السلام عليكم،
انا روضة عندى 21 سنة أرملة انا دلوقتي اتعرفت على شخص ما من على ابلكيشن واتكلمنا وقال أنا مطلق وبدور على عروسة اتكلمنا شوية وعرفنا بعض اكتر قال أنا عايز اجى اتقدم وكدة بس انا قلت ولدى مش موافق على اى حد على اما السنوية الأولى تعدي
دلوقتى هو اتغير بعد فترة الردود عادت متأخرة ومعدش فى اهتمام زى الاول انا دلوقتي اتعلقت بية وهو بارد اوى جيت نزلت الابلكيشن تانى اللي احنا كنا عارفين بعض علية لقيتة رجعة تانى مع أن كنا وعدين بعض أن محدش يرجعوا زعلت جة بعدها شفنى رجعتة انا كمان ومتكلمتش ولا عاتبتة أن هو راجعة تانى لقيتة ساكت و شايف انا فاتحة من امتة
جة بعدها بيومين يقولى عايز اتكلم معاكى شوية قلت لية انا مش عايزة اتكلام مع حد مش مقدر وجودى فى حياتوا قال انتى بتتكلمى جد قولت أيوة لقيتة بيقولى انتى لقيتى واحد احسن منى قولى كدة بقا وبيقولى انتى متعرفيش انا مريت بإيه الايام اللي فاتت من يوميها مش بيتكام ولو رنيت علية نتكلم كام دقيقة يقولى لما اروح اكلمك وميتكلمش
وعلى كدة كام مرة قعدت 4 ايام مش بنتكلم بس هو ساكت ومش بيتكلم وانا هموت واتكلم معاة واسمع صوتة بس مقدرتش وكلمتة اطمنت علية وخلاص وبينت لة أن انا مبسوطة حتى هو لحظها بيقولى انتى مبسوطة قولت لة جداا اعمل معاة اية اتعامل معاة ازاى بس مش عايزة اخسره فى نفس الوقت
السلام عليكم يا رب بصي يا روضه السياق اللي انت حكيتيه ده خصوصا من خلال الابلكيشن تعارف او ابلكيشن زواج بيبقى الشخص اتعود يختار حد يتكلم معاه شويه يشوف الجواز يحس انه طب ما انا ممكن الاقي حد ثاني أحسن يدخل على الابلكيشن ثاني ويبدأ التعارف من اول وجديد وبيفضل يلف في نفس الدائره دي وبعدين لما يحس إن هو مش لاقي حد دلوقتي في فتره نرجع للشخص حد من الاشخاص اللي هو كان شافه مناسب ويحاول يتكلم معايا عشان يبقى دايما بيشبع الاحتياج اللي عنده ده انت او هو عندكم احتياج عاطفي فالاحتياج العاطفي ده احنا بنحاول نسكنه كل شويه حتى ولو بالمكالمه اللي احنا فيها ازيك عامل ايه اخبارك ايه؟ الاهتمام الكبير اللي هو الواو اللي كان في الاول ده مش هيبقى موجود ثاني الدائره دي كلها دائره غلط مش صح ولازم تكسريها وتخرجي منها تماما بانك تحسمي الموضوع احنا حاليا مش هينفع ان احنا تيجي تتقدم ومش مسموح انك تيجي تتقدم الا بعد ما يعدي سنه على وفاه الزوج فوالله قدامك الوقت ده بعدها تقدر انك تبعث لي وتقول لي انك بتقدم لو انت ما كانش في عندك قرار مختلف يعني بس مش اكتر من كده وانت برده تبقي بتتعاملي على الاساس ده لكن تبقي طول الوقت بتاخذي مسكنات من الشخص ده مسكنات عاطفيه هنا أنت مش في علاقه حقيقيه على فكره الشخص ده اصلا انت ما تعرفيهوش كل التواصل اللي قلناه انت ما تعرفيهوش فما تديش لنفسك شويه مسكنات تدمنيها على الفاضي لانه ممكن لما يجي الشخص ده قدامك ويقعد يتكلم معاكي وجها لوجه ولما يجي يتقدم وتعرفي تفاصيل عن حياته أكثر بطبيعه بقى ان هو جاي يتقدم رسمي ممكن تلاقي حاجات بالنسبه لك مرفوضه تماما ساعتها هتقفي في حيره قدام انا آخذ الشيء اللي انا ادمنته ولا انجو بنفسي من حاجه متناسبنيش ما تحطيش نفسك في الوضع ده ابدا واتمنى تسمعي نصيحتي.
تم النشر السبت، ١٧ مايو ٢٠٢٥
اللي بيحب بجد هيكون واضح وصريح مش هيسيبك محتارة ولا هيتعامل معاك ببرود مشاعرك غالية ووقتك أثمن من إنك تضيعيه مع حد مش قادر يحدد موقفه دي حياتك وأنت اللي بتختاري مين يستحق يكون فيها لو الشخص مش قادر يكون ثابت وواضح يبقى الأفضل لنفسك إنك تبعدي وتحافظي على كرامتك وهدوءك أحيانًا الصمت والانسحاب هما اقوى رد
تم النشر السبت، ١٧ مايو ٢٠٢٥
لاء انا مش هزعل على حد وحتى لو زعلت مش هبين لة ميستهلش بس صعب لأن اتعوت على وجودة 😔😔
تم النشر الأحد، ١٨ مايو ٢٠٢٥
اول حاجه بصي لابنك ولحياتك متعمليش متعه تدفعى تمنها طول العمر وهو هيرجع لما يلاقيكى شوفتى نفسك عشان دا عيل نرجسي
تم النشر السبت، ١٧ مايو ٢٠٢٥
ده شخص دخل لغرض معين والموضوع لما دخل في الجد هو قرر الانسحاب بأي حجة وفي الاخر هيحملك ذنب عدم الاتمام والاهتمام وهيخرجك كارهة شخصيتك البعد عنه غنيمة وهو هيبحث عنك للتسالي فقط
تم النشر السبت، ١٧ مايو ٢٠٢٥
شكرا لنصيحة حضرتك ♥️
تم النشر السبت، ١٧ مايو ٢٠٢٥
لو معندهوش ظروف وبكاش عليكي متبكيش عليه لانه ميستحقيكشي
تم النشر السبت، ١٧ مايو ٢٠٢٥
انتى على دماغى طبعا هو انا مليش اخوات كبيرة بنات فعلشان كدة يمكن كنت عايزة اسمع نصيحة من حد ... انا عارفة أن حرام ولهى انا مكنش فى دماغى ارتباط دلوقتى خالص بس انا دخلت ابلكيشن اصدقاء علشان اتكلام مع ناس بدل منا قاعدة لوحدى واتعرفنا علية انما مدخلتش ابلكيشن زواج شكرا لحضرتك ♥️
تم النشر السبت، ١٧ مايو ٢٠٢٥
يا أخت أشكرك على انك بتطلبي النصيحة ولكن من الآخر ده انا شايف ان الراجل ده مفيش وراه الخير ... ازاي تثقي في شخص على برنامج تعارف ممكن تكوني واحدة من عشرة بيكلمهم ... متنخدعيش بكلامه ولسانه انتي متعرفيش ده نظيف ولا لا .... ولا توهمي نفسك انه العشيق وتوأم الروح لا ابدا ده مجرد عشان عندك احتياج عاطفي (لأن زوجك ميت) فرحتي تعوضي الإحتياج ده
تم النشر السبت، ١٧ مايو ٢٠٢٥
لعرض السؤال في فدني اضغط هنا