صباح الخير
أنا عندي مشكله بس انا مش عارفه احلها المشكله اني عندي بنت عندها دلوقتي 25 سنه ونص البنت ديت. انا في الاول خالص في بدايه حياتي ابوها توفى ويعدها سنه ونصف وبعد خمس سنين اتجوزت واحد ثاني وخلفت منه ولد وبنت وبعد كده الراجل ده معاه حياه صعبه. لاسباب ما مش عايزه أخوض فيها وكده المهم ان هو طلقني بعديها.
المشكله مش كده المشكله ان البنت دي شافت معايا كل حاجه وحشه في حياتي انا وحشه وسيئه كثيره جدا في حياتي وانا نفسيا مش مضبوطه وعلاقاتي يعني اللي انا اتجوزته لا أبوها ولا زوجي الثاني ما كانتش مضبوطه فالبنت عندها ما اعرفش ما عندهاش القدره انها تخش في علاقه او تتعامل مع الناس او او حاجه زي كده
المهم ان هي من فتره اتعرفت على واحد اكبر منها بثمان سنين الراجل ده هي كانت شغاله هي المدير بتاعها في الشركه اشتغلت معاه في الشركه وقعدت معاه بتاع ست شهور في الشركه وبعد كده راحت شغل ثاني هو ما كانش عايز يسيبها تمشي خالص من الشركه.
المهم يعني الخلاصه ان هي قالت له خلاص هشتغل معاك بارت تايم بقت تشتغل معاه بارت تايم انا مش فاهمه هو عايز منها ايه هو عنده 33 سنه مش متزوج بس طول الوقت يقول لها بحكم ان هو كان عارف خالها وكده طول الوقت يقول لها ايه انت اختي الصغيره انا بتعامل على انك انت اختي الصغيره عايز يوصل لها الفكره دي
وهي بتقول له انا بتعامل معاك ان انت زي خالي بس لا انت فين تعالي شوفيني اعمل لي لي سندوتشات اخبارك ايه تعالي بصي كده معايا على الشغل دوت مش عارفه مش عارفه اهتمام بيها زايد شويه وفي نفس الوقت ما بيتكلمش ما فيش أي نوع من انواع ان هو مثلا يدي ان هو عايز يخطبها ولا حاجه
انا مش شايفه ان هو الاهتمام ده اهتمام واحد مدير بمرؤسته، بنت خالته بتشتغل معاه في الشركه مش بيهتم بها ولا المفروض دي أولى بقى ان هي اخته والكلام ده يهتم بيها لا مش بيهتم بيها الاهتمام بتاع بنتي وفي نفس الوقت ما بيتحركش
فين المشكله انا مش عارفه لو تقدر تساعدني في الموضوع ده يبقى كثر خيرك قوي.
اهلآ بحضرتك مساء الخير طبعآ كل شخص بيتأثر بالبيئة التي ينشأ فيها والتأثير دا ببكون من خلال الاسرة . الاصحاب. الاقارب . المدارس . وسائل الاعلام وسائل التواصل كل تلك الوسائل تؤثر على تكوين شخصية الفرد وطبعآ البنت تأثرت وتم تكوين فكرة سلبية عن الارتباط بالجنس الاخر ودا من خلال تعرضها المباشر للمشاكل الخاصة بحضرتك وقد تكون متخوفه من الدخول في اي علاقة حتى لا تؤدي للفشل ولذلك من الضروري ان تتعافي انتي اولآ من مشاكلك الخاصة حتى لا تعود بالسلب على بنتك وحتى تمتلكين القدرة على مساعدتها بالنصح والارشاد ؛ أما تعامل المدير معها فمثل تلك العلاقة تكون مرهقة لانها غير واضحه وتترك الخيال والهوى يرسم صورة غير واقعية ولذلك فمن الضروري أن تبتعد البنت عن ذلك المدير لان تعامله يوحي بمشاعر لا نعرف مدى صدقها وحين تبتعد عنه سوف يظهر حقيقة مشاعره فإن كان اهتمام عن عاطفة فسوف يأتي لخطبتها أما لو كان اهتمام لأغراض شخصية أو عمليه فلن يبالي بالابتعاد وسوف يبحث عن غيرها لتدير شؤن أعماله ويارب يوفق بنتك لكل الخير ويبعد عنها كل شر ويعينك على اولادك ويسعدك فيهم
تم النشر الأحد، ١٤ ديسمبر ٢٠٢٥
السلام عليكم ورحمة الله وبركاته، الاهتمام الزائد والمعامله الخاصه أحيانا الناس بيقدموها وإحنا من كتر الإهتمام بنعتقد إن الشخص ده عنده نية لحاجه معينه وبنميل أكتر لفكرة إنه عنده نية للزواج بس الشخص ده بيتعامل بطرق غير مباشره وحضرتك كأم أكيد هتبقي زي أم مابتحبيش الحاجات الغير مباشره وده اللي واضح من كلام حضرتك لإنه الشخص لو عنده نيه يتقدم ويكون في كلام رسمي لكن الحاجات الغير مباشره دي مخلياكي واقفه في منطقه رمادي ولا عارفه هو صح عاوزها ولا هو مابيفكرش فيها ،،، تاني حاجه بيقولها أن بعتبرك زي أختي الصغيره أيوه يعني عاوز إيه في الآخر يعني .. في الحقيقه الراجل الجد بيبقى مباشر جداا في كلامه البنت عاجباه بيكلم أهلها ويطلبها مش بيلف ويدور حاولي تقنعي البنت إنها تقلل تعامل معاه شويه علشان ماينفعش يعاملها معامله خاصه وباهتمام زائد وهو أصلًا ولا في أي حاجه تربطهم هو مجرد مدير والتعامل الطبيعي بيكون في سياق الشغل فقط فقط لكن للأسف اللي بيحصل ده مش طبيعي والراجل ده ممكن يكون عنده نوايا سيئه فلازم البنت تكون حذره من التداخل والتعامل الزائد
تم النشر الأحد، ١٤ ديسمبر ٢٠٢٥
لعرض السؤال في فدني اضغط هنا