السلام عليكم ورحمة الله وبركاته رأيت أبي وهو يسجد لا يجعل أصابع قدميه أمام الكعبة ويركع بدون ما ظهره يستقيم أريد حقا أن أخبره ولكن لا أعرف أنا مش متعودة عليه فأنا خائفة قليلا وكمان أنه بحس أني بقوله أنا أعرف وأنت لأ أو زي كدة وأني اعرف منك أخاف حقا كيف أنصحه الحوار صعب أعمل أية صعب جدا أني تواجهه وكمان انا حملت فيديو لشخص بيقول أنه مينفعش نعمل كدة وعمل الطريقة الصحيحة نزلته في الأستوري وأبويا مشافش الأستوريي بقي أنصحه لأني خايفة من الندم أعمل أية ياجماعة هو طيب ولكن أعتقد مش سهل نصحه لأني جربت في شيء سابق ولكنه لم يقتنع لا أعرف لماذا
السلام عليكم ورحمه الله وبركاته. بصي من افضل الطرق هي الطريقه اللي كانت تبعها. احفاد الرسول عليه الصلاه والسلام الحسن والحسين لما كانوا بيتوضوا. راجل كبير جنبهم بس بيتوضع غلط فهما قالوا له احنا عايزينك تبص علينا وتقول لنا مين فينا بيتوضا صح ومين فينا بيتوضى غلط وتوضاوا امام الرجل. وكانت النتيجه ان الراجل قال لهم انتم بتتوضاوا احسن مني انا اللي اكتشفت ان انا بتوضا غلط فدي بشوفها من احسن الطرق لما يكون حد صغير عايز يوصل معلومه لحد كبير. على نفس النهج كده ممكن تجيبي؟ صورتين مثلا وتقولي انا شفت كذا بوست يا بابا وكذا حاجه بيقولوا انه كده الطريقه دي مثلا في الاصابع واحنا بنصلي مش صح انا مش عارفه انا محتاره قولي انهي صح او تعرف حاجه عن الموضوع ده ده هيبقى كافي انه حتى لو هو قال لك على الطريقه الصح ان هي غلط لكن هو هيراجع نفسه وهاخذ باله وهتتنبه دي.وهيكون ده كافي جدا بالنسبه لك انك تكوني وصلتي المعلومه. وانت استمري خلاص في الصح اللي انت عارفاه اا دي نصيحتي وربنا يوفقك وقربي من باباكي لانه الموقف ده بيقول انك في مساحه او مسافه ما بينك وما بينه وحاولي انك تقللي المسافه دي وتقربي منه اكتر علشان ربنا يبارك لك في عمره تستمتعي بكل وقتك معاه ما تخافيش منه حتى لو انت مش متعوده تكوني قريبه منه واحده واحده ومواقف صغيره وبسيطه ولطيفه لما تقربي منه اييي ربنا ينعم عليك بخير كثير وبركه من وجود ومن قربك منه. وربنا يبارك لك فيه.
تم النشر الأربعاء، ٣١ يوليو ٢٠٢٤
عليكم السلام ورحمة الله وبركاته. الأمر سهل جدًا، لا تعقدي نفسك. اذهبي لوالدك وقولي له أنك عرفت معلومة جديدة بشأن الصلاة الصحيحة، قولي: يا أبي قرأت اليوم معلومة عن وضع أصابع القدم في الصلاة، برأيك ماذا يفعل الشخص إذا لم يكن معتادًا على ذلك؟ هل سيكون الأمر سهل؟ طبعًا لا تأخذي كلامي نصًا غيري فيه ما شئت لكن تحري الصدق خلال كلامك. ولعلك تعرفين قصة الحسن والحسين عندما شاهدا رجلًا لا يحسن الوضوء وكانا صبيان صغيران. فمذا فعلا؟ قالا له احكم بيننا أينا يتوضأ أفضل. ففهم الرجل مرادهما وحسن من وضوئه.
تم النشر الثلاثاء، ٣٠ يوليو ٢٠٢٤
وعليكم السلام ورحمة الله وبركاته! أول حاجة، أنا بفهم مخاوفك تمامًا، الموضوع مش سهل، خصوصًا لما يتعلق بشخص كبير زي أبوك. الحوار مع الأهل أحيانًا بيكون محرج أو صعب، بس ممكن تعتمدي على شوية خطوات بسيطة. اختاري الوقت المناسب: ابحثي عن وقت هادئ لما يكون أبوك مرتاح ومش مشغول، كده تقدروا تتحدثوا براحة. ابدأي بحديث إيجابي: ممكن تفتحي الكلام بحاجات إيجابية عن دينكم والتزامكم بالصلاة، وازاي إنكم تحبوا تعملوا كل حاجة صح. استخدمي أسلوب غير مباشر: بدل ما تقولي له "أنت غلط" أو تحسيه إنه مش عارف، ممكن تقولي حاجة زي "أنا شفت فيديو عن كيفية السجود والركوع بطريقة صحيحة، وحبيت أحفظه معاكم لو تحب!" كده توصلين له الفكرة بدون ما تحسسيه بالنقد. كوني صبورة: لو رفض، حاولي تكوني صبورة. كل واحد فكره بياخد وقت، وممكن تحتاجي تعيدي المحاولة في وقت لاحق. حاولي تفهمي وجهة نظره: اسأليه إذا كان عنده فكرة عن الموضوع، وكوني مستعدة تسمعي رأيه. الأهم من كل ده، إحنا عايشين مع بعض ونجرب نساعد بعض. حاولي تثبتي له إن حبك له هو السبب اللي بيخليك تتكلمي، مش بس عشان توجهي له لوم. بالتوفيق! 😊
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا