السلام عليكم
انا بنت عندي ٢٦ سنه حاليا و متخرجه من كليه ظروفي المادية ابويا معاه بس هو صعب شوية ف التعامل بيزعق و يشتم دايما دا غير أنه شخص نرجسي و بقول دا بحكم دراستي ف عارفة الشخصيات شوية
بابا برا مع الناس كويس بس معانا احنا كأنه شاف شيطان و اعوذ بالله من الشيطان الرجيم طبعا و غير كدا هو صعيدي عنده الولاد اهم البنات مش مهمه خالص و انا البنت الوحيدة اللي موجودة و معايا اخ ..
مشكلتي ان وانا صغيرة ف سن ٥ سنين كنت بشوف بابا مع ماما و بعدها بدأت اتسال اي دا ووقتها بابا قالي أن هو و ماما اخوات بس انا منستش الموضوع وبعدها و انا صغيره و اخويا اصغر مني جربت اعمل اللي هي قلة الأدب يعني مع اخويا
طبعا انا مش عارفة حاجة و اخويا كان عنده ٣سنين وبعدها ماما جت لحقتنا و عرفتني أن دا غلط و تناسيت الموضوع لحد ما ف يوم و انا ف نفس السن كان ف واحد من اللي ف العمارة عندنا شاب و انا كنت طفله صغيره وقتها و حاول معايا لولا لطف ربنا بابا و صحبه جم وصاحب بابا جري ورا الولد و بابا زعقلي و قالي اطلعي فوق
و من وساعتها بدأت اتناسي دا و بعدها بدأت ف مراهقتي ابص ع الجزء اللي عند الرجالة و هما ماشين بقيت كل ما امشي ابص لحد ما بطلت و قربت من ربنا و بطلت اطلع برا البيت نهائيا و دا لحد ما دخلت الكلية و مع اول سنه الدنيا اتلغبطت معايا اتعرفت ع بنات عرفت منهم اني اعاكس الشباب بس بعد كدا بطلت خوف من ربنا
و بعدها بدأت احتاج للفلوس نزلت اتشغل بس تعبت جامد وجالي مرض ف الدم و بقيت بتعب من اقل مجهود و بقيت ف البيت وبعدها عرفت طريق البرامج اللي بتجيب فلوس و دي مشكلة الحالية البرامج اللي هي عبارة عن شات مع شباب مقابل تاخد كوينز و تتحول فلوس و اللي فيها العاب تشحن و تكسب أو تخسر و دي مقامرة طبعا ودي بعيدة عنها كل البعد
انا بشتغل أساسي ع البرامج دي رسائل البرنامج يبعت تلقائي رسالة و ارد عليها مثلا شاب بعد اي كلمة اي حاجة حتي لو كلمه قليلة الادب وف شباب بيبعتوا صور لاعضاءهم و ارد عليهم مقابل اخد كوينز و الكوينز تتحول لفلوس طبعا اوقات الفلوس دي بجيب منها علاج ليا و اصرف لأن ابويا طول الوقت مش بيفكر فيا دا غير أنه مطلع عليا اني منفعش اتجوز و اني مجنونه علشان مشيلش نفسه تكاليف فرح و هو مش قادر
حاليا البرامج دي بقت أزمة ليا كلام الشباب اه و الحمدلله اي شاب بيتكلم معايا بيقول اني محترمه و مؤدبه و عارفة ربنا و دائما ف كلامي مع اي شاب يقولي انتي اي اللي جابك هنا كل اللي هنا داخلين لقلة الادب و ٨٠ ف المائة من حياة كل انسان قائمه ع الجنس و البنت ع أنها تعمل العادة السرية
انا العادة دي معرفتش غير من البرامج و كل ما اعملها استغفر ربنا بس دلوقتي لا مبقتش عارفة انا بعمل اي الصلاة مبقتش بصلي اسمع صوت الاذان مش قادرة اقوم مع اني ف كلامي مع الشباب لا خاف من ربنا و ف منهم فعلا بسببي مسح البرنامج بس دلوقتي انا مش عارفة اعمل اي انا نفسي احفظ المصحف و اصلي و اقعد ف البيت عادي بس عايزة شغلانه كويسة اجيب منها فلوس حلال بس منين و ازاي و انا حتي مهارة مفيش
و علشان اتعلم حاجة لازم اخد كورس و الكورس عايز فلوس و الفلوس علشان اجيبها لازم اقعد ع برنامج و البرنامج عاملي مشكلة مخسرني نفسي انا بين نارين عارفة أن من ترك شيئا لله عوضه الله بخير منه بس مش عارفة بردوا انا محاطه ب نرجسين
الداعم الوحيد ليا هي امي و اللي بحكلها كل حاجة حتي العادة لما عملتها قولتلها و بقت طول الوقت بتقعد جنبي علشان معملش حاجة بس انا للاسف وقت انشغالها و بسبب كلام الشباب بعملها من الوقت للآخر انا تعبت و مبقتش عارفة اعمل اي حتي الفلوس اللي بتيجي منها مش بتفضل ع طول بتروح ف لحظه و غير كدا ثقتي ف نفسي اللي هي صفر اصلا حتي لو روحت ل اخصائي نفسي مفيش فلوس اصلا انا بنت حتي لو طلبت من ابويا حاجة ليا كبنت يعني هيقولي معيش لو كان الولد طلب منه فلوس علشان علبة السجائر هينزل بنفسه يجبهاله
مساء الخير انتي ذكرتي نقطة مهمة جدا وهي دي اصل او سبب المشكلة وهي المشهد اللي شوفتي مامتك وباباكي فيه والفكرة اللي وصلهالك عنه واللي طبعا غير صحيحة ولكن ممكن يكون ع قدر ثقافته بس ده يسهل علينا الطريق بس محتاجة تلجأي لمتخصص يساعدك بس لان ظروفك حاليا مش سامحة ممكن تشتغلي مع نفسك على تمارين التنفس والاسترخاء واليقظة الذهنية وان اما يخطر ع بالك الفكرة انك تعملي العادة او تدخلي شات مع شاب تشغلي نفسك بحاجة تاني.... بالنسبة للمهارات ففي كورسات كتير اونلاين ومجانية وفي مواقع زي ادراك مثلا بتقدم كورسات في مجالات كتير جدا ومجاني ممكن تتعلمي منها بسهولة.... وكمان بالنسبة للشغل بما ان فيه انترنت فهتلاقي فرص كتير بعيد عن البرامج دي زي مثلا ادارة الصفحات او مودريتور او تسويق لمنتجات معينة وفي شركات كتير بتطلب دا.... واشتغلي ع علاقتك بربنا وابدئي ارجعي للصلاة وبهدوء متستعجليش عشان متضغطيش نفسك وتحسيها ضغط عليكي واعتبري مقابلتك لربنا فالصلاة هي جلسة علاج روحي ليكي ودا طبعا لحد ما تظبطي امورك وتتابعي مع متخصص عشان مشكلتك ولو في اي حاجة تقدري تبعتيلي
تم النشر السبت، ٦ سبتمبر ٢٠٢٥
لعرض السؤال في فدني اضغط هنا