خليني أسألك سؤال صريح…
إنت بتحب؟
ولا متعلق؟
في فرق كبير بينهم… بس محدش بياخد باله
الحب:
بيخليك مرتاح
مطمّن
عارف نفسك
التعلق:
بيخليك قلقان
خايف يتسابك
مستني رد… ومستني اهتمام… ومستني أي حاجة
الحب بيكبرك
التعلق بيستهلكك
ولو إنت حاسس إنك بتتعب أكتر ما بترتاح…
يبقى لازم تقف مع نفسك شوية
مش كل اللي بنحسه حب…
بعضه خوف من الوحدة بس 💔
الحب هو إحساس بالطمأنينة و الأمان ، الحب غرضة ان انا عايز اكون مع الشخص ده، التعلق بيكون بسبب ان انا محتاج الشخص ده و الفرق ما بين العوز و الاحتياج كبير ، عايزه فأنا اقدر اعيش من غيره ، بس الحياة معاه ليها طعم الذ ، محتاجه يبقى بعده هيأذيني علشان بيكمل حاجه ناقصه جوايا أنا ما قدرتش اكملها بنفسي ، فبقيت محتاج لطرف خارجي يكملهالي بدل ما اشتغل على نفسي و اعالجها ، الحب حالة من الإستقرار العاطفي و النفسي ، التعلق حالة من الاهتياج ، و اللي بيحدد إحنا بننجذب لأي نوع ، هو مدى صلابتنا النفسية و نضجنا العاطفي
تم النشر الثلاثاء، ٢٤ مارس ٢٠٢٦
اظن كمان ان الحب الحقيقي بيداوي جروحك علشان ميقدرش علي وجعك لكن التعلق بيعالج جروحك علشان محدش غيره يعالجك
تم النشر الثلاثاء، ٢٤ مارس ٢٠٢٦
كلام سليم وكل حاجه بس احب اضيف على كلام حضرتك حاجه بعد اذنك مقارنه بسيطه بس الحب (أنا بحبك، وأتمنى أن نكون مع بعض) التعلق (أنا مش هقدر اعيش من غيرك ) الحب (أفرح لفرحك حتى لو لم مش سببه.) التعلق (لازم اكون انا سبب سعادتك الوحيد ). الحب (أحترم مساحتك الخاصة واثق فيك ) التعلق (يراقب تفاصيلك عشان خايف أنك تسيبني ). اتمنى اكون زودت حاجه مهمه ،ربنا يحفظك ويسعدك
تم النشر الثلاثاء، ٢٤ مارس ٢٠٢٦
الحب ده دواء أما التعلق ده مرض😊
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا