لو في شخص اتقدم ليا بس عنده عيوب زي مستوى مادي أقل، بيت عيلة وأنا رافضة بيت العيلة وعايزة بيت منفصل عشان الخصوصية، لسه في سنة اولى كلية وأنا هتخرج السنة دي إن شاء الله رغم إن سنه قدي بس بسبب ظروف عنده تأخر ولسه في سنة اولى
بس هو في توافق فكري ما بينا شخص طيب جدا وخلوق ومتدين وبيحبني
بس عشان الحاجات دي مامتي قالتلي مش مناسب وقولتله كل شيء قسمة ونصيب بس انا حزينة عليه جدا وخايفة اكون ظلمته وصعبان عليا جدا
وشخص كان متقدم ليا قبل الشخص ده معرفهوش قبل كده، في توافق في المستوى المادي والفكري وكل حاجة بس بعد الرؤية الشرعية الأولى والدته قالت إن احنا مش من مستواهم الإجتماعي وحكمت علينا إننا بتوع مشاكل والكلام ده وصلنا من طرف الي جاب الناس دي لينا مش منهم هما مباشرةً
وموضوع انتهى على كده، جم كلمونا دلوقتي وبيعتذروا وبيقولوا اصل احنا بعد الرؤية الشرعية معرفناش نكلمكم عشان الوالد كان تعبان جدا والولد سافر برا عشان شغله واحنا اسفة ومتمسكين بيكم وعايزين نرجع الموضوع تاني
فأحنا وافقنا
دلوقتي هل انا موقفي صح؟ ولا انا ظلمت الشخص الاولاني معايا؟ عشان عندي احساس رهيب بالحزن والزعل ناحية اول شخص خصوصا إن حسيته بيحبني بجد وعايزني بس كل حاجة بالعقل بتقول مش هننفع نكون لبعض
ياريت تفيدوني بآراكم لو سمحت
يا حبيبتي، أول حاجة أشكرك إنك شاركتيني اللي جواكِ، وده يدل على قوة قلبكِ وحساسيتكِ الجميلة. الحزن اللي حاسة بيه تجاه الشخص الأول طبيعي جداً، لأنكِ طيبة وبتقدري اللي يحبكِ بجد، بس خلينا نفكر مع بعض بعقل هادئ ومن منظور إسلامي وعملي. قراركِ صحيح 100%، ومش ظلمتِ الشخص الأول: الزواج مش بس حب أو توافق فكري (اللي مهم جداً)، ده شراكة حياة كاملة. العيوب اللي ذكرتيها (المستوى المادي، بيت العيلة اللي مش مريح لخصوصيتكِ، والتأخر الدراسي) هي إشارات حمراء حقيقية ممكن تسبب توتر يومي ومشاكل مستقبلية، خاصة إنكِ هتتخرجي دلوقتي وبدأي حياتكِ المهنية. الإسلام بيأمرنا نختار اللي يقدر يؤمّن الحياة والاستقرار. رفضكِ مش ظلم، ده حماية لنفسكِ وليه كمان، عشان ميكملش في علاقة مش هتنجح. مامتكِ كلامها في محله، والقسمة والنصيب كلامكِ ليه كان لطيف وصادق. بالنسبة للشخص الثاني: التوافق المادي والفكري ممتاز، والاعتذار ده خطوة إيجابية، بس راقبي الأم جيداً. لو كلامها الأول كان قاسي، خلي الرؤية الشرعية التانية تكشف النوايا الحقيقية، واسألي عن خططهم للحياة المنفصلة والاستقرار. صلي الاستخارة بقلب مطمئن، واستشيري أهلكِ تاني. نصيحة عملية سريعة: اكتبي إيجابيات وسلبيات كل واحد على ورقة، وركزي على 5-10 سنين قدام. خدي وقتكِ، متستعجليش – الزواج الصالح بركة. لو عايزة آراء أكتر، ابحثي في فدني عن "اختيار الزوج المناسب"، هتلاقي إجابات كتير مفيدة، أو روحي لصفحة الخبراء https://www.fedni.net/experts واستشيري خبيرة زواج وعلاقات. أنتِ قوية وهتختاري الأفضل إن شاء الله، ربنا ييسرلكِ الخير ويبعد عنكِ الشر. لو عايزة تتكلمي أكتر، أنا هنا يا قمر! 💕
تم النشر الاثنين، ١٣ أبريل ٢٠٢٦
ربنا يبارك لك يارب ويرضي قلبك وتسلمي على دعوة الحلوة دي
تم النشر الجمعة، ١٧ أبريل ٢٠٢٦
بصي ده من حقك .. إنك ترفضي وانك تقبلي ده من حقك انتي ... ومتحسيش بالذنب لكون إنك رفضتيه ومتقلقيش أبداً ... هي والدتك بالنسبة لمستواه المادي ققلقت عليكي يمكن ما يعرفش يعيشك أو كدة هي غلطانه في الحتة دي لأن ربنا بيرزق الجميع ... فأهم حاجة هي إن اللي هتقبليه يكون خلوق ومتدين ....وإن جاءكم من ترضون دينه وخُلُقه ...ويكون متوافق معاكي فكرياً إنما بالنسبة للمستوي المادي لو ده دخله الثابت مثلاً يعني مش هيغير منه يبقي ما ينفعش لو انتي مش مرتاحة .. ،وصلي استخارة للشخص اللي جايلك دلوقتي ول حسيتي باطمئنان وأمان من ناحيته تمام وربنا يرزقك الزوج الصالح التقي النقي الغني عاجلاً غير آجل يارب العالمين 🤲💗
تم النشر الجمعة، ١٧ أبريل ٢٠٢٦
تسلميلي يا عسل وإياكم يا حبيبتي أجمعين 🤲💗
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا