السلام عليكم
للأسف كنت متابعة مع دكتورة نفسية كلمة مريضة قليلة عليها كانت بتأذيني بكلامها وتتريق عليا وعلى تصرفاتي وتقلل مني ومن مشاعري ومن ضمن الحاجات كانت تقعد تقولي معرفش انت مش زي البنات ليه ده بنتي فيها كذا وكذا مش انت وكانت بتأذيني في موضوع شخصي هي عارفاه وتكلم ماما تقولها ده بنتك دي حبيبتي والجلسه اللي بعدها تطلع عيني ومكنتش بتكتبلي أدوية مع اني كنت بترعش قدامها ومستبيعه كل حاجه وحياتي واقفه
حاليا انا شبه مدمرة وحاسه بالذنب لاني كنت بحكيلها حاجات شخصية اوي وحاجات في البيت وهي عارفانا على المستوي الشخصي اصلا بخاف تبعت لاهلي كل الورق اللي كنت كاتباه بحكيلها فيه كل حاجه ومنها حاجات خاصة لماما وبابا هي إنسانه مريضة بتعمل العمله وتعمل نفسها مستغربة اللي قدامها
كرهتني في نفسي بقيت بعيط بسبب ومن غير سبب وحياتي متكعبله وعلاقتي بأهلي اتحسنت واهلي لو عرفوا اللي كنت يحكيهولها هيتصدموا جامد و هتبقي قافلة بينا بالمناسبة تابعت بعدها مع ثيرابيست كل اللي حكيته لها حكيته لاهلي كله تفصيلة تفصيلة قدام الدكتور اللي بتكتبلي العلاج واحرجتهم واهلي اتصدموا بس الدكتورة الأولى حاكيالها كل حاجه حرفيا
اختيار المعالج النفسي مهم جدآ الا يكون منحاز او مجاملآ للاسرة على حساب الشخصية او الحالة الغير مستقرة نفسيآ ولكن قد يكون استعانتهم بأهلك كان من باب اصلاح الحال بينكم وكما ذكرت حضرتك ان الامور اصبحت افضل من الاول فقد يكون ذلك التحسن ناتج عن تحليل صائب من المعالجين اللي تعاملتي معهم ولكن يوجد جزء مهم جدآ وهو اثناء تدخل الاهل لابد ان يكون بالتنسيق معك حتى يتم استكمال الدعم والعلاج دون تطور او انتكاسة لحضرتك ومن الواضح ان الاشخاص المعالجين كانو على حرص بتدخل الاهل من اجل سلامتك الا ان الطريقة كانت غير متوافقة مع استقرارك وتقبلك للموقف وأما عم اسرارك فلا داعي للشك او الخوف منها لان الطبيب آمين على المريض الا لو انه شخص غير أهلآ للأمانه وفي ذلك الحالة نفوض الامر لله حتى يشغلها الله في ذاتها ولا تؤذيك بأسرارك لان من خلال كلامك انها لم تكن على القدر الكافي من الدعم والتحفيز لحضرتك ولكن من الضروري ان نحيا بالأمل ونسعى لتغير واقعنا بما فيه من تحديات ولا نترك انفسنا نهلك بين السلبيات والازمات واطمني من كل التجارب اللي بتمر عليكي لانها دروس تؤهلك لمستقبل مستقر وحياة افضل ويارب يصلح حالك ويوفقك ويبعد عنك كل شر
تم النشر الأحد، ٧ ديسمبر ٢٠٢٥
السلام عليكم، عارفة الموضوع صعب عليكِ بس متخليش تجربة سيئة تأثر عليكِ وتوقف حياتك وتمنعك من إنك تبحثي عن مساعدة مختص تاني إذا ما زلتِ محتاجة متابعة علاج أو طريقك للتعافي عامة. بالنسبة لإحساسك بالذنب، فارميه خالص ورا ضهرك، أنتِ معملتيش حاجة غلط، كنتِ بتدوري على مساعدة وأي طبيب كنتِ هتروحي له كنتِ هتعملي نفس الشيء فمش ذنبك خالص تصرفاتها ولا تحملي نفسك فوق طاقتها. بالنسبة لخوفك من إنها تؤذيك أو تبعت الورق لأهلك، فالتزمي بذكر (حسبي الله ونعم الوكيل) كرريه كتير كل يوم ويكون عندك يقين وحضور قلبي وإن شاء الله ربنا هيكفيكِ أي شر وأذى وأي حاجة تخافيها. حاولي تقربي من أهلك وتكوني صريحة معهم لو فيه حاجة كانت مزعلاكِ منهم في الماضي أو تراكمات بسببهم كلميهم بالراحة وتفاهموا سوا وإن شاء الله ربنا يصلح أحوالك.
تم النشر الأحد، ٧ ديسمبر ٢٠٢٥
مساء الخير او صباح الخير علي حسب مابتقري رسالتي دايما واحنا في سن صغير بناخد صدمات من ناس كتير حوالينا كنا فاكرينهم قريبين اوي منا ولكن الصدمه بيكون ليها فايده كبيره انها بتكون تجهيز لحاجه اكبر ربنا شايلها لينا وبيعلمنا ازاي نتعلم ونتحكم في بمشاعرنا فاللي اقدر اقولهولك بخصوص الدكتوره دي اتخطي وبس واللي يحصل يحصل
تم النشر السبت، ٦ ديسمبر ٢٠٢٥
الفكره في الدكتور النفسي في معتقدنا خاطى اولا
تم النشر الجمعة، ٥ ديسمبر ٢٠٢٥
ازيك اتمنى تكونى بخير, مبدأيا احب اعرف سنك كام ؟!! ، لو اقل من ١٨ سنة ف غالبا علشان كدا هم حكو لاهلك ، لو اكبر ف مش صح ابدا انها تحكى ، وحتى لو اقل ف اعتقد انه هى كانت تقدر توجههم من غير ما تحكى تفاصيلك كلها ، او تقدر تقولك انها هتحكى بشكل معين علشان ما يأثرش عليكي بالسلب ،
تم النشر الخميس، ٤ ديسمبر ٢٠٢٥
لعرض السؤال في فدني اضغط هنا