السلام عليكم ورحمة الله وبركاته
انا بنت عندى 17 سنه واكتر عائق ف حياتى انى مبعرفش اقول لا ع اى حاجة بفضل أراضي كل اللى حواليا وبنسي دايما نفسي بسيب دايما نفسي آخر اولوياتى بس للاسف كل الناس اللى براضيهم بقوا بيستغلونى واولهم اقرب حد ليا
صحتى للاسف تعبت جدا ومبقتش قادره باخد نفسي بالعافيه بقيت دايما ساكته مش قادره اتكلم بقيت بحب العزله معنديش طموحات
الحمد لله بصلى ويمكن الصلاة وقربي من ربنا اللى مهون عليا كتير لكن حاسه انى بموت بالبطيء نفسيتى كل مدى تتعب نفسي ابقي حد احسن والبس اللبس الشرعي أهلى مش زيي خالص وكل واحد ف وادى مفيش حد بيشجعنى
امى دايما مش فاهمانى انا دايما حاسه انى مش مفهومه عشان كده بقيت ساكته دايما وبحاول ع قد ما اقدر اعتزل الناس لكن مشاكل اهلى كل شويه وحوارات تعبت نفسيتى اوووى لدرجه بقيت ف مره كنت متصلبه كأنى مشلوله
من صغرى محستش انى طفله شيلت مسؤليه ربيت اختى الصغيره وانا ف تالته ابتدائي بابا دايما بيزعق ويتنمر ويزعق ويتعامل بعنف اخواتى اللى كنت بحبهم دايما بقوا بيتنمروا ع ضعفى بيجرحونى بس انا مبحبش ابين ضعفي قدام حد بس غصب عنى ساعات باخد الموضوع بابتسامه خفيفه وعينى بتبدأ ترغي
أنا حد حساس جدا مبحبش اشيل حد همى مبعرفش احكى دايما بكتم جوايا في كتير جوايا بس مش عارفه ابدأ ازاى او اعمل اى
اتعودت ابقي لوحدى ماليش صحاب عمرى ما لاقيت رفيق ف حياتى
أهلى من سنتين لما حالتى النفسية كانت وحشه اوووى بدل ما يحتوونى كانوا بيسلسلونى ف سرير من ايدى ورجلى عمرى ما حسيت بالاهتمام او الاهل 😭😭😭😔💔
للاسف كنت ساعتها ف علاقه عاطفيه انخذلت فيها وكانت اول مره اتعامل مع الناس والسبب كان اهلى كنت لسه ف اولى اعدادى ومكنتش فاهمه يعنى اى دنيا
كنت ساذجه ابويا كتير كان بيحاول يموتنى امى كانت من غير سبب بتحرضه عليا لما يجلها المزاج انى اتكتف مبقتش باكل وضعفت اووى بس برضو محدش بيهتم اهم حاجة مصالحهم واكلهم يبقوا جاهزين اهم حاجة الخدامه تبقي شغاله
لما مره اخر ماتعبت اووى جبت علاج بقوا يعايرونى كتير امى كانت كل شويه تشتمنى بأسوء الالفاظ كرهتهم غصب عنى لانى كمان كنت ساعتها نفسيتى زفت بقت كل شويه تقولى هموتك وكنت ف مره عامله تحليل قلب راحت مسكتنى قعدت تخبط راسي ف الارض والحيطه وبتقول لاخواتى انها عايزه تموتنى ابويا كان عايز يخدنى ف بلد بعيد ويموتنى
ابويا دايما من وانا ست سنين واصغر بيضربنى جامد وقدام الناس عامل نفسه شيخ امى وابويا دايما كانوا بيتخانقوا خناقات للموت وبرضو بيرجعوا لبعض ولا كأن اى حاجة حصلت وفضلو يخلفو ويرمولى اربي وف الاخر بتهان وبتضرب بدون اى سبب او سبب ولحد الان ماشيه ف ال 18
امى مبتصليش اهلى يعتبر كلهم امى بتعمل حاجات بتدايقنى كتير تبقى قدام الشخص عامله بتحبه ومن وراه تفضل تشتم ابويا وامى ف الفتره الاخيره بقوا بيخونوا بعض امى كنت بشوفها للاسف ده كان ببيكرهنى اكتر فيها شوفت كل حاجة ودايما بتعمل نفسها انها ملاك بريء وان كل الناس شمال وحاجات كتير دى يعتبر اللى عرفت اطلعه كلامى مش متوازن كله كويس لانى مش متعوده اتكلم
حاولت اطلع اللى جوايا بس كتير ومش عارفه نفسي حد يفهمنى انا نفسي ابقي دايما من الاحسن للاحسن انا شخصيه بتحب الصلاح
حد يفهمنى ينصحنى انا بقيت دايما زعلانه بقى بيبان عليا نفسي دايما اهرب من ده كله بس بصبر نفسي والحمد لله رربنا معايا وبفضل اقول اصبر احسن ربنا هيعوضنى لكن كل مدى نفسيتى ف النازل بقيت مدمره من جوايا واثر الدمار ظهر برا
و عليكم السلام ورحمه الله وبركاته ، قبل اي حاجه انتي مرهقة نفسك جدا بإنشغالك بتصرفات أهلك الخاصة بيهم ، و مش من حقنا نحاسب شخص على تصرفاته أيا كانت ، فتركيزك على نفسك هو اولويتك القصوى دلوقتي ، محدش هيهتم بيكي فبالتالي انتي مطالبه تهتمي بنفسك صحياً و نفسياً ، صحياً تركزي في أكلك و تغذيتك و تحاولي تحافظي على خصوصيتك قدر الإمكان ، فمش لازم تعرفيهم أي حاجه عنك ، نفسياً و ده الأهم ، إنك تفصلي الخارج عن الداخل ، بمعنى ان اللي يحصل بره ما يأثرش عليكي نفسياً ، ما تخليش العنف الأسري يتسلل جواكي و برغم صعوبة الحياة مع أهلك لازم تقتنعي بأنهم بيعملوا اللي يقدروا عليه في ظل معرفتهم ، هما ماعندهم أي معلومات تهليهم يتعاملوا معاكي بطريقة مختلفة ، فبالتالي الحل انك تتعاملي و تشوفي اللي بيحصلك بطريقة مختلفة ، مش انه شر مش انه عنف مش انه اضطهاد ، دي كلها مسميات هتأذيكي نفسياً ، لكن تقدري تشوفي الموضوع بنظرة تانية و هو ان دي مرحلة مؤقتة بتتعلمي منها ما تبقيش زيهم مستقبلاً و ان يكون عندك المناعة و الصلابة النفسية اللي تحميكي من الضغوط الخارجية أيا كان نوعها و طبعاً مع محاولة اجتنابهم قدر الإمكان
تم النشر الثلاثاء، ١٧ مارس ٢٠٢٦
وعليكم السلام ورحمة الله وبركاته يا حبيبتي 💕 أول حاجة، أنا فاهمة كل كلمة قلتيها، وده مش سهل عليكِ خالص. أنتِ بنت قوية وصابرة، والحمد لله إن ربنا قريب منكِ وقربكِ منه ده اللي هيخليكِ تتخطي كل ده. أنتِ مش لوحدك، وأنا هنا عشان أساعدكِ خطوة بخطوة. خلينا نبدأ بالأساسيات عشان تسيطري على نفسيتكِ وتعاملي مع عائلتكِ بذكاء. 1. سيطري على حالتكِ النفسية خطوة بخطوة (ابدئي دلوقتي): روتين يومي صغير يبني قوتكِ : كل صباح بعد الصلاة، اكتبي 3 حاجات شاكرة عليها (زي الصلاة اللي بتهون عليكِ). بعدين، حددي هدف صغير واحد لليوم (مثل: "هقرأ صفحة قرآن" أو "هدرس ساعة"). ده هيبني ثقتكِ بنفسكِ تدريجيًا ويخليكِ تحسي إنكِ مسيطرة. كتم الغضب؟ طلعيه بطريقة آمنة : لما تحسي الضغط، امشي لوحدكِ 10 دقايق في الشارع أو الغرفة، ورددي "لا إله إلا الله" 100 مرة. ده يهدي العقل ويذكركِ إن ربنا أقوى من أي حد. اللبس الشرعي والصلاح : برافو عليكِ! خليكِ ملتزمة، ده درعكِ. اشتري حاجة جديدة بسيطة كمكافأة لنفسكِ كل أسبوع، هيفرح قلبكِ. 2. مع عائلتكِ: حددي حدودكِ بدون صدام (مش هتقولي لا لكل حاجة مرة واحدة): ابدئي بـ"لا" صغيرة : مثلاً، لو حد طلب حاجة مش عاجلة، قولي بلطف "مش هقدر دلوقتي، عندي حاجة تانية". ماتحسيش إنكِ مجرمة، ده حقكِ. مع الوقت، هيتعودوا. التنمر والعنف : ماترديش بعنف، بس ابتعدي جسديًا وعاطفيًا. لو زعقوا، قولي "خلاص، هعمل اللي أقدر عليه" وامشي. ركزي طاقتكِ على دراستكِ أو هواية (زي القراءة أو الرسم)، عشان تبعدي عن الخناقات. أمكِ وأبوكِ : دول مش هيتغيروا بسرعة، فماتتوقعيش فهمكِ. ادعي لهم بالخير سرًا، وادعي ربنا يصلح حالهم. أنتِ مش مسؤولة عن سعادتهم، بس خليكِ خادمة الله الأول. 3. طموحاتكِ ومستقبلكِ: أنتِ 17 سنة، ده عمر الفرص! حددي هدف كبير زي "أدخل الجامعة في تخصص أحبه"، وقسميه لخطوات صغيرة (درس يوميًا). ربنا هيعوضكِ أحسن، زي ما وعد. اصبري واستمري في الصلاة والدعاء، ربنا قال: "وَمَنْ يَتَّقِ اللَّهَ يَجْعَلْ لَهُ مَخْرَجًا". لو عايزة نصيحة أكتر، ابحثي في فدني عن "مشاكل الأهل" – هتلاقي إجابات كتير. ولو محتاجة استشارة متخصص، روحي على صفحة الخبراء هنا: https://www.fedni.net/experts (في خبراء نفسية هيساعدوكِ). أنتِ أحسن مما تتخيلي، وأنا فخورة بيكِ. ربنا يفرح قلبكِ يا رب 🤲❤️
تم النشر الثلاثاء، ١٧ مارس ٢٠٢٦
وعليكم السلام ورحمه الله وبركاته. بصي لازم تعرفي إن ربنا لما بيحب عبد بيجازيه بصبره على أشد المحن. سيدنا يوسف اتظلم من إخوته ورموه في البير، وسيدنا إبراهيم أهله طردوه وحاولوا يحرقوه. الظلم اللي بتشوفيه من أهلك ده مش غضب من ربنا عليكي، ده اختبار لدرجتك في الجنة، وربنا بيقول ...وَبَشِّرِ الصَّابِرِينَ... وربنا عارف إنك قد الشيلة دي، وإلا مكنش حطك فيها. قوتك في إنك لسه بتصلي ولسه جواكي بذرة خير رغم كل السواد اللي حواليكي. ربنا شايف الخناق اللي بتخنقيه لنفسك عشان متغلطيش، وشايف سجدتك وإنتي مكسورة ومفيش حد جنبك ، وده عند ربنا غالي جدا🥹 وفي مفهوم غلط إن بر الوالدين يعني يسحلوكي وتسكني. لا يا بنتي، البر هو الإحسان ليهم بالمعاملة، لكن لا ضرر ولا ضرار. لو وجودك معاهم بيأذيكي نفسياً وجسدياً، من حقك شرعاً تحمي نفسك، وتعتزلي الأذى، وتدعي ليهم بظهر الغيب. ربنا ميرضاش بكسرة النفس دي. وممكن يكون الضيق ده هو اللي بيصنع منك شخصية قوية وصبورة ومؤمنة بجد. ربنا بيجهزك لحاجة تانية خالص، لبيت هتبنيه إنتي بالحب والحنية اللي اتحرمتي منها، ولأولاد هتربيهم بتربية سوية عشان ميعيشوش اللي إنتي عشتيه. ..لعل الله يُحدث بعد ذلك أمراً... ولما الدنيا تضيق بيكي خالص، افتكري إن ليكي رب مبيغلبهوش شيء. ادعي ربنا ب يا جبار اجبر بخاطري🥹، والجبار هو اللي بيجبر الكسر ويصلح الحال. خليكي واثقة إن ربنا عدل، وكل دمعة وكل ضربة وكل كلمة وجعتك، حقها محفوظ عند ربنا وهيتردلك أضعافه جبر وخير. وحاجه اخيره اصبري صبراً جميلاً، والجميل هو الصبر اللي مفيش فيه شكوى لغير الله. خليكي مع ربنا وهو هيسخرلك الأرض ومن عليها عشان يخرجك من اللي إنتي فيه ده في الوقت المناسب.🥹 بعتذر عن الإطالة ، وجد والله ربنا يحفظك ويسعدك
تم النشر الثلاثاء، ١٧ مارس ٢٠٢٦
وابعدي عن اي ارتباط وانتي في الحالة دي والله يحفظ ويبعدك عن الحرام ان شاء الله
تم النشر الخميس، ١٩ مارس ٢٠٢٦
انصحك انك تكوني انانيه ما تهتمي فيهم ركزي علا نفسك حاولي تاكلي اتمرني البسي نقاب لا تسئلي علا اهلك حاولي تكوني معهم منيحه وخليكي متل ما بدهم قدامهم بس عشان تتقي شرهم نصيحه كلي من اكل بيت واتمرني بل بيت لا تهتمي في اهلك اهتمي في نفسك
تم النشر السبت، ٢١ مارس ٢٠٢٦
ربنا يهون عليكي ويصلح حالك
تم النشر الجمعة، ٢٠ مارس ٢٠٢٦
انتي محتاجة طبيب نفسي هوه متخصص اكتر من أي شخص في هذا المجال
تم النشر الخميس، ١٩ مارس ٢٠٢٦
الله يكون فى عونك و برافو عليكي انك متأكدة ان ربنا هيعوضك و ان دا كله هيخلص و ربنا معاكي كل العليكي هو انك تركزي فى مستقبلك اكثر عشان تخلصي بدري بدري و تعتمدي على نفسك و انك تتجنبيهم و لكن تبريهم لانهم اهلك مهما كان و كله عن ربنا مش بيضيع حاليا تتصرفي معاهم فى انك تاخدي جنب و تبقي باردة اكثر و متظهريش ضعفك قدام حد فيهم بمعني انك تظهري بثقة اكثر و اتعلمي ازاي يبقى ليكي شخصيتك و تقوي ثقتك بنفسك لان دا هيفرق معاكي فى معاملة اي حد مش بس أهلك
تم النشر الأربعاء، ١٨ مارس ٢٠٢٦
قولي لا عادي خليكي بارده لانهم هيستغلوكي طول الوقت ويحملوكي فوق طاقتك او قولي حاضر هعمب كده بس متعمليش مثلا وطنشي
تم النشر الأربعاء، ١٨ مارس ٢٠٢٦
لا الانك لما تكبري هتتعب وخليك دايما مدلله نفسك علشان ماحدش تستاهل وخلي ليك راي
تم النشر الأحد، ٢٢ مارس ٢٠٢٦
لعرض السؤال في فدني اضغط هنا