مشكلتي مع ماما اني واثقه ومتاكده انها عمرها ما بتثق فيا مهما قالتلي انها بتثق فيا وبتحبني وغيره من كلام كتير بيتقال بتداري بيه انها عكس كدا.
انا مش طفله عشان مميزش فرق بين حد بيحبني او مبيحبنيش انشالله لو اهلي
القصه بدأت من خمس سنين كنت وقتها ف رابعه ابتدائي غالبا كنت 11 سنه بظبط يعني انتقلنا للعيشه في القاهره مع جدي الله يرحمه و خالتي ف بيت جدو يعني من بعد ما ماما قررت تطلق من بابا اللي بتقوله ان بابا هو اللي خانها وهو اللي سبب فكل دا ولكن هي امي للاسف بتفضل تكدب عندها زي داء الكدب القهري
ديما بتحور وانا عرفت دا مؤخرا لما لقيتها بتحكي حاجه و حد تاني كان فنفس الحوار حكى حاجه تانيه منكرش ان الحوار هز ثقتي ف امي
المهم... في 2021 كنت روحت مدرسه جديده فا انا من طبعي بحب اتعرف ع كل الناس وكنت اجتماعيه قوي قوي بجد فكنت طفله و اتعرفت ع واحد معايا في الدفعه انا مكنش حد فاضي الفتره دي يعلمني الصح من الغلط انا امي كانت بتطلق وسيباني ومحدش لحق يربيني انا ديما بحسني متربيه من نفسي ومن اللي شفته واللي حصل
كلمت فلان دا و كنت منجذبه له انجذاب التعارف اللي بين اي طفلين انا كنت عايزه اكون صحاب وبس
كان ف موبايلي الشخصي يعني المهم بس انا كنت خايفه احكي ليها اني بكلم حد بسبب انها ديما منفعله اتجاهي وعلطول ردة فعلها بزعيق وعمرها ما هتفهمني
فكنت خايفه احكي وخبيت عنها
بس عرفت...وسحبت موبايلي واتشتمت بأقذر الشتايم سواء من اخواتي الولاد اللي اكبر مني او من خالتي اللي قاعدين معاها
الموقف دا من وقتها وهي مش بتثق فيا وعلطول شاكه فاني مخبيه عنها وعلطول تقولي انا لو عرفت من برا مش هيحصلك كويس بس ف حقيقة الامر انا مش بخبي عليها انا بخاف من ردة فعلها
اول 2026 اتعرفت ع شخص و كان الشخص الوحيد اللي متقبلني ع طبيعتي مش عايزني اتغير او ابذل مجهود عشان يحبني..هو جاي حاببني اساسا
ف اول علاقتنا كنت لسه بخاف احكي لماما بس هو اللي شجعني لاني من جوايا مبحبش اخبي عليها بس ديما عايزه اللي يشجعني اعمل كدا لانها خطوه م سهله من جوايا خالص
فالشخص دا قالي انا هتصرف و بدأ هو يكلم ماما و المهم علاقتنا بعد فتره بقت العيلتين عرفينها ومعتش في اي مشكله من دي اللي كانت بتخوفني
اول مشكله حصلت الغريبه انها مش بيني وبين الشخص دا كانت بيني وبين امي شخصيا وبينتلي جزء ف شخصيتي امي خلتني اشكك ف كل لحظه عيشتها معاها و مبقتش عارفه هي اللي وحشه ولا ابويا اللي وحش من اللي بتقوله عليه....
هي مكنتش حابه نعرف اخواتي ع اني بكلم حد وبحبه وكدا فخبت عن اخويا الكبير (للعلم اخويا الكبير اللي شويه اقدر اقولها انه اقربلي من اخويا ال وسطاني) فلما عرف هو من برا جه لامها هي فامي بكل تلقائيه رمت عليا انا الموقف و طبعا بعد كلام مع اخويا وفهمته اللي حصل اللي كان غلطان من الاول هي امي و انها كدبت عليه وكل مرة يسألها تقوله مفيش غير كدا كانت بتكلم الشخص دا اللي انا بحبه قالتله كلام و لما كلمته انا قال كلام تاني خالص عكسها فبقيت شاكه مين فيهم اللي صح بس للاسف و اللي وجعني من جوايا كان هو صح وهي كدبت عليا و مازالت بتكدب عشان تفهم نفسها اننا كدا عيله مثاليه ومفيش ام زيها
تاني مشكله انا و الشخص دا فمرا قررنا نبقى اصحاب بدل ما نرتبط لأسباب خاصه ما بينا فانا قولت ماشي و خلاص معدناش نفس ليفل المعرفه اللي امي عرفاه فا قولت اقولها اللي حصل بينا ... قعدت تعيب فيه وتشتم فيه ب الفاظ وحشه وعن قد اي هو مش راجل وغيره وغيره من شتايم ف حقه وانا كنت بدافع عنه كتير والحمد لله ظني فيه عمره ما خاب كان ديما بيخيب فيها هي....
المهم رجعنا تاني مرتبطين وخرجنا سوا و امي شافته و كدا وبرضه معجبهاش تصرفاته ومعجبهاش اي حاجه وخلاص رغم انه مفيش ف ادبه وحقيقي م تجميل فيه بس هو بني ادم كويس ولو فيه عيوب فكلنا عندنا عيوب..
المهم قولنا نكون اصحاب تاني فعلاقتنا من نظرها عامله زي الاستك بتروح وتيجي و شايفه ان دا علاقه سامه علاقه مش كويسه و كلام من بتاع الفيس بوك دا ولما بتشوفني بكلمه الفتره دي تيجي تعيب فيا وتشتمني انتي كدا رخيصه بترخصي نفسك عشانه و بتقللي من نفسك عشانه لا حطي حدودك مش المفروض يروح ويرجع ويبقا فنفس معزته عندك وانا افهمها ي امي مش كدا مش اللي ف بالك هي مقتنعه و انا كل اللي زعلني ان امي قالتلي رخيصه ومن غير كرامه و اني لازم اعمل مجهود وابقى مثاليه لمجرد اتحب من اللي قدامي غير كدا بتقولي عمرك مهتتحبي وهتفضلي لوحدي
(حاليا انا بحاول اتجنب الكلام معاها لاكبر قدر مستطاع عشان كلامها كل مرة بيقتلني اه يمكن زي اي ام خايفه ع بنتها بس اظن ان حتى ولو خايفه ع بنتها مش هتقولها كلام من دا و الاستحقاقيه الفارغه اللي بتكون عند اهالينا ان بيهم هما بس احنا بني ادمين وبيهم بس هنكون عاليين ولينا مكانه عاليه و كل دا بيضايقني ودايما مديني رغبه فاني نفسي اثبت ليهم ان من غيرهم حاجه وحاجه كبيره قوي ودايما بتقارني ف اخواتي الولاد اللي اكبر مني تقولي شوفي اخوكي بيعمل ويسوي و التاني بيعمل ويسوي وانتي قاعده ولا اكنك ف اوتيل وكلام من دا ديما تحسسني اني ولا حاجه واني مهما ما عملت برضه هفضل ف نظرها ال ولا حاجه واخواتي مكملين عليا ويشبهوني ب ناس وحشه وديما عندي شعور باني هضرب منهم ديما خايفه اضرب منهم لدرجه مبنامش عشان بس خايفه حد يقرب مني وانا نايمه)
أنا فاهمة تمامًا إحساسك يا بنتي، وهو إحساس ثقيل جدًا لما تحسي إن أمك مش بتثق فيكِ رغم كل الكلام الحلو اللي بتقوله. اللي حصل من خمس سنين كان موقف صعب، خاصة وأنتِ في سن صغيرة ومحتاجة دعم وتوجيه، وردة الفعل العنيفة اللي حصلت خلّت الثقة تتأثر من الجانبين. ده مش معناه إنكِ مخطئة أو إن أمكِ سيئة، لكنه يعكس ضغوط كبيرة مرت بيها العيلة كلها بسبب الطلاق والانتقال والظروف. من منظور نفسي، الثقة بتتبنى بالأفعال اليومية الصغيرة مش بالكلام بس. أمكِ ربما بتحاول تحميكِ من تجاربها السابقة، لكن الطريقة دي بتخلّي التواصل أصعب. جربي تبدئي بخطوات عملية: اختاري وقت هادي وهي مش متوترة، واتكلمي معاها بصراحة هادية عن شعورك، زي "أنا بحبكِ ومحتاجة أحس إنكِ بتثقي فيّا عشان أقدر أكون صريحة معاكِ". متدافعيش عن الماضي دلوقتي، ركزي على بناء حاضر جديد من خلال إظهار المسؤولية في قراراتكِ الصغيرة، زي الدراسة أو الالتزامات اليومية، عشان تشوفي النتيجة تدريجيًا. من ناحية إسلامية، البر بالوالدين فرض، وده بيشمل الصبر والدعاء ليها. ادعي ربنا يصلح القلوب ويفتح أبواب التفاهم، واستمري في الإحسان ليها حتى لو الثقة مش كاملة دلوقتي. كمان، لو لقيتِ صعوبة في التعبير، جربي تكتبي مشاعركِ في ورقة وتقرئيها لنفسكِ الأول عشان تكوني واضحة. ابحثي عن أسئلة مشابهة على فدني عشان تشوفي تجارب تانية، وتذكري إنكِ قادرة تبني علاقة أقوى خطوة بخطوة. أنتِ مش لوحدكِ في ده، وهتعدي المرحلة دي بإذن الله.
تم النشر الخميس، ٩ يوليو ٢٠٢٦
لعرض السؤال في فدني اضغط هنا