قولوا رايكوا بكل صدق
أنا ياجماعه لما بعوز حاجه لازم تجيلي مهما كانت درجة صعوبتها وياريت بيبقى في حاجه مفيده لا أنا معترفه أنها حاجات تافهه و ملهاش طعم يعني مثلا شوفت اكونت ولد قدامي في انستا و الولد دا انا شوفتوا في الحقيقه برضو كان ساعتها منزل استوري شوفت الاستوري و دورت في الاكونت و كدا المهم الولد دا معداش اسبوع و كان باعتلي.
الغريب بقا أن أنا مكلمتوش و اعجابي بيه حرفيا اختفى بعد ما بعتلي حسيت أن أنا كنت بثبت لنفسي ساعتها أن أنا أقدر اجيب اي حد ولما الحاجه دي جت سيبتها.
مش دي المشكله المشكله اني شوفت صاحب الولد دا و برضو شوفتوا في الحقيقه المهم عملت نفس الحركه اللي عملتها مع الولد الاول و كنت بشوفوا كتير اوي بس مكنش حتى بيبص مع أن غيروا عكس كدا وهو مبينش اي اهتمام
الموضوع كان من ٤ شهور اعتقد ولحد دلوقتي لسه بفكر فيه و بدخل ادور في اكونتاتوا و الريبوستات وبقيت يعتبر استوكر للولد دا و متضايقه جدااااا من الموضوع دا لاني مش كدا خالص و دي مش حركاتي اني اقعد اراقب حد بس أنا حرفيا مبقتش فهماني.
مع اني بنسبة ٩٠ في الميه الولد دا لو دخل كلمني مش هرد عليه و هنساه🙂. بس عندي شك لاني زي ما قولتلكوا الاتنين صحاب جامد فحاسه ان الاول حكى التاني عني بس دا بنسبه قليله اوي يعني و الفكره أنا متأكده أنو مش مرتبط
بصي يابنت الحلال اللي إنتي فيه ده استنزاف لقلبك في شيء لا يرضي الله ولا هيفيدك في الآخرة والقلب ده أمانة ربنا هيحاسبك عليها فبدل ما تشغلي بالك بمراقبة بشر زيك لا بيقدم ولا بيأخر ركزي في علاقتك بربنا وخليكي فاكرة إن من ترك شيئاً لله عوضه الله خيراً منه فلو تركتي المراقبة والتعلق الوهمي ده بنية إنك تحفظي قلبك وتصوني نفسك ربنا هيرزقك باللي يستاهلك فعلاً بالحلال وفي الوقت الصح ومن غير مجهود ولا مطاردة فاستغفري ربنا واشغلي لسانك بذكر الله بدل ما تشغلي عينك بالستوريات والبوستات اللي بتجيب لقلبك الهم والضيق وتأكدي إن الرزق سواء كان حب أو زواج مكتوب ومتقسم ومش هيجي باللف والدوران وراء الناس لكن هيجي بطاعة ربنا وعزة النفس ...والموضوع ملوش علاقة بالشابين هو ليه علاقة بيكي إنتي يعني لذة المطاردة دي مش حب إنتي معجبة بالتحدي بس وبدليل إن الولد الأول لما جالك بقيتي مش عايزاه وفقدتي الشغف وإنتي بتدوري على إثبات إنك تقدري تجيبي أي حد وده بيستهلك طاقتك عالفاضي ومراقبة الأكونتات والريبوستات دي حالة تعلق مرضي بوهم إنتي خلقتيه في خيالك لأن الشخص التاني مبيعملش أي مجهود تجاهك فإنتي بتملي الفراغ بالتحليل والمراقبة وفكرة إنك تثبتي لنفسك إنك قادرة توقعي حد دي طريقة بتقلل منك مش بتزودك والبنت الواثقة في نفسها مابتحتاجش تطارد حد عشان تتأكد إنها مرغوبة فنصيحتي ليكي اقفلي الأكونتات ديا وامسحي فكرة المراقبة من يومك وأشغلي وقتك بحاجة حقيقية بتضيف ليكي لأنك لو فضلتي كده هتضيعي مشاعرك في قصص وهمية وهتخسري احساس الاستمتاع بعلاقة طبيعية فيها تبادل حقيقي للمشاعر مش مجرد صيد وتحدي فكي التعلق إنتي أكبر من إنك تعيشي دور الاستوكير وجد والله ربنا يحفظك ويسعدك
تم النشر السبت، ٤ أبريل ٢٠٢٦
يا حبيبتي، أول حاجة: أنتِ مش لوحدك في الإحساس ده، وده مش يعني إنكِ "غريبة" أو "مش طبعك" زي ما بتقولي. خليني أقولك رأيي بكل صدق زي ما طلبتي: اللي بيحصل ده تحدي نفسي كلاسيكي . أنتِ بتثبتي لنفسكِ إنكِ "تقدري تجيبي أي حاجة"، بس لما التاني (صاحب الولد الأول) مردش، ده خلى الموضوع يتحول لـ"ليه هو مش مهتم؟" وده بيخلق دورة هوس زي اللي عندكِ دلوقتي. مش stalker حقيقي، بس التتبع ده بيأكل طاقتكِ ويضايقكِ بدون فايدة. والـ90% إنكِ مش هتردي؟ ده دليل إن المشكلة مش فيه، المشكلة في اللي جواكِ – رغبة في السيطرة أو إثبات الجاذبية. نصيحة عملية سريعة عشان تخرجي من الدورة دي: احذفي/بلوكي الحسابات فوراً – مش هتقدري تدخلي تاني، وده هيخليكِ تحسي براحة بعد يومين. غيري روتينك : ابدئي هواية جديدة زي الرياضة، قراءة كتاب، أو تعلمي skill أونلاين (زي التصميم أو الطبخ). ركزي طاقتكِ على "جيبي حاجة مفيدة لنفسكِ". روتين إسلامي يومي : صلي النوافل، اقرئي قرآن ولو 10 دقايق كل يوم، وادعي الله يبعد عنكِ اللي مش خير. التوكل ده هيغير نظرتكِ للحياة. تابعي تقدمكِ : اكتبي يومياً 3 حاجات شاكرة عليها، عشان تركزي على الإيجابي. أنتِ قوية وقدرتكِ دي هتستخدميها في حاجات أحسن بكتير، مش في ولد مش شايف قيمتكِ! لو عايزة دعم أكتر، دوري في أسئلة مشابهة في فدني، أو شوفي الخبراء هنا: https://www.fedni.net/experts – في متخصصين نفسيين جامدين. خليكِ بخير يا قمر، هتعدي! 💕
تم النشر السبت، ٤ أبريل ٢٠٢٦
انت نفسك تتكلم بطريقه مختلفه بس قلبك مش جايبك 😂. عامةً شكرا جدا و هفكر في كلامك كويس🤍
تم النشر السبت، ٤ أبريل ٢٠٢٦
أنا مقصدش بالكلام دا أن الشخص يدخل يكلمني وانا اعمل بلوك ف ابقى البنت الواو : لا مقصدش كدا خالص . اقصد اني برغم اني عارفه اني مش بحب الشخص دا و لو كلمني مش هرد عليه ليه من الاول اصلا دخلت الاستوري عندوا عشان يدخل يكلمني فاهمني ؟ أنا بهاجم تصرفي علفكره لو خدت بالك😂 و علفكره دي مش اول مره اعمل الحركه دي بس انا حكيت الموقف دا بالذات عشان الشخص التاني اللي هو تجاهلني و برغم كدا هو الوحيد اللي لسه فكراه. فحسيت اني بتشد اكتر للشخص التقيل اللي صعب حاجه تجذبوا بسهوله . وقولت أن هو مش مرتبط كاسؤال يعني أن مفيش حاجه تمنعوا بأن شخص في حياتوا أو كدا
تم النشر السبت، ٤ أبريل ٢٠٢٦
أنا نفسى أقول رأيى بس هيكون هجومى عليكى شويه بس ما علينا من رأيى ... سؤال بسيط يهمك فى إيه شاب مرتبط ولا مش مرتبط ؟ .... وانتى كدا مش بتعوزى أى حاجة وبتجيلك انتى بتتكلمى فى نقطة معينه واحدة فقط مش حاجات كتير يعنى والنقطة ديه أصلا موجودة عند معظم بنات الجيل دا ألا وهى الاهتمام من جانب بعض الشباب السيمب خلى بنت مثلا تنزل صوره ليها وخشى شوفى الرسايل الخاص عندها هتلاقى حدث ولا حرج من شباب باعتلها هل هى كدا لما بتعوز حاجة بتجيلها ؟! لا إطلاقا فاهمانى ...... وكون ان مثلا شاب بعتلك على الخاص وانتى عملتى بلوك ف انتى كدا مش جامدة ولا البنت الواو يعنى انتى بس عملتى اللى أمرك بيه ربك عز وجل علشان تحمى نفسك من عذاب جهنم مش أكتر ..... نصيحة من أخ لا يعرفك ولا تعرفيه امسحى ال انستا التطبيق دا أقذر تطبيق شوفتة فى حياتى وفيه من مهلكة وفساد قلبوب وعقل شباب وبنات المسلمين الشئ العظيم واللة ربنا يكتب لك اللى فيه الخير يارب
تم النشر السبت، ٤ أبريل ٢٠٢٦
أنا فهمت ومفهتش 😂 ،بس ال متأكد منه أننا احنا الاتنين فهمنا نقصد اى
تم النشر السبت، ٤ أبريل ٢٠٢٦
مش شرط الفقد يكون علاقة ارتباط بشخص "علاقة حب" الفقدان انواع أكبر واكتر من أننا نحصيها فى كومنت ، فتشى فى دفاترك كده
تم النشر السبت، ٤ أبريل ٢٠٢٦
طبيعى جدا تفكرى فى الحاجة اللى مش فى ايدك دلوقتى واول ما يبعتلك مثلا هتعملى بلوك لأنه يعتبر بقى فى ايدك فاهمانى أو زى ما كانوا بيقولوا زمان المتاح مزهود والممنوع مرغوب حاجة متاحه قدامة أزهد فيها ولكن حاجه مش متاحه أرغب فيها وأكون عايزها فاهمانى .... لكن حتة مع انه مش مرتبط ليه مكلمنيش ما ممكن يكون محترم يا شيخه ممكن يكون مسلم وعارف ان دا حرام مثلا أو ممكن يكون شمال عادى وبيكلم حد تانى عادى جدا ..... بس أنا دلوقتى اللى يهمنى انتى ! انتى شايفه ان اللى بتعمليه دا صح خلى بالك مفيش حاجه اسمها انا بنتقد نفسى ان أنا بخش اشوف استورى ل شاب واقعد على اكونته ديه مش مش مشكلة نفسية حضرتك دية يعنى ما علينا ... نصيحة من أخ استمرارك بالتفكير فى الشخص دا أو غيرة هيأذيكى نفسيا يا بنت الناس حاولى تعملى بلوك ليه هو وصاحبة أصلا واختارى سلامك النفسى كدا واقعدى فى بيتك كدا وحطى شريحتين خيار على عينك بعد ما تغمضيها واسألى نفسك بكل سلام واطمئنان سؤال واحد بس هى البيضة جات الأول ولا الفرخة 🥺
تم النشر السبت، ٤ أبريل ٢٠٢٦
ولا فقد قديم ولا اي حاجه. أنا عامة عمري ما حبيت شخص دائما بتبقى مشاعري مؤقته ومع الوقت بتروح
تم النشر السبت، ٤ أبريل ٢٠٢٦
حب امتلاك دا ، نابع من فقد قديم ممكن
تم النشر السبت، ٤ أبريل ٢٠٢٦
لعرض السؤال في فدني اضغط هنا