اختي للاسف مبتصليش كذا مره الاقيها بتكلم شباب سواء ارتباط او بيست فريند او حتي تسليه و دا قبل ميكون عيب هو حرام مع العلم هي لسه مش كبيره مدخلتش جامعه حتى و جربت معاها كل حاجه نصحتها و ضربتها و خوفتها و اخدت منها الموبايل و طبعاً قولت ل ولدتي و جربت معاها كل حاجه بس مقولتش ل والدي عشان لو قولتله هيضربها و هيتخانق مع والدتي و غير كده انا مش عارف اقوله ازاي كذه مره تعمل كده و اخر مره من فتره كبيره بس هي دلوقتي بتعمل كده و طبعاً مش لاقي حجه عشان اقول ل بابا عشان ياخد منها الموبايل و ماماتي مش بتاخد بالها عشان ملهاش ف السوشيال ميديا و كده و كل مره بتدافع عنها و الفكره انا مش هقدر اكلم حدمن الولاد عشان الموضوع ميتعرفش و عشان انا مينفعش اخلي حد يتكلم علي اختي انا مش عارف اعمل ايه
سؤالك بيدل انك راجل بجد. تعالى اقولك الرجاله بقي الصح يعملوا ايه اولا تقرب من اختك جدا وتعمل معاها قعدة صلح كده على كل اللى فات وتقولها انتى اختى حبيبتى ومكنش ينفع يحصل منى كده حتى لو بدافع الخوف عليكى. ويلا نفتح صفحة جديدة.. وقولها البسي وهنخرج انا وانتى نتمشي ونشرب عصير. اتمشوا وارغى معاها فى اى حاجة ومن غير ما تجيب سيرة الموضوع ده ولا من بعيد ولا من قريب. وتعود انت نفسك بقي تقولها كلام حلو كتيييير جدا... (ايه الحلاوه دى... حلو شعرك كده... لا جربي كده بلوزة تانيه بتبقي عليكى تحفة.) اسم دلع بقي واندهلها بيه. دايما قولها انا بغير عليكى... انتى جوهرة البيت... اللى هيجى في يوم يخطبك مش هينفع يبقي اى حد كده. وانتوا ماشيين خلى بالك منها وحسسها انك بتخاف عليها جدا وكأنك بودى جارد كده. بعد فترة هتقدر تكلمها بالراحه وكأنك بتطمن عليها وهى مش هتخبي عليك.. قولها فى اى حد بيحاول يكلمك او يقرب منك دلوقتى... وتقدر تنصحها لو ده لسه بيحصل. وهى ممكن تكون شبعت كلام حلو منك ومش محتاجة تقرب لولاد تانى اصلا. اللى قولته ولك ده كله هيفيد اختك وهيفيدك انت كمان تتعود ازاى الراجل يعامل الست صح فيكبر فى عينها اوى اوى وتتكسف كده حتى انها تزعله وهو حتى مش قدامها.
تم النشر الجمعة، ٢ فبراير ٢٠٢٤
جزاك الله كل خير انك بتحاول توصل لحل بس هو مبدئيا غلط انك تضربها هي في سن مراهقه ومش فاهمه بتعمل اي قرب منها واحده واحده دخلها ف دايرة الدين قولها تعالي أقيم بيكي الصلاه النهاردة تعالي نسمع فيديو لداعي اسلامي وتكون جايبه عن العلاقات وانها حرام وقولها ان الاولاد اللي بتكلمهم اخرتهم وحشه ومفيش حد هيخبط ع بيت واحده كلمها ف السر احتويها اكتر هي واحده واحده هتسيب الغلط وتبقي اختك وصحبتك بلاش تكبر الموضوع وتقول لوالدك عشان هيقسي عليها ومش هيستوعب سن الشباب مش بتضمن معاها نهائي لان الغلط لازم نقول علي غلط بس رفقا بالقوارير بكرة هتكبر وتبقي مسئوله عن عيله وتدعيلك انك بعدتها عن الحرام واتمنا تكون استفدت من اجابتي 🤍
تم النشر الجمعة، ٢ فبراير ٢٠٢٤
شوفي أنتي حاولي تقول لها الأحاديث والأشياء والعلاقات غير الشرعية وحاولي تقربي منها وحاولي تخوفيها يعني قولي لها لو مش أتعدلتي هقول لأبوكي أو حاولي تخدي منها الخط وهي نايمة يعني من غير ما تعرف من فونها أو خبي تلفونها يعني وقولي مش عارفة هو فين أو الخط شوفي كده وحاولي تكوني صاحبتها يعني وعموما قولي لها ربنا مش هيوفقك طول ما أنتي بتعملي كده وغاضب عليكي وقربي منه الحياة قصيرة وهنموت وهنبقي عظام أنتي حاولي تقولي آخرتها أي وهكذا وتقرب من ربنا قدر الأمكان هي هتلاقيها سن مراهقة بس لازم تلحقيها قبل ما يسوء الوضع لأن شاب ممكن يبقي عاوزها تبقي له ويفضحها لولا بعدت عنه غير أنها بتتسلي ممكن حد تحبه جداً وهو بيتسلي بيها وتنجرح جداً حاولي تقرب منها جداً لأن العواقب خطيرة
تم النشر السبت، ٣ فبراير ٢٠٢٤
دا طبيعي هي مرحله مراهقه ومحتاجه توجيه باكثر من طريقه... بالطريقه اللي هي تستجاب بيها بدون تهديد او عيند وعصابيه... اقعد معاها اتكلم معاها احتويها خرجها اتصور معاها حسسها بامان عوضلها الفراغ العاطفي اللي هي حاسه بيه... نقول تاني مفيش بنت بتتجه لحد بره البيت الا اذا كان البيت مش مالي كل دوافعها وبالتالي بتتجه لبديل التعويض عشان تاخد الحاجه اللي نقصاها من
تم النشر الجمعة، ٢ فبراير ٢٠٢٤
شكرا جداً ليكو انا مش همسح السؤال هسيبه عشان غيري يستفاد
تم النشر الجمعة، ٢ فبراير ٢٠٢٤
هي غالبا بتعمل كدا عشان عندها فراغ عاطفي حاول انت تعوضها عن دا صاحبها وخرجها هاتلها هديه في مره اقعد احكي معاها وخليها تطمنلك خليك جنبها واتكلم معاها في الموضوع دا برفق وان هو ممكن يإذيها بس حاول انت تقرب منها خاصة انها في سن المراهقه ودي حاجات طبيعيه في السن دا هي بس بتدور علي الاحتواء
تم النشر الجمعة، ٢ فبراير ٢٠٢٤
بسيطه عوض انت إلى هيه بتحتاجه من الشباب إلى بره وساعتها مش هيبقى ليهم لازمه عنده لانك معوض بدلهم سواء انت او اول راجل شافته فى حياته إلى هو ابوك
تم النشر الأحد، ٤ فبراير ٢٠٢٤
قرب منها وصاحبها اخرجو حاول تعرف ايه نقصها علشان تدور ع الخب والحنان برا البيت الله يهديها ويهدنا جميعا
تم النشر السبت، ٣ فبراير ٢٠٢٤
اعد معاها وقولها انك هتديها الثقه الكامله انها مش هتكلم شباب تاني واللا تقول لوالدك دلوقتي وهيا تختار لكن مش بلغه التهديد لكن بلغه الامان 🙂
تم النشر الجمعة، ٢ فبراير ٢٠٢٤
انصحها بأستمرار ولو مستجابتش ، هددها بأنك تقول للوالد
تم النشر الجمعة، ٢ فبراير ٢٠٢٤
خد منها انت الموبيل وهددها انك تقول لباباها وبعدين خدها خرجها واتكلم معاها براحه وبهدوء وخد كل الباسورد بتاعتها وقلها لو اديتك الموبيل هرقبك لحد متعقل
تم النشر السبت، ٣ فبراير ٢٠٢٤
لعرض السؤال في فدني اضغط هنا