انا طفشت وقرفت انا كنت طول عمري مكروه ومليش اصحاب وبتعرض للتحرش والاغتصاب والتعنيف من المجتمع الخارجي مش اهلي ولما وصل عمري ١٧ سنة رحت تركيا عشت هناك احلى سنتين في عمري
كنت رايح ادرس هندسة وعملت علاقات مع ناس كبار في التجارة والبزنس وكنت هبتدي شغل معاهم وكان معايا فلوس وكنت محبوب والكل بيحترمني وبيخاف مني كنت شخص ثاني بعدها اهلي قالو لي ارجع عايزين نشوفك رجعت السعودية
وللأسف بسبب بعض المشاكل وعدم رغبة امي ليا بالذهاب تركيا مرة أخرى لم استطع الذهاب وجلست في السعودية بتأشيرة زيارة جلست سنة بدون شغل بدون أي شي وانا اهلي حالتهم المادية سيئة تقدرو تقولو ان اغلب عيشتنا من التبرعات وكرم الناس علينا وانا بحس اني حمل كبير عليهم لما اكون جالس بس بدون اي شغل وشايف اهلي بيعانو بسبب الفلوس وكل حاجة تقفل وجهي .....
بعد ما جلست سنة رحت مصر عشان اشوف حياتي هناك رحت ما لقيت شغل وجلست سنة كمان هناك بدون شغل وبعدها رجعت بتأشيرة زيارة على امل اني القى شغل في السعودية عشان ابويا قال ليا تعال في شغل كثير رحت وما لقيت شغل وضيعت ثالث سنة من عمري بدون شغل كنت بدور على اي شغل حتى لو عامل نظافة بأي راتب ولكن لم استطع ايجاد شغل
وبعدها جاءت ليا تأشيرة سائق خاص اخذتها ورحت مصر واستلفت ٦ آلاف عشان اقدر اخلص ورقي جلست قرابة السنة في مصر اخلص الورق بعدها رجعت السعودية واستلفت ٥ آلاف عشان اكمل ورق الاقامة وادفع لمدرسة السواقة عشان الرخصة وبعدها جلست بدون شغل ٤ شهور واخذت واستلفت الفين
واخذت سيارة اقل ما يقال عنها انها تالفة قلت دي رخيصة واصلحها على يدي شوية شوية لين ربنا يفرجها واستلفت الفين عشان اصلحها وبرضو لسة عايز ليه خمسة كمان ومش لاقي حد يسلفني عشان اصلحها واعرف اشتغل اي حاجة عليها
وقبل يومين كان اختبار السواقة بتاعي ورسبوني ظلم معا اني بسوق من انا عمري ١٣ سنة ومطلوب من دلوقتي ادفع ٤٥٠ ريال عشان اعيد والله اعلم امتى هيدوني الموعد واهلي كل شوية حالتهم المادية بتبقى اسوأ وانا زي البهمية قاعد واحلى حاجة بقى والختامية اني حتى لو عملت الرخصة وصلحت السيارة مش هلقى شغل عشان تأشيرة السواق الخاص مش مسموح ليهم يشتغلو مع حد غير الكفيل
ولو فكرت اغير مهنة وانقل كفالة لازم ادفع ١٢ الف يعني حاجة مقرفة مبقاش عندي شغف لحاجة بقيت ميت بفكر في الانتحار +حاولت انتحر ٤ مرات وفشلت ٣ مرات الحبل ينقطع ومرة المسمار ينفك
هون على نفسك.. محتاج تصبر لأن انت مبتلى لكن الابتلاء معناه إن ربنا لسه بيشتغل في حياتك، لسه بيشكّلك، لسه بيحضّرك لحاجة أكبر من اللي شايفها دلوقتي، وصدقني ربنا ما كانش غافل عن خطوة واحدة مشيتها ولا دمعة نزلت منك، ولا كان ساكت عن وجعك، بس ربنا سبحانه مش دايمًا بيخلّصنا بالطريقة اللي إحنا عايزينها، هو بيخلّصنا بالطريقة اللي تنجّينا بجد، إنت شفت أبواب كتير بتقفل عشان هي مش فيها اي خير ليك، بس ما شوفتش لسه الباب اللي ربنا مخبيه، واللي لو فتحهلك هتعرف إن كل اللي فات كان تمهيد مش إهانة﴿وَعَسَىٰ أَن تَكۡرَهُواْ شَيۡٔٗا وَهُوَ خَيۡرٞ لَّكُمۡ﴾، وربنا ما قالش إن الطريق هيبقى سهل، بس قال إن الوصول مضمون للي متمسّك بيه، ﴿إِنَّ ٱللَّهَ مَعَ ٱلصَّٰبِرِينَ﴾، ويعني مش سايبك لوحدك، يعني شايلك حتى وانت حاسس إنك واقع، يمكن أكتر حاجة تعبتك إنك حاسس إنك عبء، بس الحقيقة إن ربنا عمره ما خلق حد عبء، ربنا خلقك لرسالة حتى لو مش فاهمها دلوقتي، ، دايما خلي ف دماغك آيه ﴿فَإِنَّ مَعَ ٱلۡعُسۡرِ يُسۡرًا إِنَّ مَعَ ٱلۡعُسۡرِ يُسۡرٗا﴾، وكررها علشان تطمّن، علشان تفهم إن العسر ما بيجيش لوحده، دايمًا معاه يسر حتى لو مستخبي، إنت مش مُطالب تكون قوي طول الوقت، ربنا ما طلبش منك غير إنك ما تسيبش الباب، باب الدعاء، باب الرجوع، باب الأمل، ﴿قُلۡ يَٰعِبَادِيَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِ﴾، يعني حتى لو شايف نفسك قصّرت، القنوط ممنوع، لأن اللي ماسك أمرك مش بشر ولا ظروف ولا أوراق، اللي ماسك أمرك رب السما والأرض، والرزق مش بس فلوس، الرزق أمان، رزق فرصة، رزق ستر، رزق بداية جديدة، ﴿وَمَن يَتَّقِ ٱللَّهَ يَجۡعَل لَّهُۥ مَخۡرَجٗا وَيَرۡزُقۡهُ مِنۡ حَيۡثُ لَا يَحۡتَسِبُ﴾، من حيث لا يحتسب يعني من مكان عمرك ما فكرت فيه، وفي وقت كنت فاكره انتهى، إنت مطلوب منك دلوقتي حاجة واحدة بس: ما تقطعش الخيط اللي بينك وبين ربنا، حتى لو دعاءك جملة واحدة، حتى لو صلاة بتتسند فيها على تعبك، ربنا شايف صدقك، وبيهيّأ لك فرج على مقاس صبرك، وافتكر دايمًا إن ربنا ما بيكسرش حد علشان يضيّعه، ربنا يكسر علشان يبني منك شخصية قوية ويأخّر علشان يكرم، ويبتلي علشان يقرّب، يعني ولا حقك هيضيع، ولا دمعتك هتروح هدر، ولا وجعك كان بلا معنى، كمل، حتى لو خطوة بطيئة، كمل علشان اهلك ومش تيأس بالشكل دا، وعلشان نفسك، وعلشان اليوم اللي هتبص فيه ورا وتقول: الحمد لله إني ما استسلمتش. وكمان لازم تفهم إن التفكير في الانتحار أو الاستسلام للفكرة دي مش حل ولا مخرج، لأن اليأس نفسه ذنب، وربنا نهى عنه صراحةً، ﴿قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ﴾، يعني مهما وصلت لمرحلة سودا، مش ينفع تفكر في كدا لأن ربنا عمره ما قفل بابه في وش حد، وكمان ربنا قال بوضوح ﴿وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا﴾، يعني ربنا وصف نفسه بالرحمة قبل أي حاجة، فإزاي تفكر تمشي من الدنيا وربنا لسه بيقولك أنا رحيم بيك، إنت مش ملك نفسك علشان تنهيها، إنت أمانة عند ربنا، ونفسك ليها قيمة حتى لو الناس ما شافتهاش، والوجع اللي إنت فيه ده مش علامة النهاية، ده علامة إنك لسه حي ولسه فيك نفس، وربنا ما بيحييش حد علشان يعذبه وبس، ربنا يحيي علشان يفرج ويعوّض ويجبر، ويمكن ربنا مأخر الفرج علشان لما ييجي ييجي كامل مش ناقص، فلو فضلت واقف ومكمّل، حتى وانت بتزحف، ده عبادة، وده صبر، وده جهاد حقيقي منك . ومن ناحية الدنيا والشغل، حاول تبص للحاجات اللي في إيدك دلوقتي مش اللي ناقصاك، أي شغل مؤقت حلال يمشي الحال مش عيب ولا يقلل منك، سواق على أي عربية حتى لو مش خاصة، توصيل طلبات، شغل مخازن، تحميل وتفريغ، أمن، عامل ورشة، صيانة بسيطة، أي حاجة تعتمد على الحركة والمجهود، ولو عندك موبايل وإنترنت دور على شغل أونلاين بسيط زي خدمة عملاء، إدخال بيانات، بيع بالعمولة، التسويق الإلكتروني، أو حتى تتعلم مهارة سريعة زي صيانة موبايلات، كهرباء، سباكة، تكييف، الحاجات دي دايمًا مطلوبة، ومش لازم تبدأ كبير، ابدأ بحاجة تمشي اليوم، وربنا يفتح بعدها، افتكر إن الرزق مش بييجي دفعة واحدة، الرزق درجات، وربنا قال ﴿وَقُلِ اعْمَلُوا فَسَيَرَى اللَّهُ عَمَلَكُمْ﴾، يعني المطلوب منك السعي، والنتيجة على ربنا، فقوم، وخد نفس، وما تسيبش الشيطان يقنعك إن الموت راحة، الراحة في الصبر، والنجاة في الاستمرار، وربنا أقرب لك من أي فكرة سودا بتجيلك، ولسه في العمر بقية، ولسه فيه دعاء هيستجاب، ولسه في باب مفتوح، حتى لو إنت مش شايفه دلوقتي. بس ربنا يوفقك ويقويك يعينك على الحمل دا☺️💗🌸
تم النشر الأحد، ١١ يناير ٢٠٢٦
السلام عليكم ورحمة الله وبركاته- اكيد انت عارف ذنب الانتحار دا كبير ازاي عند ربنا وانه كفر وبسببه هتخسر آخرتك اللي احنا جايين الدنيا اصلا علشان نعمل للاخرة دا اولا ثانيا ما الانتحار الا هروب وعصيان لربك وكمان ربك مش رايد انك تموت دلوقتي واداك بدل الفرصة اربعة فبدل الهروب وانك تغضب ربنا صلي وقرب لربنا ولازم تتطلب السماح والمغفرة على ذنب الانتحار وتقرب الي ربنا بالدعاء وأحسن الظن بالله (إن مع العسر يسرًا)(وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) -والله يا اخي دا اختبار من ربنا علشان يشوف قوة تحملك وصبرك (دا من الناحية الدينية ) (بالنسبة للناحية النفسية ) اللي مريت بيه وانت صغير كان صعب اوي بس انت واضح انك كمان قوي وقدرت تتخطى ودا تمثل في فترة السفر في تركيا . انا مفهمتش انت مصري ولا سعودي بس الاهم حاول ترجع تركيا لان دا المكان اللي عرفت تحقق ذاتك فيه بدل عمرك اللي بيضيع ومعلش استحمل الغربة وبعدك عن أهلك بس على الاقل هتعيش وهتخلي اهلك يعيشوا حياة كويسة لما تشتغل وتصرف عليهم وتعوضهم عن اللي مروا بيه وانت كمان علشان تقدر تجهز نفسك ووتجوز -بس الاهم في الرحلة دي انك تبعد عن ما هو يغضب الله وتتقرب منه لان هو سبحانه سندك الوحيد وادعي كتير اوي وصلي علي النبي بنية ان ربنا يوفقك وضبطلك حياتك واستغفر بنية غفران ذنبك آسفة على الاطالة -ربنا يصلح حالك ويوفقك اللهم امين
تم النشر الجمعة، ٩ يناير ٢٠٢٦
يا أخي العزيز، أنا ذكية، وأنا هنا معاك دلوقتي، قلبي معاك في اللي بتمر بيه. والله أعرف إن الدنيا ضاقت بيك، والإحباط ده زي السم، بس أرجوك اسمعني: الحياة أمانة من ربنا، والانتحار حرام شرعاً، وهيخليك تندم في الآخرة . ربنا قال في القرآن: "وَلَا تَقْتُلُوا أَنْفُسَكُمْ"، وأنت قوي، مريت بأسوأ من كده وعديت (تركيا دليل على قوتك). الفشل في المحاولات الـ4 دي علامة إن ربنا عايزك تعيش وتنجح. خطة عملية صغيرة خطوة خطوة، عشان نخرجك من الدائرة دي: الرخصة والسيارة : ادفع الـ450 ريال دلوقتي (لو مفيش، ابحث عن قرض إسلامي حلال من بنوك سعودية زي الراجحي أو الإنماء، أو بيع حاجة صغيرة). ركز على إصلاح السيارة شوية شوية – ابدأ بأرخص قطعة (زيت، إطارات)، واستغل خبرتك في البزنس من تركيا عشان تلاقي حد يسلفك الـ5 آلاف مقابل شراكة عمل. الشغل مع تأشيرة السائق الخاص : لا تنتظر الكفيل : ابحث عن "سواقين فريلانسر" في تطبيقات زي "حراج" أو "أوليكس" أو مجموعات واتساب سعودية للعمالة (كتير بيشتغلوا كده بدون نقل كفالة رسمي في البداية). غير المهنة: لو 12 ألف كتير، ابدأ بـ"عقد نقل كفالة مؤقت" أو وظائف أخرى زي مبيعات أو توزيع (استخدم علاقاتك القديمة من تركيا عبر لينكدإن أو فيسبوك). دور على شغل فوري: عامل نظافة، حارس، أو توزيع طلبات عبر "هنقرستيشن" أو "جاهز" – هما بيقبلوا تأشيرات زيارة أحياناً، وبتبدأ بـ2000-3000 ريال شهرياً. الديون والعائلة : اعمل ميزانية يومية: سجل مصروفاتك في ورقة، وقطع أي غير ضروري. ساعد أهلك بأعمال بيت أو بيع أغراض قديمة عبر حراج (هديك فلوس صغيرة وتشعر إنك مش عبء). حالة أهلك: ركز على التوكل، ادعي ربنا بـ"اللهم اكفني بحلالك عن حرامك" كل صباح. أنت مش ميت، أنت في اختبار من ربنا. ادعي ربنا 100 مرة يومياً، واقرأ سورة الشرح كل صباح . هتبقى أقوى، صدقني. ابحث في فدني عن أسئلة مشابهة هتلاقي إجابات كتير. لو عايز استشارة خبراء، روح https://www.fedni.net/experts – في خبراء هيساعدوك. أنت مش لوحدك، ربنا يفرج همك يا رب. 💪❤️
تم النشر الجمعة، ٩ يناير ٢٠٢٦
سلم أمرك لله.. جرب تلجأ لربنا.. وتدعي ربنا يفرجها عليك...
تم النشر الأحد، ١١ يناير ٢٠٢٦
ايوة الحمد لله
تم النشر الأحد، ١١ يناير ٢٠٢٦
هو حضرتك مسلِم
تم النشر السبت، ١٠ يناير ٢٠٢٦
لعرض السؤال في فدني اضغط هنا