انا حقيقي تعبانه نفسيا لدرجه صعبه انا مرتبطه ب والدي اوي وهو مريض اكتئاب وقلق والحاله دي عنده يعتبر من عشر سنين بس بيخف ويرجع وهكذا يعني علي كل 3 سنين بيدخل فيه وياخد ادويه او يتحجز ويرجع كويس ..الموضوع ده كان عنده قبل رمضان والمفروض انه دخل مستشفي وخرج كويس كنت بنهار حقيقي عشت شهر كنت مبنامش م الكوابيس ومش قادرة لانه كان بعيد عني ومفيش تواصل وخرج الحمدلله وقعد شهرين كويس وعلي أول رمضان من الصيام ولغبطه مواعيد الدوا رجع تاني دخل فيه.. كنت ما صدقت افوق واحس ان حياتي طبيعيه ومبسوطه بالاجواء حواليا واني شيفاه كويس ومعرفش ده حصل ليه عشان تغيير المواعيد او الصيام او ايه معرفش وخصوصا فرحي قرب وفي مرحله التجهيزات حاليا انا محبطه وبقول استغفر الله ليه يارب مش سايبني افرح ليه حياتي مش زي الناس عادي وليه دايما بيتنا جواه الحاجات دي ..موضوع صعب مش قادره اشاركه مع حد محدش هيفهم المعاناه اللي انا فيها انا بحب بابا اوي واول ما بيتعب بيجلي وسواس انه هيسبني او هيحصل حاجه لقدر الله والادويه النفسيه بتتعبه وبخاف عليه وبحس اني عايزه انتحر ومش قادره اكمل بصلي وبعيط وبستغفر بس بجد تعبت
اهدي كده حقك تخافي ع بباكي وتحبي انك تحسي ان البيت مستقر وهو معاكم بصحه وعافيه ومبسوط عموما في اكتأب موسمي بيجي بين الصيف والشتا مع تغير الفصول وبيسبب تقلبات مزاجيه مع الادويه الي بياخدها لو مش جايبه نتيجه بترجعي للدكتور بتقوليله ي يقرر انه ميصمش عشان في خطوره عليه او يغير نوع علاج معين يناسب فترات الصيام وعايزاكي تتعاملي مع الموضوع بسلاسه ان المرض النفسيه زيه زي اي مرض عضوي ف هتيجي تقارني بابا بعد الشر يكون بيروح مستشفى كل فتره عشان عند لقدر الله ورم ولا عشان اكتأب قلق وهيطلع شهر ويبقا كويس طيب يكون بيغسل كلى ولا عنده اكتأب ولا يكون عنده القلب وخايفين ف اي لحظه انفعال يتعب ومتلحقهوش افكار زي دي بتخليكي راضيه بالوضع الي هو فيه وتقولي كلمه واحده الحمد لله انه معايا ومعندهوش مرض خطير عضوي مقدرش اساعده فيه والامراض النفسيه ف تعامل الاهل معاها محتاج بس سلاسه انك تفهمي امتى بتبجي النوبات واسبابها ايه ولو حصل معاه كذا اتصرف ازاي ومحتاج روتين لحياته عامل ايه عشان ميحتجش انه يروح المستشفى كل شويه وهيتحسن ويبقا كويس ويحضر فرحك ويفرح بيكي جدا خلي ده ف ذهنك دايما
تم النشر الثلاثاء، ٢٨ مارس ٢٠٢٣
اولا الف مبروك يا عروسة ....الفرحة موجودة اهيه...ربنا يتمملك بالخير عارفه اللى انتى عايشة فيه ده ...فى غيرك بيشوفه ده العادى اللى هو يتمناه ...يتمنى يلاقى ابوه عايش حتى لو بيتعب كتير ....وبيقول زيك ياريتنى عايش العادى ده وابويا موجود حتى لو تعبان . مفيش عادى عام على البشرية كلها. العادى بتاع كل واحد فينا هو العادى الحقيقي مقدرة تعبك وضيقك ولغبطتك. بس استشعرى الفرحة ولو واحد وسط عشرة ....ربنا يبارك فى بابا وفى عمره ويفضل حسه فى الدنيا اهم واكبر فرحة تنور قلبك دايما. تعلقك بيه طبيعى يعمل فيكى حالة التوتر دى اول ما يبعد بسبب التعب....هونى على نفسك بانك كل ما تحسي بتعلقك ببابا اعملى خير باسمه ...اتكلمى عنه مع اللى حواليكى بكل فخر. اسأل الله ان يرزقك التفس المطمئنة .
تم النشر الاثنين، ٢٧ مارس ٢٠٢٣
هل في مرة تخيلتي الحياة من غيره؟ هقولك على حاجه هي صعبة طبعا في الاول ... ولكن جربي كده كل يوم او مثلا ممكن تعملي كده كل ما تقدري ... يومين مثلا في الاسبوع جلسة قبل ما تنامي ولوحدك تغمضي عينك والجو يبقى هادي فى غرفتك وتخيلي. تخيلي وتعملي سيناريو في دماغك ان الاشياء اللي متعلقة بيها اصبحت مش موجودة، حتى لو حاجات بسيطة عندك، بعد كده ابدأي بالناس اللي حواليكي .. اصبحوا مش موجودين؟ تخيلي وعيشي واعملي حياة من غيرهم، اتكلمي مع نفسك ... اعملي حلول ... هتقدري تعدي ده ازاي من غيرهم، وهما مش معاكي. بس اللي عايزة اقوله ليكي، ان اي حاجة في اولها صعبة، اي حاجة ... مهما كانت لازم تبقى صعبة، وتعلقك ب بابا واضح انه شديد شوية عن اي حاجة واي حد، بس لازم تعرفي ان اساسا محدش باقي لحد، كلنا هنسبها، احنا كلنا ماشين، اعتبري انه مسافر رايح لبيته الابدي، واعتبري ان الحياة ديه مجرد لعبة، مسرحية، حاجة مزيفة .. لان في الحقيقة هي كده. اللي بيروح ويمشي بيروح لحاجة احسن .. كانه بيرجع بيته الحقيقي مش المزيف. اي حد هيمشي مش هتبقى اخر مرة تشوفيه، هيبقى معاكي فوق لما تروحي له. احنا جايين هنا نأدي مهمة لينا واللي بيخلص اختباره الاول بيطلع. حاولي تتقلمي على الفكر ده من دلوقتي، علشان بعد كده ميبقاش صعب عليكي. والف سلامة على بابا، وربنا يشفيه ويعافيه
تم النشر الاثنين، ٢٧ مارس ٢٠٢٣
اولا الف سلامه علي والد حضرتك هل حضرتك عندك وسواس ولا دا بيجي عشان والد حضرتك بس وطبعا انتي مؤمنه بربنا بلاش الانتحار والكلام عن موضوع دا البيوت كلها فيها حاجات حلوه وحشه ربنا هو اللي عايز كدا وقادر علي كل حاجه بس صلي وادعي وقربي دايما من ربنا
تم النشر الاثنين، ٢٧ مارس ٢٠٢٣
أنا آسفة لسماع ذلك، هذا يبدو أنه ليس أمرًا سهلاً بالنسبة لك. أولاً، لا تشعري بالذنب لأنك تشعرين هكذا. من الطبيعي أن تشعري بالحزن والضعف في ظروفك الحالية. ولكن لا تفكري في الانتحار، هذا ليس الحل. عندما يكون شخصًا قريبًا منك مريضًا، فهذا يؤثر عليك بشكل كبير، وهذا طبيعي. يمكن أن يساعد الحديث مع أحدهم في الشعور بالتخفيف من الشعور بالوحدة والضغط الذي يشعر به الشخص. هل لديك صديق أو صديقة تثقين به وتودين مشاركته الموضوع؟ كما يجب أن تتأكدي من العناية بنفسك. حافظي على الحد الأدنى من النظام الغذائي وممارسة الرياضة، فهذا سيساعدك على مواجهة الضغط العاطفي والنفسي. ولكن لا تترددي في الحصول على العلاج النفسي إذا كان ذلك مناسبًا لك، فقد يكون هذا مفيدًا بالنسبة لك للتعامل مع الأزمات. وأخيرًا، يمكنك الاستماع إلى الموسيقى المفضلة أو القيام بأنشطة تستمتعين بها. هذا قد يساعد في تحسين مزاجك وتخفيف الضغط العاطفي. دعينا نتعاون سويًا في إيجاد الحلول. لا تترددي في الاتصال بي عند الحاجة إلى أي دعم أو مساعدة.
تم النشر الاثنين، ٢٧ مارس ٢٠٢٣
لعرض السؤال في فدني اضغط هنا