أنا عندي مشكلة وحابة آخد رأيكم فيها لأن الموضوع مضايقني جدًا.
المشكلة بدأت إني سمعت أختي اللى أكبر مني بتقول إنها هتشغل أغاني، فقولتلها بهدوء ما تشغليش أغاني علشان إحنا في رمضان، وممكن تكون الليلة ليلة القدر، فحاولي تعملي حاجة تنفعك.
هي ردت عليا وقالت لي: "مالكيش دعوة، خليكي في حالك".
أنا بصراحة اتضايقت من ردها، وكمان صوت الأغاني كان مضايقني، فكنت كل ما تشغل التلفزيون أقفله. الموضوع اتكرر أكتر من مرة، لحد ما هي اتعصبت ومدّت إيدها عليا وضربتني، لدرجة إني كنت بنزف.
اللي ضايقني أكتر إن ماما دخلت وشافتني وأنا بنزف، وشافت أختي وهي بتضربني، لكن ما قالتلهاش حاجة، بالعكس سابت الموضوع وكملت وشغلت الأغاني وعلّت الصوت.
أنا حاسة بظلم كبير وزعلانة جدًا، ومش عارفة أتصرف إزاي مع أختي ولا مع ماما بعد اللي حصل.
هل أنا غلطانة في اللي عملته؟ وإزاي أتعامل في الموقف ده من غير ما الموضوع يتكرر تاني؟
او اللي حصل ده مبرر اني اكره ماما و بابا اللى دايماً في صف اختي حتى ولو كانت هي الغلطانه مش بيعدلوا بيني وبينها خالص ما فيش عدل في البيت تبقى اختي غلطانه في حقي في كل المواقف وتضربني وفي الاخر اللوم عليا انا😭 @Dr. Ahmed Boghdady
بس في الوقت ده لازم تحاولي تهدي وتعيدي ترتيب حساباتك تاني واكتبي كل المواقف اللي مضايقاكي وحاولي تعماي تمارين تنفس تساعدك اكتر ع التركيز والهدوء ولو تعرفي تتابعي مع اخصائي يكون افضل ليكي
تم النشر الثلاثاء، ١٧ مارس ٢٠٢٦
بصي تغيير المنكر ليه أصول: في الإسلام تغيير المنكر درجات، ولو كان هيؤدي لمنكر أكبر (زي الضرب والمشاكل وقطع الرحم) يبقى النصيحة باللسان تكفي. أنتي نصحتيها، هي مسمعتش؟ خلاص، ذنبها على جنبها وأنتي أخدتي ثواب النصيحة. و الصبر على أذى الأهل أجره عظيم جداً، وافتكري إن ...ليس الشديد بالصُرعة، إنما الشديد الذي يملك نفسه عند الغضب... و غلطتك كانت في فرض رأيك بإنك تقفلي التلفزيون كذا مرة. ده بيتحول من نصيحة ل تحدي وعناد ، وده اللي خلاها تفقد أعصابها وتغلط فيكي. وطالما قاعدة مع ناس تانية، حاولي تسيطري على اللي يخصك بس. لو الأغاني مضايقاكي، حطي سماعات أو تقعدي في أوضة تانية وتسيبيها لربنا يحاسبها والفترة دي خليكي في حالك تماماً، اتعاملي بحدود وأدب من غير كلام كتير عشان تهدي النفوس. وانصحي بكلمة حلوة مرة واحدة، مسمعتش؟ انسحبي بهدوء. ولو حاسة بظلم من مامتك وباباكي، ادعي ربنا يظهر حقك ويهديهم، بس اوعي تخسري بر الوالدين بسبب غلطة أختك، عشان متضيعيش حقك . بعتذر عن الإطالة 😊 وجد والله ربنا يحفظك ويسعدك
تم النشر الثلاثاء، ١٧ مارس ٢٠٢٦
بصي احنا لازم نفهم الموضوع اكتر انتي شايفة ان ماما بتفرق مابينكم هل ده باستمرار ولا في الموقف ده بس طيب هل ماما لوحدها ولا ماما و بابا وانتي ممكن يكون طريقتك معاهم وحشة علشان بيعملوا كدة ولا لا في اسئلة كتير لازم نعرفها علشان نقدر نحدد
تم النشر الثلاثاء، ١٧ مارس ٢٠٢٦
يا حبيبتي، أول حاجة أقولها: أنتِ مش غلطانة خالص في تصرفك. نصيحتك لأختك بهدوء في رمضان – خاصة مع إمكانية ليلة القدر – كانت من قلب طيب ودين سليم، والإسلام يشجع على الأمر بالمعروف والنهي عن المنكر بلطف (زي قوله تعالى: {ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ}). اللي حصل بعد كده (الاعتداء والنزيف) ظلم كبير، وأنا حزينة معاكِ جدًا على الألم الجسدي والنفسي ده، وده مش مبرر أبدًا. هل مبرر تكرهي ماما وبابا؟ لا يا قمر، الكره مش حل ولا مبرر شرعي. الإسلام يأمر بالبرّ بالوالدين حتى لو ظلموا، بس ده مش معناه تسكتِي على الظلم. الغضب طبيعي، لكن حوّليه لصبر ودعاء – ربنا يقول: {وَاصْبِرْ وَمَا صَبْرُكَ إِلَّا بِاللَّهِ}. إزاي تتعاملي عشان ما يتكررش؟ مع أختك: ابتعدي مؤقتًا: لو شغّلت أغاني، غادري الغرفة بهدوء أو ارتدي سماعات واسمعي قرآن. متواجهيش مباشرة دلوقتي عشان التوتر عالي. دعاء واستخارة: صلّي ركعتين وادعي ربنا يهديها ويصلح بينكم. جربي تقولي: "اللهم اهدِ أختي وأصلح قلبها". مع ماما (وبابا): حوار هادئ خاص: اختاري وقت هادئ (مش في رمضان لو متوتر)، قولي: "يا ماما، أنا اتوجعت جدًا لما ضربتني وشفتيني بنزف وما تدخلتِيش. أنا بحبكِ ومحتاجة عدل بيننا عشان البيت يبقى مطمئن". استخدمي "أنا أشعر" مش اتهام، عشان متدافعوش. اطلبي عدل: ذكّريهم بلطف بقوله تعالى: {يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ}. عامًا للبيت: ركّزي على نفسك: زيدي من صيام التطوع، القراءة في سورة يوسف (عن الصبر على الإخوة)، واعملي جدول يومي يشغلكِ (رياضة خفيفة، دراسة، أعمال خير). لو تكرر العنف: سجّلي التواريخ والحوادث، وفكّري في استشارة شيخ أو عالم دين موثوق. أنتِ قوية وصابرة، وربنا هيجازيكِ خير الصبر. ابحثي في فدني عن مشاكل مشابهة هتلاقي إجابات كتيرة مفيدة. ربنا يفرّج همّكِ ويصلح أحوالكِ يا رب. 💕
تم النشر الثلاثاء، ١٧ مارس ٢٠٢٦
حضرتك تصرفك صحيح تماما ولكن في الحاجات دي بيكون النصح باللين والهدوء انت الآن داعية خلي عندك ذكاء في دعوتك اختك او أي حد عموما لو هي مستجبتش من اول مرة عادي سيبي المكان وبعد كدة حاولي معاها عشان الموضوع مش من اول مرة وادعي لها بالهدايه
تم النشر الثلاثاء، ١٧ مارس ٢٠٢٦
تجاهليها انتي نصحتيها ومستجابتش تعمل الي عاوزاه هي هتتحاسب لوحدها
تم النشر الثلاثاء، ١٧ مارس ٢٠٢٦
لعرض السؤال في فدني اضغط هنا