ادعي ربنا في كل صلاة انه يتوب عليك ويهديك وبالنسبه لعدم انتظام الصلاه فده ليه حل بعد كل صلاه قول اللهم ادم على نعمتك وذكرك وشكرك وحسن عبادتك واعنى من لدنك على ذكرك وشكرك وعلى طاعتك بعد ماتختم كل صلاة ادعي بالدعاء ده وإنشاء الله ربنا يهديك ويديم عليك الصلاه اما بالنسبه لزملاء السكن السيئين فلوا عرفت ان انت تبعد عنهم فده احسن حاجه ممكن تعملها ورسول الله قال من ترك شيئا لله عوضه الله خيرا منه فمش تقول هسيب الاوضه واروح فين انوى انك تتوب وتبعد عن كل حاجه كنت بتعملها وربنا هيساعدك واوعى تيأس من التوبه لأن ده نزغ من الشيطان وكل لما تعمل حاجه توب باب التوبة مفتوح على طول ولازم تاخد على نفسك عهد انك مش ترجع وإنشاء الله ربنا يكرمك بصحبه صالحه تعيش معاهم حتى لو هتاخد أوضه لوحدك ربنا هيكرمك ويبعتلك إيجارها والمصاريف طالما نويت نيه صادقه انك تتوب . وربنا معاك دائما انشاء الله.
كُن عطوفًا على نفسِك، لا تُصِّعب الحياةَ بقسوتِك على ذاتِك، إذا أخطأت فأحسن، فليسَ العيبُ أن تخطئ ولكن العيبُ أن لا تتعلمَ من هذا الخطأ، إذا خسرتَ اليوم ستُعوِّض غدًا، إذا أذنبتَ استغفر ولو عدت للذنبِ ألف مرة وعاهد ربَّك ألا تعودَ للذنب، إذا ظَلَمت أحدًا فصحِّح خطأك واعتذِر، الحياةُ قصيرة فلا تقضيها مُنطويًا مُنزويًا حزينًا نادِمًا، فما فاتَ فات والقادمُ غيبٌ بيدِ الله، فاهتمّ بيومِك، واترُك المستقبلَ للهِ، فما بين غمضةِ عينٍ وانتِباهتِها يُغيِّر اللهُ من حالٍ إلى حالٍ
تم النشر الثلاثاء، ٢١ نوفمبر ٢٠٢٣
لعرض الإجابة في فدني اضغط هنا