انا خريجة كلية علمية وبعد ما تخرجت بفترة اشتغلت تبع مجالي بفضل الله انا إنسانة بشتغل من صغري جدا ونزلت السوق بدري بدري وشفت الصالح والطالح وكنت شبه شايلة البيت عندي نظرا لظروف ولدي المرضية حتى لو كان بيساعدني بس مش دائم نزلت الشغل وكان المرتب مش كبير اوي بس وافقت على أساس أنه دخل ثابت المهم كنا تيم فالشغل ومشي كذا حد وبقيت انا ومديري يعتبر بس وهو اكبر مني ب3 سنين فالفترة دي هو بدأ يتقرب مني وكان بيتكلم معايا بس كلامنا فالشغل ومفيش حاجه خارجه الحمدلله وطريقة تقربه أن بيلمح أنه عايز يتقدم ليا بس يعرف لو انا مرتبطة طب ميولي وأفكاري ايه هي فالفترة دي كان عندي مشاكل فالبيت وكان مضغوط عليا فكنت محتاجة كلمة طيبة اسمعها من حد وهو كان متدين وكان حكى ليا عن بنت خطبها بس مكملش معاها مكنتش اعرف ليه لغاية ما تعرفنا علي بعض جامد او حصل ارتباط ما بينا أنه سابها بسبب اخلاقها متنسابهوش وهو مكملش معاها كام شهر وكل حاجه اتضحت منها المهم في فترة ضغطي دي بعد إلحاح منه جامد كتير اوي خلاني احكي ليه انا مضغوطة ليه بس مش كل حاجه قلتها بس اللي وجعني تقريبا قلته فالوقت دا اعترف ليا أنه عايز يتجوزني وان كبرت في نظره وهيكلم أهله عليا ويجي يتقدم انا رفضت كنت خايفة الموضوع يبقى شفقة منه وانا اعتمادية اوي قلت ليه أن هبني نفسي الاول بعدين هفكر فالموضوع دا وقعدت فترة هو بيتحايل عليا عشان اوافق وصليت استخارة وهو صلى وحصل قبول ووافقت بس هو كان مفهمني بصراحة من قبلها أنه هيستنى كام شهر لو في خطوبة عشان فالفترة دي أخته بتتجهز وهو بيساعد في جهازها ووافقت وقلت ليه معنديش مشكلة وطالما انت شاريني هستناك وبدأ ما بينا كلام بقى تعارف علي بعض فالبداية اهلي رفضوا المكالمات ما بينا والشات خالص ورفض اهلي مكنش هين يعني كان ممكن اضرب منهم اتحرم من الاكل يعني عقاب مش صعب كان أشد من الصعب بعدها فهمت اهلي الموضوع لما اتأكدت منه هو أنه مش هيبقى عيل وقد كلامه واهلي قالوا مفيهاش مشكلة بس الكلام يبقى فالمعقول ما بينكم وهو سافر لأهله لانه من الصعيد وانا من الصعيد برضو بس أنا مولودة فالقاهرة واستقراري فيها معرفش حاجه من الصعيد لما سافر لأهله أهله كانوا رافضين شوية عشان انت بنت بحري ومش هعرف أشيل مسئولية وبعدين تقبلوا دا وهو قال ليا حتى لو هم رافضين انا مش هسيبك بس يعني كان فيه قبول شوية حصل ما بينا بعض التجاوزات فالكلام شوية بعدين استغفرنا ورجعنا وقلنا الكلام يعني مثلا بحبك وحشتيني خليه في وقته اللي هو بعد كتب الكتاب ودا الصح وبطلنا الحمدلله انا حصل ليا ظروف فالشغل والمدير كان معاند معايا وحالتي النفسية اتدهورت بسبب الشغل استخرت الله وقلت همشي منه بس انا ساعات كنت اللاقي منه موقف قوي قدام المدير يدافع عني وأوقات لا كأنه مش موجود وكان يقولي متربطيش اللي ما بينا بالشغل كنت بقول ليه انت تقف مع الحق متبقاش متخاذل ايا كان مين اللي معاك فالشغل وقبل ما امشي كان هو مسافر بلده واخد إجازة كان عندي نقص فالشغل اتصلت بيه اشوفه اقدر اكمل النقص دا ازاي سمعت أخته بتغلط فيا وهو من كسوفه قفل معايا بسرعة فالمكالمة ولما واجهته بعد كدا بس كان في مكالمة تاني مرضيش يقول ليا لغاية ما جه من بلده وواجهته فعلا قال ليا أنه حصل كدا بس اتخانق مع أخته وكان هيمد أيده عليها والموضوع كبر وعرفت بعدها أن فالسفرية دي مامته واخته حسوا اني اخدته منهم بدأوا يدوروا ليه علي عرايس وبدأوا غيرة من ناحيتي لأن هو قريب منهم كنت بحكي لاهلي واخدت رأيهم قالولي طول ما هو سند ليك ميهمكيش هم وبعدين لما يحصل نصيب هتشوفيهم كل فين وفين فالاجازات بس واحنا بعاد عن بعض بعدها حسيته أنه عايز بعد كدا أننا نعيش فالبلد فأنا رفضت وقلت ليه علي اتفاقنا أننا نعيش فالقاهرة وان شغلنا هنا ودراستنا هنعمل ايه هناك وبعدها انا مشيت من الشغل كان علي آخر السنة 2023 المشكلة اللي حصلت قبل ما امشي أن المدير منعني ادخل مكان الشغل عن طريقه وقفه يمنعني ان ادخل وحصل كام حاجه اتبهدلت فاليوم دا بس لولا ستر ربنا معايا هو قال ليا إن مش قصده يعمل كدا بس يكره أنه يدخلني مكان مڜ مرحب بيا وهو فضل معايا لغاية ما مشيت ومدخلش الشغل زيه زي بعدها اتقابلنا انا وهو وجماعة معانا من الشغل كنا بنقدم في شغل تاني حكيت ليهم وهو كان موجود اللي حصل ليا بالتفاصيل عشان هم كانوا عارفين قشور عن الموضوع هو اتضايق وحس أن اتظلمت واخد ريأكشن ضد المدير ودخلوا في كام مشكلة مع بعض بعدها هو تعب وحصلت ليه ظروف ربنا يعلم كنت معاه ازاي فيها وبصراحة هو وقف معايا في كذا حاجه وخصوصا أن جالي تعب تبع قلبي كان واقف جنبي ووالدتي تعبت وهو كان معايا والدنيا كانت زي الفل اه بيحصل مشاكل بس كانت بتتعدى بسهولة مكنتش بهون عليه أن ابات زعلانة لحد ما لقيته بدأ يبعد بالكلام والسؤال بقيت اسال انا واقرب انا مرة فالتانية بدأت اتخنق من بعده هو حس بدأ يكلمني ويخلينا نتقابل ويخرجني ويبعد تاني لحد ما حصل ليه حالة وفاة وهو اكتئب فكرت حد قريب منه سألته مكنش بيجاوب وكان بيتعصب عليا لما اواسيه بس برضو مسبتهوش قلت اقف جنبه واساعده هو تعبان وحزين محتاج اللي يكون معاه وانا معرفش مين حتى اللي مات عنده ومستغربة ليه مش راضي يقول ليا المهم سافر البلد عشان يعزي فاللي مات وفي الفترة دي مكنش بيكلمني طول ما هو فالبيت برا البيت بيكلمني عادي قلت عشان أهله ويهدي الموضوع خصوصا أن فاضل حاجه قليلة علي خطوبتنا واتقدم ليا كذا حد ورفضته والله عشان بشتريه جه من البلد متحول خالص والبعد بدأ يزيد كل مرة اساله يقولي مشغول تعبان او يتخانق معايا بطلت اساله او ابدأ انا بالسؤال عشان تعبت والله لحد ما انقطع ما بينا التواصل خالص كنت تعبانه فالفترة دي بسبب قلبي وهو كان عارف مسألش عليا وانشغل عني نهائي كلمته رد عليا بعصبية واول ما حسيت أنه هيفتح في الخناق قفلت الموضوع وقفلت معاه وقعدنا كام يوم منكلمش بعض بعدها دخلت اسال عليه رد عليا باختصار ومسألش عليا منعت عنه الكلام خالص بقى يبعت ليا كورسات استفيد منها وانا مش برد عليه لحد ما دخلت علي صفحته واكتشفت أن اللي مات دا اخ بنت عنده عالصفحة والبنت دي من البلد عنده وفي نفس الكلية بس هي صغيرة عني أنا يعني هو ملحقهاش فالكلية يشوفها وبدأت اجمع كام حاجه ببعض وبصراحة اتصلت بيه واجهته ببعض الحاجات يعني سفره وزعله علي اللي مات وكأنه من باقي أهله ومين البنت دي مرضيش يقولي البنت مين او عرفها ازاي بس كان بيتلغبط في اسمي باسمها بس لم ينكر باقي الكلام قلت ليه طب برر ليا اللي انت عملته عملت ليه كدا انت بتخسرني قالي معنديش مبرر ليك شكرته وقفلت معاه ومكنش قدامي غير أن أعمل ليه بلوك من كل مواقع التواصل هو تقريبا معرفش اتصل بيا تاني يوم مردتش عليه وعالاغلب اكتشف أن عملت ليه بلوك بعدها مكلمنيش ولا حاول يتواصل تاني معايا الكلام دا لسه من 3 ايام فأنا لسه الجرح جوايا لو هو خاني وفي حد في حياته تاني وانا كنت بسأله خلينا اصحاب واحكي ليا حتى لو حاجه هتضايقني بس نبقى مع بعض ونحلها سوا انا مش فكرة عايزة ارجع ليه انا عايزة اعرف ليه ومكنش ما بينا غير الود فعلا الخير في حياتنا وبس وهو كان قبلها مأكد عليا أنه جاي عشان يأكد الخطوبة علي اهلي هو دخل بيتنا واتعرف علي اهلي وعرف كتير عني انا رفعت عنه البلوك النهاردة وقلت لو جه كلمني هيبقي وجوده زي عدمه ومحسسهوش ان هكبرها في حقه هو ميستحقش بس انا موجوعة وخايفة اكون ظلمته ومديتهوش فرصة يتكلم عن نفسه عشان كان فالشغل لما كلمته ومش عارفه اعمل ايه فعلا ولسه بفتكر علاقته مع اهلي وكنا نخرج كلنا سوا واللي كان بيعمله عشاني وفي نفس الوقت بفتكر اللي حصل وتغيرها عليا وقلة اهتمامه وأنه سابني حتى مسألش من باب الود انا وصلت لايه في علاجي وفي تعبي طب انا عاملة ايه اي كلام يحصل حتى يكتب رسالة ويمسحها مفيش خالص
واضح انه شخص فى الاول والاخر بيروح لمصلحته واتأثر بكلام اهله او برأيهم فى الاخر او كان اصلا مايل لحب واحده وارتبط بيكى نوع من النسيان ليها ولما عرف ان حبه ليها اقوى معرفش يشرحلك طبعا ولا يفهمك وبقى بيبعد تلقائى . فى الاول والاخر هو واحد وعد بوعد ومكنش قده يعنى متشوفييش فى الموضوع اكتر من القفله دى ومتنتظريش انه يعمل حاجة وانتى كفايه وكويس انك اخدتى القرار ده انك تقفلى الباب ده .
تم النشر الأربعاء، ١٤ فبراير ٢٠٢٤
عجبني اسلوبك الراقي وتربيتك علي الاحترام عجبني خوف أهلك عليك وحرصهم علي سمعتك لذلك نسأل الله العظيم رب العرش العظيم ان يهديك الي طريق الحق وأن يرزقك برجل تكمن فيه مواصفات الرجولة... ندخل في الموضوع حتي لا أطيل عليك ؛ باختصار شديد جدا الواضح من كلام معاليك انك تعلقتي به تعلق جزئيا وليس كلي وهذا هو افضل شئ في الموضوع. ليه؟؟؟ علشان دا شخص بحب واحده تانيه وموش قادر ينسها ،دا شخص محاولش يفهمك هو ليه بيعمل كده دانا فكرة إلا مات "امه" الموضوع اكبر من كده وانتي ليس علي البر واكيد موش هتعرفي تعومي في جوا الكذب دا فبلاش ندخل جوا اوووي انا عارف إن البداية كانت جميله ، بس فيه بدايات احسن وافضل ليس هتجي هو لو شريك موش هيكلمك بالعكس هيجي ليكم البيت وهيتقدم ودا إلا كان المفروض يحصل في الاول ... انا ملاحظ انك موش مراهقه خالص بالعكس عند نضج ودا ظاهر في كلامك . المفروض إلا يحصل أي _ اعملي ليه بلوك تاني امسحي الماضي كله بحلوه أو مره ارجعي شغلك وفكري في مستقبلك حافظي علي أهلك وسمعتك إلا رزقك قبل هيرزقك بعد فرب الماضي هو رب المستقبل 🕊️🌸
تم النشر الخميس، ١٥ فبراير ٢٠٢٤
بتمنى جدا كلامي يكون فادك ولو شويه بعد كلامي دا ليكي تقرري انتي شايفه ايه دي اساسيات العلاقه الناجع مع شويه توضيحات
تم النشر الخميس، ١٥ فبراير ٢٠٢٤
اولا لازم تعرفي كويس جدا أنه لو بيحبك مش هيخلي موت اي حد يأثر علي خوفه عليكي انتي المركز الاول وفي أقصى حاجه ممكن المركز الثاني ،ثانيا العلاقه لازم فيها اهتمام متبادل ،ثالثا لو مكنش محبي حاجه وكان انسان واضح وصريح كان قلك ،رابعا والأهم ان الجرح دا يقويكي و ي جميل لو فكره ان دا اخر راجل في الدنيا تبقي غلطانه في ناس كتير جدا وشبابا جدعان ورجاله عين الشمس واكيد في راجل منهم شبهك ويناسبك وتبداى علاقه صحيه فيها اهتمام متبادل وحب متبادل وسند بجد ال يقف معاكي في الكبيره قبل الصغيره وميسبكيش لاي سبب لانه مش هي ربستحمل يبعد عنك ثانيه وهيدافع عنك ويحارب الكون كله حرفيا علشانك انتي بس مش كلام وخلاص ولازم تعزيزي نفسك م
تم النشر الخميس، ١٥ فبراير ٢٠٢٤
لعرض السؤال في فدني اضغط هنا