انا مستلمه الشغل بقى لي شهر هي مصلحه حكوميه معايا زميل في الشغل اكبر مني بسنه هو اللي استلمني وفهمني الشغل بيحصل ازاي اول اسبوع كان بيتعامل معايا كويس جه بعدها باسبوع وشويه حصل ما بينا تاتش لان انا كنت بقول له ان انا شايله من عليه شغل بس هو تعصب وقال لا
اعتقد ان انا بقول ان هو مديني شغل كثير وهو اخذ الشغل الخفيف
المهم فضل بعدها يعاملني باسلوب عدائي لو سالته عن حاجه يرد بطريقه جامده وكانه بيزعق انا تغاضيت عن ده كله كبرت دماغي جه من يومين كنت داخله المكتب هو كان بيتكلم مع زميله لينا كان بيقول لها واحده زي دي تقارن نفسها بمواعيد مجي ومرواحي
فانا بعد ما مشي كلمت المديره قلت لها هو بيقول عليا كذا انا ما قارنتش نفسي بيه قالتلي أن الشخص اللي أعلى مننا رتبة قاله في يوم ان زميلتك بتقارن نفسها بيك وبتقول لي اشمعنا هو بيجي متأخر ويمشي بدري عشان يخليه يلتزم بمواعيده مع اني ما قلتش كده فانا جيت ثاني يوم كلمته وقلت له انت قلت كذا و انا سمعتك وانت بتقول علي (واحده زي دي) وانا ما بقارنش نفسي بيك ولا اي حاجه لان انت حاجه وانا حاجه إنت عقد وأنا عقد ثاني وانا بقدرك عادي
المهم بعد ما كلمته وقلت له أنا سمعتك وأنت بتقول عليا كذا وأنا ما قارنتش نفسي بيك خالص في موضوع الحضور والانصراف أو أي حاجة في الشغل
وحنين لما عاملتني الفترة اللي فاتت بأسلوب مش كويس أنا كبرت دماغي وقلت هو أسلوبه كده إنت زميل مش مطالب منك حاجة
قالي هو أنا أعاملك وحش ليه احنا زمايل أصلا شغل
المهم وراح قايلي اللي إنت بتقوليه دا مش صح الصح تسأليني مين قالي كده قلتله مانا سألت المديرة وقالت إنك مش عاوز تقول وعلى العموم مين قالك راح قايلي لأ مش هقول
المهم خلصت كلام معاه بأني اقله أنا جاية اعاتبك على كلمة "واحدة زي دي" اللي إنت قلتلها عليا راح اعتذر بس دا كله وأسلوبه ناشف شوية كأنه بيقول مش انتي عاوزة الاعتذار اهه
المهم روحت حكيت لوالدتي قالتلي إنت غلطتي إنك عاتبتيه لأنك كده بتعملي له قيمه وهو بيعاملك وحش قلتلها أنا بحاول أن جو الشغل بينا يكون عادي وما يكونش صعب ولا في تنشنة
قالتلي وهو كده ممكن تديله فرصة أنه يعتقد إنك بتحتكي بيه أو بتحاولي تقربي منه وبعد كده لو عاملك وحش عامليه وحش وأنا ما بعرفش اعمل كده
فأنا مش عارفة أعمل اي عشان ابان إني عادي مش بتعامل معاه عشان هدف التقرب منه
أنا بس عاوزة اشتغل في جو لطيف مافهوش حوارات
فأنا دلوقتي متضايقة من أني روحت كلمته واديته قيمة زي ما والدتي قالتلي مع أني ماكانش قصدي كده خالص ومتضايفة من الموقف هل أنا غلط إني روحت أكلمه أنا متضايقة جداً ومش عارفة اتصرف خالص
مرحباً عزيزتي، أنا ذكية معك، وأقدر تماماً شعورك بالحيرة والضيق من هذا الموقف في العمل. التعامل في مكان العمل خصوصاً مع الزملاء يحتاج إلى توازن كبير، خاصة لو كان التعامل فيه تحفظات أو توتر. دعيني أفصّل معك المسألة وأعطيك خطوات عملية تساعدك في التعامل مع هذا الوضع: أولاً: تقييم الموقف تصرفك بالحديث معه كان جيداً ، لأنك عبرت عن مشاعرك وأوضحت سوء الفهم. التواصل الواضح والصريح هو أساس حل الكثير من المشاكل. الزميل يبدو أنه يعاني من مشكلة أو توتر تجعله يرد بأسلوب نابع من الضيق أو العصبية، وهذا ليس مبرراً لكنه يعكس وضعه النفسي. مديرتك هذه نقطة مهمة، فهي قالت لك أن هذا الزميل نادرًا ما يشتكي من أحد، مما قد يدل على أنه هذه المرة ضاق ذرعًا أو متوتر. ثانياً: كيف تتصرفين الآن؟ حافظي على موقف مهني وهادئ : لا تتفاعلي بشكل عاطفي مع ردوده الجافة أو العدائية. ببساطة، كوني مركزة على مهامك ومتى يحتاج منك تعاوناً، تحجي بهدوء. لا تظهري دافع التقرب أو الانفعال : ويمكن أن تعتمدي أسلوب "أنا هنا عشان الشغل فقط" مع الحفاظ على الاحترام المهني. ابتعدي قدر الإمكان عن المواضيع الشخصية أو أي كلام قد يُفهم منه مقارنة أو نقد حتى لو كان بشكل غير مباشر. ثالثاً: كيف تحافظين على جو العمل حاولي أن تجدي حلاً بطريقة غير مباشرة، مثل الإلتزام بالمهام المشتركة فقط والتركيز على الإنجاز. كوني "واثقة ولكن غير متذمرة" لأن هذا يعطي انطباع أنك متماسكة ومستقلة. في الحالات التي تكرر فيها السلوك العدائي، يمكنك استشارة مديرتك مرة أخرى بشكل موضوعي، مع التركيز فقط على الأثر المهني وليس الشخصي. رابعاً: نصيحة من القلب لا تعاملي نفسك على أنك من تعطيه قيمة بعتابك أو تحدثك معه، بالعكس أنك حاولتي توضيح الموقف هو تصرف ناضج يعطيك احترام نفسك أولاً، فالعمل مكان لتبادل المهام وليس للتنازع أو الإهانة. وأخيراً: توكلي على الله خذي الأمور خطوة خطوة، ولاتنسي الدعاء بأن ييسر الله لك أمورك ويرزقك الراحة والرضا في عملك. إذا داهمتكِ مشاعر الضيق مجدداً، حاولي تذكير نفسك بأنك تقومين بواجبك وأنتِ في موقع مهني، والناس تختلف لكن الحد الأدنى من الاحترام ممكن تحققيه. إن احتجتِ استشارة متخصصة أكثر أو تريدين نصائح في مهارات التعامل مع زملاء العمل، يمكنني إرشادك لخبراء مختصين في هذا المجال على منصة فدني. كما يمكنك البحث في الفدني عن تجارب مشابهة قد تساعدك. أتمنى لكِ دوام التوفيق، وأنا معك دائماً. هل ترغبين أن نضع معاً خطة بسيطة للتعامل مع المواقف المتوترة في الشغل؟
تم النشر الخميس، ١٥ مايو ٢٠٢٥
اختي الفاضله السلام عليكم ورحمة الله وبركاته ، والله في كل مكان هتلاقي الحلو والوحش والاوحش كمان تصرفك كان عادي من وجهة نظري لأنك مش عاجبك الي بيحصل وهم تصرفاتهم وكلامهم غريب لان انت لسه مستجده في الشغل وكدا فليه يعملوا كدا ف ممكن والله اعلم في حد مدايق منك وعمل كل الحوارات دي عليكي عشان يتقال عليكي كذا وكذا حتى لو محصلش ، ف احب اقولك ان والدتك وجهة نظرها صح برضو في كذا نقطه يعني في ناس تفهم طريقتك حتى لو مش عتاب أنها اهتمام او حاجه تانيه غير مقصدك الأساسي فتجنبي التعامل معاهم على قد متقدري مش بقولك اقطعي بس خلي تعاملك سطحي زيهم فهماني لان الناس الي متقدرش متدهاش أكبر من حجمهم والي حصل حصل متفكريش كتير عادي الدنيا دي مواقف ياما هتشوفي فيها وادينا بنتعلم مش شرط كل تصرف لينا يكون صح ميه بالميه عادي يعني وكلها بيعلمنا فهماني ، تصرفاتنا مش شرط كل الناس تفهما بنفس الطريقه احنا بس بنفكر كتير وبندي اهميه يعني اكتر من اللازم ، خليكي في شغلك وحياتك والي يعملك حلو شيليه فوق دماغك والي يعاملك بأسلوب مش كويس متدهوش أهمية تفكيرك حتى وبالتوفيق يارب في شغلك وربنا يجعله فتحة خير عليكي يا حبيبتي 🤲❤️
تم النشر الخميس، ١٥ مايو ٢٠٢٥
الحل انك ولا تاخدى اى رد فعل نهائى اصل هتعملى اى مفيش الا المعاملة ف نطاق الشغل و معاه هو ب الذات ميرى و انك تتجاهلى اى حاجة برة حدود الشغل سواء حصل هزار بينكم انتم كلكم ك تيم عمل اوى كدا شاركى ف الكلام بس متوجهيش اى حاجة لو حصل و اتكلم الكلمة بنفس على قد الرد و يستحسن ميبقاش فى مجال للنفاش غير تعاملات الشغل اللى ع القد دا واحد نرجسى فاهمه دا الحل مع الشخصيات دى
تم النشر الخميس، ١٥ مايو ٢٠٢٥
يا أخت انا شايف ان مفيش اي مشكلة روحي شغلك طبيعي واتجنبي تغلطي فيه عشان ميكونش له عليكي ممسك وإن هو تعدى حدوده مرة ثانية اشتكي عليه بس ... اعتقد ان اللي ضخم المشكلة في نفسيتك هو شعورك تجاه جملته لما قال "وحدة زي دي " .... فتخطيها هو كلامه مش قرآن يعني
تم النشر الجمعة، ١٦ مايو ٢٠٢٥
اعتقد ان الحجه صح الصح
تم النشر الخميس، ١٥ مايو ٢٠٢٥
لعرض السؤال في فدني اضغط هنا