ولا تأكلي ثقيل مساءً. اشربي شاي أخضر أو ماء بالليمون صباحاً بدل القهوة، وتابعي فيتامين D وB12 (بعد تحليل دم بسيط عند دكتور). 5. تتبع وتعديل : استخدمي تطبيق بسيط زي "Sleep Cycle" عشان تراقبي نومك، وعدلي كل أسبوع. لو مش تحسن بعد 10 أيام، روحي لدكتور غدد صماء أو نوم (مش بديل عنه). جربي دول يومياً لأسبوع وهتشوفي فرق إن شاء الله.. أنتِ قوية وقادرة، والامتحانات دي فرصة للنجاح بركازك! ابحثي في فدني عن "نوم زائد قبل الامتحانات" هتلاقي إجابات تانية، أو شوفي الخبراء في https://www.fedni.net/experts لاستشارة متخصص. إذا عندك تفاصيل أكتر، قوليلي.. ربنا يوفقك ويفتح عليكِ! 💪❤️
تم النشر الثلاثاء، ٢١ أبريل ٢٠٢٦
وعليكم السلام ورحمة الله وبركاته واضح جدًا ثانوية عامة والأمر بيتكرر ما طلبة كتير كثرة النوم في أخر فترة، وطبعًا السبب القلق والخوف والهروب أو مثلًا تراكمات نوم من أول السنة لكن ليها حل إن شاء الله 🤍 بصي أنا مش عارفه نظام نومك بس هقولك الحل الأفضل نامي الساعة 9 مساءً واصحي الساعة 4 فجرًا ثبتي الوقت دا طوال الفترة دي كلها عشان جسمك يتعود، الأمر الثاني طبعًا أنتِ حاليًا مراجعات راجعي وحلي طول اليوم وهكذا كرري يومك لحد الإمتحانات إن شاء الله ، حاولي الفترة دي تكثفي ورد الذكر كل أنواع الذكر بنية العافية والقوة عشان الكسل والخموم بجد في ناس كتير تخلصت من كثرة النوم بكثرة الذكر وسورة البقرة )الأمر الأخير والأهم متفكيرش كتير بجد هتعدي حافظِ على قيام الليل وفرغي دماغك على سجاتك ولو تقعدي على مكتبك متفكريش في حاجة غير المادة الـ أنتِ فيها!! حافظ على سورة البقرة هتلاقي تيسيرات وعافية وتوفيق وأبعدي عن المحبطين وبلاش تتابعي رعب الإمتحانات لو قدرتي تقفلي الموبايل الفترة دي أعتزلي أو مثلًا ساعة فقط
تم النشر الثلاثاء، ٢١ أبريل ٢٠٢٦
شكراً لحضرتك 🤍🤍
تم النشر الثلاثاء، ٢١ أبريل ٢٠٢٦
طالما بيوطى يبقى اللزقة أو القهوة أو غيرهم مش هيأثر ...... يبقى هتعملى إيه هتحاولى تنظمى نومك غصب عنك بمعنى هتشوفى انتى عايزة تنامى من كام أو على حسب طبيعة يومك وهتنامى مثلا وهتجبرى حد يصحيكى أول ما تصحى تاخدى نركافيكس لزقة بحيث متناميش تانى وتفضلى كدا لحد المعاد اللى انتى حددتية للنوم فاهمانى ولو اللزقة مش جايبة نتيجة معاكى وانتى فى ضغطة ووراكى مذاكرة شديدة ولازم تبقى صاحية فيه قرص اسمه برافاماكس هتجيبى قرص واحد من الصيدلية بس دا يبقى مؤقت للفترة الكام يوم اللى احنا بنظبط فيها نومنا لحد لما نتعود فاهمانى انتى فى وقت مش هزار شدى حيلك الله يعينك ويوفقك وتعدى السنة ديه على خير 🤍
تم النشر الثلاثاء، ٢١ أبريل ٢٠٢٦
تم النشر الأربعاء، ٢٢ أبريل ٢٠٢٦
العفو 🤍
تم النشر الثلاثاء، ٢١ أبريل ٢٠٢٦
اه ضغطي بيوطى اوقات بس مش باخد له علاج
تم النشر الثلاثاء، ٢١ أبريل ٢٠٢٦
انتى عندك مشاكل فى الضغط طيب ؟
تم النشر الثلاثاء، ٢١ أبريل ٢٠٢٦
لعرض السؤال في فدني اضغط هنا