اول حاجه انا معرفش لو انت مكتءب بجد ولا لا بس على حسب ما انت بتقول الاغلب بيقول اللي انت مكتءب فحاول تشوف طبيب نفسي،و انا شايفه المشكله مش مشكاتك ممكن فعلا الناس دي مش بينسبوك وحاول دايما تقرب من الناس اللي شبهك في الهوايات او الحاجات اللي انت بتحبها
شكرا جدا لتفهمك و لحسن كلامك و نصايحك و فعلا انت الي بتقوله صح البعد عن اصدقاء السوء مكسب مش خساره و قدام هتعرف علي ناس افضل اصاحبهم و تبدأ حياه جديده
تم النشر الثلاثاء، ٥ مارس ٢٠٢٤
عرفت من تعليقك انك فى تالتة ثانوى يعنى اصلا لا انت فاضى لأصحاب ولا قعدات فركز فى السنة اللى انت فيها و فى مذاكرتك و خلى وقتك ما بين المذاكرة و الصلاة و الدروس و شوية ترفيه فى حاجة بتحب تعملها و بعد ما تخلص السنادى هتطلع من مجتمع العيال المراهقة الفارغة دى لمجتمع الجامعة و الكليات و هناك هتلاقى ناس ناضجة وواعية وهتعمل صداقات جميلة وكبيرة ودايمة فى الكلية و هتفضل معاك طول العمر و زى ما كل الناس قالت لك فى التعليقات إنت لا مكتئب ولا فيك عيب انت انسان كويس فى مجتمع عيال فاسدة و البعد عنهم مكسب مش خسارة فاجمد كدة يابطل و نخلص الأول الكام شهر اللى باقيين فى الثانوية و نكبر بقى ونروح لعالم الكبار و تفضل برضه على مبدأك تتعامل مع اللى ترتاح له بس و الشمال و الأنانى و بتاع مصلحته سيبك منه و انت انسان جميل و اللى يصاحبك هيكسبك و يبقى من حسن حظه انه يبقى عنده صديق عمر شبهك
تم النشر الثلاثاء، ٥ مارس ٢٠٢٤
احيانا الواحده افضل من أشخاص مش مناسبين ليك حقيقي وخصوصا في زمنا دا مافيش اصحاب بجد وطالما انت بتقول انهم مش كويسين وبيتكلموا في مواضيع متحبش تتكلم فيها ف واحدتك احسن حاول بس تقرب من نفسك وكون صديق لنفسك
تم النشر الثلاثاء، ٥ مارس ٢٠٢٤
حاولت اتعرف علي ناس جديدة و مش هنكر انهم قبلوني في اول قعده و اول كلام و لكن بعد كدا مش عارف هل هما معتبرني تقيل عليهم ان اني مش مناسب اني اصاحبهم
تم النشر الثلاثاء، ٥ مارس ٢٠٢٤
لعرض الإجابة في فدني اضغط هنا