السلام عليكم، حاسة بفشل عشان الامتحان كان سهل جدا ورغم كده نقصتِ درجتين؟ إيه المشكلة لو نقصتِ درجتين وليه تتعاملي مع الأمر إنه فشل؟ بلاش دخلي نفسك في تعقيدات المثالية عشان لو دخلتِ فيها مفيش أي حاجة هتعمليها بعد كده هترضيك ولا هتحسي بطعم أي إنجاز وهتكون أكبر عقبة في طريق نجاحك. متشكيش في مجهودك وركزي بس تعملي اللي عليك، مش مطلوب غير السعي وملكيش دنوة بالنتيجة، إن شاء الله ربنا بيضيع تعب حد ولا مجهوده. رتبي نفسك واعملي خطة مرنة وبلاش تضغطي نفسك بالتوقعات والمثالية وركزي إزاي تتعلمي وتستفيدي من المجال اللي بتدرسيه وتكوني علامة فارقة فيه إن شاء الله. وبلاش أفكار سلبية زي أنا فاشلة أو مش نافعة وده مش طريقي، خلي أفكارك إيجابية عشان نفسك تقدر تتحرك فعلا تجاه النجاح. واستعيني بالله وجددي نيتك من الدراية وربنا يوفقك لكل خير إن شاء الله.💚💚
🥰❤️
تم النشر الثلاثاء، ٣ نوفمبر ٢٠٢٦
جدا 🫂
تم النشر الثلاثاء، ٣ نوفمبر ٢٠٢٦
العفو🥰، إن شاء الله أكون أفدتك شوية. آمين يا رب، أنتِ وأنا إن شاء الله.❤️
تم النشر الثلاثاء، ٣ نوفمبر ٢٠٢٦
جزاكِ الله خيرى الدنيا والاخره، هحاول المره دي زاي ما قولتي اشوف الحاجات الصغيرة دي انجاز فارق شكرا ليكي 🤍
تم النشر الثلاثاء، ٣ نوفمبر ٢٠٢٦
أنا فاهمة قصدك، وده سببه المثالية والتوقعات العالية اللي بتضعيها لنفسك فطبيعي تحسي إن كل حاجة تحت التوقعات دي تافهة ولا تستحق الذكر. جربي تسجلي أي إنجاز حتى لو شايفاه دلوقتي تافه وملوش لازمة، عارفة مثلا إيه.. لو نضفت غرفتك، لو قرأت صفحة من كتاب، لو عندك زرع مثلا وسقيتيه النهاردة، لو قلت لحد كلمة شكرا او ساعدت حد في حاجة.. دي كلها حاجات تبان عادية وتافهة في نظرك لكنها في النهاية إنجازات وحاجات عملتِها..ممكن مساعدتك او شكرك يكون أدخل السرور على قلب شخص، ممكن قراءتك ولو صفحة واحدة غيرت فكرة جواك أو أكسبتك معلومة ممكن تستخدميها بعد كده في مساهدة شخص وإحداث فرق في حياته. لما تبصي للحاجات الصغيرة دي بعين تاني الموضوع هيفرق معك كتير. جربي ومش هتخسري حاجة. وربنا يوففك دايما.💚💚
تم النشر الثلاثاء، ٣ نوفمبر ٢٠٢٦
المشكله اننا اصلا معنديش مفهوم الانجاز في حياتي او شافيه ان مفيش حاجة تستحق اقول اني انجزتها فاهمه قصدي، بس بحمد ربنا ان وقفي ل اي حاجه عملتها كويسه، وهفضل احاول اتخلص من فكرة المثالية عندي
تم النشر الثلاثاء، ٣ نوفمبر ٢٠٢٦
كل حاجة بتتغير مع التدريب والاستمرارية وإنك تفكري نفسك كل شوية وقت ما تلاقي أفكار المثالية بتزيد في عقلك فكريها في الحال إنك بشر ومش مطلوب مننا الكمال خالص، بس مطلوب نسعى ونترك النتيجة لربنا. جربي تعملي نوتة جميلة كده تسجلي فيها كل يوم حاجات عملتِها في يومك حتى لو صغيرة بس تعتبر إنجاز وأنت بتكتبيها استشعري فرحة إحساس الإنجاز مهما كان صغير واحمدي ربنا إنه أعطاك الفدرة والقوة إنك تعمليها، ده هيخليك تحسي بقبمة كل إنجاز وخطوة ويقلل اللوم الذاتي وأعراض المثالية.
تم النشر الثلاثاء، ٣ نوفمبر ٢٠٢٦
وعليكم السلام ورحمة الله وبركاتة، انا فعلا عندي مشكله ف حتت المثالية دي وعندي قناعه تامه ان اهم حاجة اغلط علشان اتعلم وبحب دا جدا وعايزه اتعلم اكتر ما اجيب درجات بس برجع تاني واقع في منطقة المثالية.
تم النشر الثلاثاء، ٣ نوفمبر ٢٠٢٦
لعرض الإجابة في فدني اضغط هنا