بصي يا بنت الناس أنتي كائن بشري ضعيف مش إله والكمال لله وحده والوهم اللي أنتي عايشة فيه دا اسمه شهوة النفس في إن كل حاجة تطلع توب التوب ودا بيعطلك عن العبودية الحقيقية وعن السعي وبيدخلك في دايرة من النكد والهم ملهاش أول من آخر النفس دي محتاجة فقه ومحتاجة تربية ومحتاجة تفهميها إنك بتسعي عشان دا واجبك وعبادتك مش عشان تبهري نفسك ولا تبهري الناس النتيجة دي بتاعة ربنا والعمل والنقص دا طبيعتنا كبشر فقولي لنفسك أنا أمة لربنا مش عبدة للمثالية واقبلي ضعفك البشري عشان تحسي بالطمأنينة والراحة ومتخليش الشيطان يدخل ليكي من باب الإتقان ويهد حيلك ونفسيتك بالوساوس دي قومي واشتغلي وافرحي بالقليل وطالما بذلتي المجهود يبقى خلاص ارمي حمولك على الله وقولي الحمد لله على المتاح وسيبك من وهم المثالية اللي بيضيع العمر في الفاضي.. ولو ركزتي هتلاقي نفسك عايزه تعملي حجات كتير ..وعايزه ابقى كل حاجه وده وهم الكمال أو المثاليه ..اقبلي انك انسانه ضعيفه... ربنا يحفظك ويوفقك
جزاكي الله كل الخير.
تم النشر الجمعة، ٥ يونيو ٢٠٢٦
شكرا جدا..جزاك الله خيراً.
تم النشر الجمعة، ٥ يونيو ٢٠٢٦
الشكر لله ربنا يحفظك ويوفقك لما يحب ويرضى
تم النشر الجمعة، ٥ يونيو ٢٠٢٦
عندك عايزه تتابعي سلسلة فديوهات ... للدكتور عبدالرحمن ذاكر الهاشمي... سلسله ونفس ١٦حلقه ... او ممكن تسمعي فديو ليه اسمو أقل القليل .. أو فقه اليوم والليله... بس السلسله هتلاقي فيها حجات مفيده جدا .. بس لو مش فاضيه ممكن تسمعي الفديوهين دو يكفوكي ... موفقه باذن الله
تم النشر الجمعة، ٥ يونيو ٢٠٢٦
بجد شكرا لحضرتك كلامك صح...اه تمام اتفضل مفيش مشكله
تم النشر الجمعة، ٥ يونيو ٢٠٢٦
يا بنت الناس ما هو دا بالظبط فخ النفس علة العصر هي وهم الإنجاز والجاهزية إنك عايزة تنطي السلم مرة واحدة وتملكي كل حاجة في لحظة واليوم اللي تجيب فيه خمس كتب مرة واحدة دا مش حرص على العلم دا شهوة نفس وعجلة الشيطان بيدخل لك من باب الحماس الزايد عشان يوقعك في العجز والكسل لما تلاقي الحمل تقيل فتقومي جالدة نفسك وتقفلي الدايرة على روحك والحل هنا مش في دماغك المبرمجة على الكل أو لا شيء الحل في كسر الصنم دا بالعمل الصغير الدائم النفس دي لازم تتربى بالتدريج فلو قفلتي الباب على خمس كتب واكتفيتي بصفحتين اتنين بس في اليوم والتزمتي بيهم هنا أنتي بتكسري كبرياء النفس وبتربيها على العبودية الحقيقية مش وهم البطولات الخارقة الدماغ مش هتقتنع بالكلام والنظريات الدماغ هتقتنع لما تشوفي نفسك بتنجزي حاجة صغيرة وتعدي عليها أيام وأسابيع وأنتي مستمرة فخفي على نفسك وبطلي مثالية كدابة وابدأي بحاجة تافهة وبسيطة والتزمي بيها ومتخليش الشيطان يضحك عليكي ويوهمك إن القليل ملوش قيمة لأن القليل الدائم عند ربنا وعند العقل والنفس افضل بمليون مرة من الخمس كتب اللي متفتحوش وفي الآخر بيجيبوا لك الإحباط والهم... لو عايزة ارشحلك حاجه تفيدك ومستعده تبدائي فيها تمام عايزه حاجه سريعه تمام برضه مش مشكله ....
تم النشر الجمعة، ٥ يونيو ٢٠٢٦
والله عندك حق، وكل الكلام ده أنا فعلًا عارفاه وحاولت أطبقه مليون مرة. بس المشكلة إن دماغي نفسها مش مقتنعة، كأنها ماشية بمبدأ الكل أو لا شيء. حرفيًا ممكن أجيب 5 كتب مرة واحدة وأقول هبدأ بيهم وأطوّر نفسي و دا اللي حصل النهارده. وفي الآخر ولا كتاب يخلص. أفضل ألف حوالين نفسي وأجلدها إني حتى الحاجة اللي بحبها معرفتش أعملها بشكل كفاية..فبحس إن بدل ما الموضوع يساعدني أتطور، أوقات بيقفل الدايرة عليّا أكتر.
تم النشر الجمعة، ٥ يونيو ٢٠٢٦
لعرض الإجابة في فدني اضغط هنا